საუკუნის ხმად წოდებული თემურ ქევხიშვილი გარდაიცვალა - ლოტბარის გარდაცვალებას "ფეისბუქზე" მომღერლები ეხმაურებიან
ქართველი ლოტბარი თემურ ქევხიშვილი გარდაიცვალა. ინფორმაციას სოციალურ ქსელში მისი ახლობლები და მეგობრები ავრცელებენ.
თემურ ქევხიშვილი 80 წლის ასაკში დაიღუპა.
დათო ცინცაძე, "შავნაბადას" ხელმძღვანელი:
"გარდაიცვალა საუკუნის ხმად წოდებული თემურ ქევხიშვილი! ჩემი მასწავლებელი, უფროსი მეგობარი და განუმეორებელი მომღერალი - მსგავსი შესაძლებლობების მომღერალი ჩვენ ქვეყანას ძალიან ცოტა თუ ყოლია..."
გიორგი უშიკიშვილი, მომღერალი, ფოლკლორის ეროვნული სკოლის დამფუძნებელი:
"ბრწყინვალე შემსრულებელი დავკარგეთ. ძალიან დიდი დანაკლისია! ძალიან დიდი"
თემურ ქევხიშვილი ანსამბლ "გორდელას" ერთ-ერთი დამაარსებელი იყო; წლების მანძილზე ხელმძღვანელობდა თბილისის სახელმწიფო უნივერსიტეტის ვაჟთა გუნდს, ანსამბლ "ოროველას", ანსამბლ "იმედს", თბილისის პიონერთა სასახლის საგუნდო ანსამბლს, ანსამბლ "დარიალს", ვოკალურ ანსამბლ "ჟურნალისტს"; იყო ანსამბლ "რუსთავის" სოლისტი და სხვა.
მან გასტროლებით შემოიარა მსოფლიოს მრავალი ქვეყანა.
2013 წლის 11 ივნისს ფონდმა "ქართული გალობა" თემურ ქევხიშვილი "საუკუნის ხმად" აღიარა.
"ზურა, დღეს განსაკუთრებული დაბადების დღე გაქვს! დედაც გვერდში გყავს და მამაც!" - გოგლა ჟვანიას ემოციური პოსტი
"5 დღის წინ მოგვამაგრეს ოჯახის ექიმი, რომელმაც პირველ დღეს დარეკა და მას მერე ვეძებთ" - რას წერს ლევან სუხიტაშვილი ინფიცირებული დედის მკურნალობის თაობაზე
