მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ როგორ აფასებს ბიძინა ივანიშვილის განცხადებას გიორგი გახარიას შესახებ - ოპოზიციისა და მმართველი გუნდის წარმომადგენლების შეფასებები
14:00 / 07-06-2021
პარტია "ქართული ოცნების“ ყოფილმა თავმჯდომარემ, ბიძინა ივანიშვილმა გიორგი გახარიასთან დაკავშირებით დღეს განცხადება გამოაქვეყნა და მის ქმედებას - პრემიერის პოსტის დატოვებისა და პარტიის შექმნის შესახებ, ღალატი უწოდა.
ივანიშვილის განცხადებას უკვე მოჰყვა შეფასებები როგორც მმართველ გუნდში, ასევე ოპოზიციაში:
გია ვოლსკი, პარლამენტის ვიცე-სპპიკერი:
ვოლსკის განცხადებით, გიორგი გახარია ხისტი იყო, როდესაც ნიკა მელიასთვის იმუნიტეტის მოხსნას სასწრაფოდ მოითხოვდა და მისი მეტამორფოზა იმ დროს, როდესაც სახელმწიფოს ინტერესები სხვა ქმედებებს მოითხოვდა პრემიერისგან, უმკაცრესად უნდა შეფასდეს.
როგორც ბიძინა ივანიშვილის განცხადებასთან დაკავშირებით ვოლსკიმ ჟურნალისტებთან საუბრისას აღნიშნა, გახარიას ქმედებებს დაერთო ჭორი, რომ თითქოს მისი მოქმედებები ბიძინა ივანიშვილის ინტერესებს უკავშირდებოდა და ამიტომ ივანიშვილი ვალდებულიც იყო საზოგადოებისთვის სიმართლე ეთქვა.
"პირველი, რაც უნდა აღვნიშნო, არის გიორგი გახარიას ძალიან მკაცრი და გადაჭარბებულად ხისტი კომენტარები, პოზიცია, რომელიც მან უმრავლესობის შეხვედრაზე გამოხატა. გაცილებით უფრო მკაცრად, ვიდრე მას ჩვევია. მათ შორის პარლამენტის ტრიბუნიდან იგი „ნაციონალურ მოძრაობის” მიმართ ამბობდა, რომ ეს პოლიტიკური ძალა უნდა დაამთავროს. გაცილებით ხისტი იყო შეხვედრაზე, როდესაც მოითხოვდა, რომ სასწრაფოდ მოხსნოდა დეპუტატის იმუნიტეტი.მეტამორფოზა, რომელიც ვიხილეთ იმ პერიოდში, როდესაც სახელმწიფოს ინტერესები სხვა ქმედებებს მოითხოვდა პრემიერისგან, უმკაცრესად უნდა შეფასდეს. ბიძინა ივანიშვილი ვალდებულიც იყო საზოგადოებისთვის ეთქვა სიმართლე. ამ პრემიერ-მინისტრის არაადეკვატურ მოქმედებებს დაემატა ინტენსიურად გავრცელებადი ჭორი, თითქოს ამას კავშირი აქვს ივანიშვილის ინტერესებგან. თითქოს ეს არის გარკვეულ სცენარს დაქვემდებარებული. მისი ხედვა არის გარკვეული ვალდებულება საზოგადოების წინაშე, რომელსაც არასდროს გაურბოდა”,- განაცხადა ვოლსკიმ.
ნათია თურნავა, ეკონომიკისა და მდგრადი განვითარების მინისტრი:
"როგორც ჩანს, განვითარებულმა მოვლენებმა იძულებული გახადა ბატონი ბიძინა, მკვეთრი განცხადებით და შეფასებით ეპასუხა. ამის ერთ-ერთი მიზეზია, რომ ყოფილი პრემიერ-მინისტრის გიორგი გახარიას პარტია მის სახელს იყენებს, თითქოს ასე აწვდის მოსახლეობას ინფორმაციას, რომ ბიძინა ივანიშვილის პროექტია, რაც აბსოლუტურად არ შეესაბამება სიმართლეს. ამიტომაც მოხდა ასეთი მკვეთრი შეფასებების მიცემა, რაც ასახულია ბატონ ბიძინას განცხადებაში, მათ შორის მან ეს გადაწყვეტილება გადადგომის შეაფასა - ღალატის ტოლფას საქციელად.
ძალიან მნიშვნელოვანია რა მომენტში მოხდა გადადგომა. მოხდა საკმაოდ რთულ, დინამიკურ მომენტში, როდესაც პოლიტიკური დაძაბულობა იყო. ასეთ დროს განსაკუთრებული პასუხისმგებლობა ეკისრება სახელისუფლებო გუნდს მთლიანად და რა თქმა უნდა, მის ხელმძღვანელს პრემიერ-მინისტრს."
იაგო ხვიჩია, "გირჩის" ერთ-ერთი ლიდერი:
"ვიღაცისთვის მოღალატის დაძახება ქართულ პოლიტიკაში არც პირველია და არ უკანასკნელი. ასეთი საუბრები ხშირად გაგვიგია და მისი მიზანი, როგორც წესი, არის ხოლმე, რომ გაემიჯნო სხვა პარტიას და შენი ხმები არ გაატანო. ზოგადად, "ქართული ოცნების" ტაქტიკა გახარიასთან მიმართებით არის ის, რომ მათ ესმით, რომ გახარია, როგორც მათი გუნდის ყოფილი წევრი, სიის პირველი ნომერი მშვიდობიანობის პერიოდში მათ ხმას წაიღებს, რაც შარლ მიშელის დოკუმენტის პირობებში არ არის საჭირო და პირიქით, "ქართული ოცნებისთვის" ძალიან მტკივნეული შეიძლება იყოს. ამიტომ "ქართული ოცნება" აგრესიული კამპანიით ცდილობს, რომ რაც შეიძლება ნაკლები ხმა გაატანოს ყოფილ პემიერ-მინისტრს."
ვახო მეგრელიშვილი, "გირჩის" ერთ-ერთი ლიდერი:
"ახსნის ყველაზე მარტივი ვერსია რომ შემოგთავაზოთ, ეს არის, რომ გიორგი გახარიას "ქართულმა ოცნებამ" არ გააყოლოს არც ერთი მხარდამჭერი და "ნაციონალებზე“ უფრო "ნაციონალებად“ აქციონ გიორგი გახარია,"
დავით უსუფაშვილი, ფრაქცია "ლელო - პარტნიორობა საქართველოსთვის" წევრი:
"სჯობს, ბიძინა ივანიშვილმა წინასწარ დაანონსოს და გვითხრას, კიდევ ვინ უღალატებს მას, რადგან ამ წლების განმავლობაში დაკავებულია მხოლოდ იმით, რომ პოსტფაქტუმ, როცა ვინმე მისი გავლენის თუ მასთან თანამშრომლობის სფეროდან გადის, მერე უწოდებს მას მოღალატეს და რას არ უწოდებს. ამიტომ, ალბათ, სჯობს, ახლავე გვითხრას კიდევ ვინ არის ის ხალხი, ვისაც მოღალატეებად გამოაცხადებს მომავალში."
გაეცანით ივანიშვილის განცხადებას
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ე.ი. მელიას ხმაურით დაჭერა წამგებიანი იქნება ოცნებისთვის და მისი დაჭერა რამოდენიმე დღით გადვდოთ და სხვა ფორმით ჯობიაო რომ თქვა გახარიამ, ეს ღალატია?
რაც თქვა არ ახდა? ბოიკოტის გამო დასავლეთი თავს დიდად არ იტკიებდა; მელიას დაჭერის შემდეგ წამოვიდა "ანტისაოცნებო" ნიაქღვარი და შედეგად 43%-ზე ხელმოწერა და კრიმინალების ციხიდან გაშვებინება იყო; და რომელია ღალატი?
როგორც ჩანს, გახარიას ფაქტორი შლის და ანაწევრებს ოცნებას და გამოაგორეს ძიმე არტილერია; მაგრააამ, ზარბაზანს სწორი მიმართულებით და მცოდნე "მეზარბაზნე" თუ არ გაისვრის, მსროლელი მხარე შეიძლება დაზარალდეს
რასაც შიდა კვლევებზე ამბობენ, მართალი ჩანს - რაც არ დაიმალება და დეპუტატებისა და რიგითების გახარიას მხარეს გადასვლა მერე ნახეთ!
აქამდე ცოტას ფრთხილობდნენ, ეხლა ბიძინამ რომ მისცა დაბრო დაეწყვნენ ბატები და ყაყანებენ