26
აპრილიდღის ზოგადი ასტროლოგიური პროგნოზი
პრეზიდენტ დონალდ ტრამპის კაბინეტის ორი მინისტრი - ტრანსპორტის მინისტრი ელეინ ჩაო და განათლების მინისტრი ბეტსი დევოსი, კაპიტოლიუმში მომხდარი არეულობის გამო, თანამდებობას ტოვებენ, - ამის შესახებ ინფორმაციას CNN-ი ავრცელებს.
ტელეკომპანიის ცნობით, ელეინ ჩაომ განცხადება გაავრცელა, რომელშიც აღნიშნულია, რომ ის „ღრმად შეშფოთებულია“ კაპიტოლიუმის შენობაში განვითარებული მოვლენებით, რომლის თავიდან აცილება სრულებით შესაძლებელი იყო. გადადგომის შესახებ განცხადება პრეზიდენტ დონალდ ტრამპს განათლების მინისტრმაც წარუდგინა. ბეტსი დევოსი წერს, რომ კაპიტოლიუმში შეჭრა „არაკეთილსინდისიერი საქციელია.“
პრეზიდენტმა დონალდ ტრამპმა დღეს მიმართვა გაავრცელა.
"კონგრესმა არჩევნების შედეგები დაადასტურა, ახალი ადმინისტრაციის ინაუგურაცია 20 იანვარს გაიმართება", - განაცხადა მოქმედმა პრეზიდენტმა ახალ ვიდეომიმართვაში.
მისი თქმით, ხელისუფლების შეუფერხებლად გადაცემის პროცესი შერიგებას მოითხოვს.
“ახლა ჩემი ყურადღება ძალაუფლების შეუფერხებლად და მოწესრიგებულად გადაცემის უზრუნველყოფაზეა გამახვილებული. ეს მომენტი მოითხოვს კონსოლიდირებასა და შერიგებას," - განაცხადა დონალდ ტრამპმა.
მოქმედმა პრეზიდენტმა ვაშინგტონში განვითარებულ მოვლენებზეც ისაუბრა და აღნიშნა, რომ მომხდარით აღშფოთებულია.
„ისევე, როგორც თითოეული ამერიკელი, ძალადობითა და უკანონო ქმედებით აღშფოთებული ვარ. შეერთებული შტატები იყო და ყოველთვის უნდა იყოს კანონისა და წესრიგის ქვეყანა. კაპიტოლიუმში შეჭრილმა დემონსტრანტებმა შებღალეს ამერიკული დემოკრატიის ადგილსამყოფელი. მივმართავ მათ, ვინც ძალადობასა და ნგრევაში მონაწილეობდა: თქვენ არ წარმოადგენთ ჩვენს ქვეყანას და მათ, ვინც კანონი დაარღვია: თქვენ ამისთვის გაზღვევინებენ,“ - აღნიშნა დონალდ ტრამპმა.
6 იანვარს, ვაშინგტონში დონალდ ტრამპის მხარდამჭერები კაპიტოლიუმის შენობაში შეიჭრნენ, სადაც კონგრესის ორივე პალატის გაერთიანებული სხდომა მიმდინარეობდა, რომელზეც საპრეზიდენტო არჩევნების შედეგების დადასტურების საკითხი განიხილებოდა. სამართალდამცავებმა წესრიგი რამდენიმე საათში აღადგინეს, რის შემდეგაც სხდომა გაგრძელდა და კონგრესმა ჯო ბაიდენის გამარჯვება ოფიციალურად დაადასტურა. გავრცელებული ინფორმაციით, არეულობას 4 ადამიანის სიცოცხლე ემსხვერპლა.
კარგად ვერ განვანათლეთ ხალხი და თანაც მობილობის უფლება მივეცითო.ამიტომ გადადგნენ ეს მინისტრები.
ჯერ სად არის.ეხლა თავდაცვის მინისტრი გადადგება(დაწერილი აქვს პატაკი უკვე),ჩემს ჯარისკაცს,თუნდაც ყოფილს,იქ რა უნდოდაო.
რა საზარელი თვალთმაქცობაა, თავად ჭურში იჯდა და არაფერი გაუგია, არც წაუქეზებია, გამოვიდა მამა აბრამის ბატკანი.