მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კვირიკაშვილს შემთხვევით შევხვდით, მოვიკითხეთ ერთმანეთი, მერე ყავაზე დავპატიჟეთ და დავიშალეთ" - შესაძლოა მარგველაშვილსა და კვირიკაშვილს შორის პოლიტიკური ალიანსი შედგეს?
14:16 / 05-04-2021
ამ ცოტა ხნის წინ, ექსპრეზიდენტმა გიორგი მარგველაშვილმა ძლიერი ალტერნატიული ძალის შექმნის აუცილებლობაზე ილაპარაკა.
"ქართველი ხალხი, ასევე ჩვენი პარტნიორები არ არიან მზად იმისათვის, რომ ხელისუფლება გადააბარონ რომელიმე ერთ მოთამაშეს - "ქართულ ოცნებას“, ან "ნაციონალურ მოძრაობას". უმნიშვნელოვანესია ალტერნატიული, ძლიერი მოთამაშის გაჩენა პოლიტიკურ ველზე და ამ ძლიერი მოთამაშის მეშვეობით იმ ნათელი, განჭვრეტადი მომავლის ჩვენება, რომელშიც კოალიციური მმართველობა ამ ალტერნატიული ძალის ირგვლივ ფორმირდება... ამ ალიანსს ვხედავ როგორც ძალას, შესაძლებლობას, ვაჩვენოთ პარტნიორებს და საზოგადოებას განჭვრეტადი, სტაბილური მომავლის პოლიტიკური გადაწყვეტა. ასევე მე ვეყრდნობი იმ კვლევებს, რომელიც ტარდება. ეს პოტენციალი და მზაობა არსებობს. მაგრამ დღეს ეს ძალა არა უბრალოდ კარგი საარჩევნო შედეგის დადების წინაპირობაა, ეს არის ალტერნატივა და სტაბილურობის გარანტი, იმიტომ, რომ ორი სხვადასხვა პოლუსი საშიშროების და დისბალანსის პოტეციალს ქმნის“, - განაცხადა მარგველაშვილმა.
კითხვაზე, აპირებს თუ არა მარგველაშვილი ასეთ ძალას ჩაუდგეს სათავეში, ყოფილი პრეზიდენტის პასუხი ასეთი იყო:
"ბუნებრივია, მე ამ ბრძოლაში ვიქნები, რომელიც დემოკრატიულობის და სტაბილურობის ბრძოლაა, მე ვიქნები ერთ-ერთი რიგითი ჯარისკაცი ისევე, როგორც ვიყავი ხოლმე, როდესაც საქართველოს პოლიტიკურ სპექტრში ჩემს როლს ვთამაშობდი“.
მარგველაშვილის ამ განცხადებამ საზოგადოებაში გააჩინა ეჭვი და მოლოდინი იმისა, რომ ექსპრეზიდენტი აქტიურ პოლიტიკას განსხვავებული იმიჯით უბრუნდებოდა და არც თუ უსაფუძვლოდ. როგორც ambebi,ge-სთვის გახდა ცნობილი, შეიძლება გიორგი მარგველაშვილმა ყოფილ პრემიერ - გიორგი კვირიკაშვილთან ერთად, რომელიც ბოლო დროს ასევე გააქტიურდა პოლიტიკური განცხადებებით, პოლიტიკურ გაერთიანება შექმნას. ამ ალიანსში ასევე მოიაზრება საგარეო საქმეთა ექსმინისტრი მიხეილ ჯანელიძე, პარლამენტის თავმჯდმარის ყოფილი პირველი მოადგილე თამარ ჩუგოშვილი, გასული წლის ივნისში დაარსებული პარტიის "ჩვენი საქართველო - სოლიდარობის ალიანსის" ლიდერები: ლევან გოგიჩაიშვილი და ჯაბა ჯიშკარიანი.
ინფორმაციის გადასამოწმებლად გიორგი მარგველაშვილს დავუკავშირდით, რომელმაც გვითხრა, რომ პოლიტიკურ განცხადებებს აღარაფერზე აკეთებს. მან არც უარყო და არც დაადასტურა გავრცელებული ინფორმაცია. " ხალხი ბევრ რამეს ამბობს და მომავალშიც იტყვის", - განაცახდა მან.
ჩვენ ასევე დავუკავშირდით ჯაბა ჯიშკარიანსაც.
- რამე რომ იყოს, აუცილებლად გეტყოდით. რაც შეეხება კვირიკაშვილს, ის ჩემი მეგობარია. დასამალი არაფერია, მე და "გოგიჩა" მივდიოდით, შემთხვევით შევხვდით მას, მოვიკითხეთ ერთმანეთი, მერე ყავაზე დავპატიჟეთ და დავიშალეთ. ვიცი, ვიღაცეები კი მოაბამენ კუდს, მაგრამ ჩვენ რამის თქმა და გაკეთება რომ გვინდოდეს, ვერავინ დაგვასწრებს, ვინაიდან ყველაფერს საჯაროდ ვაკეთებთ.
- შემოთავაზების შემთხვევაში თანამშრომლობაზე დათანხმდებით?
- უნდა ავწონ-დავწონოთ რაღაცები, ვიღაცებმა საკუთარი პოზიცია ღიად უნდა გამოხატონ - ვინ ვინ არის, ვის რა უნდა, რა პოზიცია აქვს, სად დგას ეროვნული ინტერესი, როგორ ხედავენ მომავალს, როგორ ხედავენ "ქართული ოცნების“ განვლილ 9 წელს და ყველაფრის გაანალიზების მერე გადავწყვეტთ.
მკითხველის კომენტარები /
58 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნეტა ვის დაკარგვიხარ.
საშინელი არაკაცია ეს ნაპრეზიდენტალი!