მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გიორგი კეკელიძემ აპრილის წიგნის ჩუქების თვედ გამოცხადების ინიციატივა საოკუპაციო ხაზთან დააანონსა
11:00 / 06-04-2021
წიგნის ჩუქების თვესთან დაკავშირებით ეროვნული ბიბლიოთეკის დირექტორი გიორგი კეკელიძე „ბიბლუსის“ და „ანაგრამას“ წარმომადგენლებთან ერთად საოკუპაციო ხაზთან მდებარე სოფელ დიცს ესტუმრა და ერთ-ერთ ოჯახს ბიბლიოთეკა მოუწყო.
გიორგი კეკელიძის ინიციატივაა, რომ წიგნის ჩუქების დღე, წიგნის ჩუქების თვედ გადაიქცეს, „ბიბლუსი” და „ანაგრამა“ კი ამ იდეისა და მასთან დაკავშირებული აქციების აქტიური მხარდამჭერები არიან. შესაბამისად, თუ აქამდე წიგნის ჩუქების დღედ 23 აპრილი მიიჩნეოდა, ახლა ტრადიცია მთელი თვის განმავლობაში გაგრძელდება და მის ფარგლებში სხვადასხვა აქტივობა განხორციელდება როგორც ეროვნული ბიბლიოთეკის, ისე პროექტის მხარდამჭერების მხრიდან.
„სოფელ დიცში ჩავედით - ოკუპაციის გამყოფ ხაზთან. იქ ორი ელენე გველოდა - ბებია და შვილიშვილი - ელენე ბოლათაევა-მინდიაშვილი და პატარა ელენე მინდიაშვილი. ორივეს ძალიან უყვარს წიგნები და წიგნის ჩუქების დღის აღნიშვნა, რომელიც წელს წიგნის ჩუქების თვედ გვინდა ვაქციოთ",ბიბლუსთან’’ და "ანაგრამასთან’’, სწორედ ამ ოჯახიდან დავიწყეთ და ბიბლიოთეკა მოვუწყვეთ“ , - განაცხადა გიორგი კეკელიძემ.
„ვუერთდებით გიორგი კეკელიძის ამ ინიციატივას და მთელი თვის განმავლობაში ვიქნებით წიგნის ჩუქების თვესთან დაკავშირებული აქციების მხარდამჭერები. 23 აპრილს, თუ შეზღუდვებმა ხელი არ შეგვიშალა, მკითხველებსა და წიგნის მოყვარულებს განსაკუთრებულ დღეს ვპირდებით. #აჩუქეწიგნი საყოველთაო გამოწვევაა, რომელშიც უკვე ორი წელია უამრავი ადამიანი ერთვება და გვიხარია, რომ 23 აპრილი, უკვე იქცა ტრადიციად, როდესაც ყველანი საყვარელ ადამიანებს ვჩუქნით წიგნებს. წელს, გვაქვს მოლოდინი, რომ ამ გამოწვევაში კიდევ უფრო მეტი ადამიანი მიიღებს მონაწილეობას და იგი უფრო მასშტაბურ სახეს მიიღებს. იმედს ვიტოვებთ, რომ წელს, კოვიდპანდემიის მიუხედვად, 23 აპრილს, დღესასწაულად ვაქცევთ’’, - აცხადებს „ბიბლუსის“ მარკეტინგისა და გაყიდვების დირექტორი, თამუნა როსტიაშვილი.
„ანაგრამა ეროვნული ბიბლიოთეკისა და "ბიბლუსის" ამ ინიციატივის მხარდამჭერია, რადგან ვთვლით, რომ განათლების ამაღლების საკითხი ჩვენი ქვეყნისთვის უმნიშვნელოვანესი საზრუნავია და გვინდა, ჩვენი წვლილიც შევიტანოთ ამ საქმეში. წელს, პოსტპანდემიურ გარემოში, წიგნის ჩუქების აქტივობამ განსაკუთრებული მნიშვნელობა შეიძინა როგორც მკითხველისთვის, ასევე ავტორებისთვის და გამომცემლობებისთვის. სწორედ ამიტომ, მიუხედავად პარალელურად არსებული არაერთი პრობლემისა, გვინდა, მთელი აპრილი წიგნის ჩუქების თვედ გამოვაცხადოთ და ყველას ვთხოვოთ, შემოგვიერთდნენ“,- აცხადებს „ანაგრამას“ დამფუძნებელი თაკო როდონაია.
(R)
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჯობია ეროვნულ ბიბლიოთეკის თანამშრომლებს მიხედოს