მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"6 თვე რატომ იყვნენ ქუჩაში თუ ასეთი კონსტრუქციულობანას თამაში იყო მათი ამოცანა?" - ხუხაშვილი პარლამენტში შესულ პარტიებზე, ვასაძესა და გახარიაზე
21:26 / 21-05-2021
პარლამენტში შესული პარტიები ისეთი ხალისით ჩაერთნენ ამ ამბებში, თითქოს არანაირი პრეისტორია არ ყოფილა. ის 6 თვე რას აკეთებდნენ, რატომ იყვნენ ქუჩაში, თუ ასეთი კონსტრუქციულობანას თამაში იყო მათი ამოცანა? შესულიყვნენ პირველივე დღიდან, - ამის შესახებ პოლიტოლოგმა გია ხუხაშვილმა „პალიტრანიუსის“ გადაცემაში „360 გრადუსი“ განაცხადა.
ხუხაშვილის შეფასებით, პარლამენტში შესულ ოპოზიციას ახლა „სახის შენარჩუნების“ ამოცანა აქვს და „ალეკო ელისაშვილის მსგავსი ტექსტებით დაიწყეს საუბარი“. მისივე თქმით, ოპოზიციის „მორიგი სიბრიყვე“ იქნება, თუ ისინი ადგილობრივი თვითმმართველობის არჩევნებამდე გამართულ კამპანიაში მთავარ სამიზნედ ყოფილ პრემიერ-მინისტრ გიორგი გახარიას და „ერთობა, რაობა, იმედის" ლიდერ ლევან ვასაძეს ამოიჩემებენ.
"ოპოზიციის მორიგი სიბრიყვე იქნება თუ ისინი მთავარ სამიზნედ ამოიჩემებენ გახარიას და „თვალთხარიაზე“ ააწყობენ საკუთარ კამპანიას. აქეთ კიდევ ვასაძეს ფაშისტს დაუძახებენ, ეს იქნება მორიგი სიბრიყვე. ეს ორი ცენტრი არ იქნება მათი ელექტორალური კონკურენტი, მათი სამიზნე არის მხოლოდ ხელისუფლება. გახარია და ვასაძე ოპოზიციის სიტუაციური მოკავშირეები უფრო არიან, ვიდრე მათი ოპონენტები.
მათ აქვთ სახის შენარჩუნების ამოცანა, ისევე როგორც ელისაშვილს. ელისაშვილის ტექსტებით დაიწყეს ლაპარაკი, მისი მოტივიც იგივე იყო, როდესაც ამბობდა, რომ „ჩიტი ვეღარ გაფრინდება არჩევნებზე“ ისეთ კოდექსს მივიღებო. ამას აკეთებდა იმიტომ, რომ გაემართლებინა თავისი შესვლა, ამათაც ეს მოტივი აქვთ.
ხალხის პრობლემები და პოლიტიკური ელიტის პრობლემები აცდენილია ერთმანეთისგან. პარლამენტში შესული პარტიები ისეთი ხალისით ჩაერთნენ ამ ამბებში, თითქოს პრეისტორია არ ყოფილა. ის 6 თვე რას აკეთებდნენ, რატომ იყვნენ ქუჩაში, თუ ასეთი კონსტრუქციულობანას თამაში იყო მათი ამოცანა, შესულიყვნენ პირველივე დღიდან. ისე ვატყობ, რიგგარეშე არჩევნები აღარც აინტერესებთ იმ მცირე პარტიებს, რომლებიც იქ არიან. ჯერჯერობით რასაც ვისმენთ ეს არის ჭიდაობა მერის არჩევნებზე, თუ ამოცანა არის ის, რომ ხელისუფლებამ ვერ გადალახოს 43%-იანი ბარიერი, ეს არის აბსოლუტურად სხვა სტრატეგია და არა იწილო-ბიწილო მაჟორიტარულ ოლქებთან დაკავშირებით. მე არ ვამბობ, რომ ეს ყველაფერი ცუდია, მაგრამ ჯერ კიდევ ვართ პროცესის შუაში და აცდენა პოლიტიკურ სპექტრსა და საზოგადოებას შორის არის ძალიან მაღალი.
ვინც ამბობს, რომ დროებითი საგამოძიებო კომისიის მუშაობას აზრი არ აქვს ვითომ-ვითომ პოლიტიკოსები არიან. ეტყობა პოლიტტექნოლოგიებში საერთოდ ვერ ერკვევიან, აქ მთავარი ის კი არ არის, რა შედეგი დაიდება, 100%-იანი შედეგიც რომ დადონ ხელისუფლება მაინც არ მიიღებს. ეს არის პოლიტიკური პროცესის ნაწილი, ამდენი ხანი რომ ამტკიცებდი არჩევნები გაყალბდა, ახლა უსუსური არგუმენტაციით აზრი არ აქვს ლაპარაკსო, რატომ არ აქვს აზრი? უნდა მოიყვანონ თამარ ჟვანია და დაიკითხონ ისინი საჯაროდ, საზოგადოების რწმენის ნაწილად რომ აქციეს ყველაფერი ასე არ არის“, - აღნიშნა გია ხუხაშვილმა.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გეთანხმებით, ბატონო გია, მაგრამ მაგათ დესტრუქციის და სხვისი ლანძღვის გარდა ვერაფერი შემოგვთავაზეს. დარჩებიან თავიანთი ფანატიკოსი ამომრჩევლის ანაბარა. დანარჩენები მიხვდნენ, რომ პერსპექტივას ისპობდნენ და თავს უშველეს.
ხუხაშვილიც რომ კობახიძე- ვოლსკივით დაიწყებს ლაპარაკს,გაყალბება დაამტკიცონო.ჟვანია სახალხოდ დაკითხონო.კაი რა ხუხა,ხომ არ ჯობია პირდაპირ ივანიშვილი დავკითხოთ სახალხოდ? ბოლო დროს რაც არჩევნები ახლოვდება,ეტყობა ხუხას ჯიბეები ევსება საკმაოდ და იმიტომაცაა ასეთი აქტიური ოცნების მეწისქვილე.