შეიძლება თუ არა ბურგერი იყოს ჯანსაღი და როგორ უნდა მომზადდეს ის?

ბურგერი შეიძლება გემრიელიც იყოს და ამავდროულად, ჯანსაღიც, მთავარია, ის სწორად მოვამზადოთ ან თუ კვების ობიექტში ვაგემოვნებთ, შემადგენლობას კარგად დავაკვირდეთ. ამგვარი ბურგერების ხშირად დაგემოვნება კი ჯანმრთელობის პრობლემებს არ შეგვიქმნის.

ჯანსაღი ბურგერის ყველა ინგრედიენტი ახალი უნდა იყოს. საუბარია როგორც ხორცზე, ისე სალათის ფურცელსა და საწებელზე. რეკომენდებულია, ხორცს გამოცლილი ჰქონდეს ცხიმი, თუმცა შეგვიძლია, ისე მოვამზადოთ, წვენი რომ შეინარჩუნოს. ამისათვის მასში დაახლოებით, 10 გრამი ცხიმი უნდა იყოს დარჩენილი, კარგი მზარეულის ტექნიკით მომზადებული კი არ გამოშრება.

თბილისის ერთ-ერთი კაფეში Burger ‘N Shake, სადაც ჯანსაღ ბურგერებს ამზადებენ, განმარტავენ, რომ ხორცი აუცილებლად ახალი და გაუყინავი უნდა იყოს, სწორედ ამიტომ, ისინი პროდუქტს ყოველდღიურად სანდო მომწოდებლისგან იღებენ, რომელსაც თავის მხრივ, სარეალიზაციოდ მხოლოდ ახალი და ქართული ხორცი გამოაქვს. შემდეგ მას მზარეული შესაბამისად ამუშავებს და ტოვებს იმდენ ცხიმს, რამდენიც ნუტრიციოლოგებისგან არის რეკომენდებული.

რაც შეეხება დანარჩენ ინგრედიენტებს, რეკომენდებულია, ისინიც ახალი და ადგილობრივი წარმოების იყოს, რადგან ასე უფრო მარტივად კონტროლირებადია, რამდენად გამოიყენა ფერმერმა პესტიციდები და სხვა ქიმიური დანამატები და ვნებს თუ არა პროდუქტი ჯანმრთელობას.

„პომიდორი, კიტრი და სალათის ფურცელი ყოველდღიურად ახალი შემოგვაქვს. ჩვენ ვიცით, რა გზას გაივლის ეს პროდუქტები, სანამ ჩვენამდე მოვა, ვიცით, რომ ისინი ქართველმა ფერმერებმა აწარმოეს და ბაზარზე გაყინული და ყველა სასარგებლო თვისებადაკარგული არ შემოსულა, ამიტომ თამამად ვიყენებთ ჩვენს ჯანსაღ ბურგერებში“, - აღნიშნავენ Burger ‘N Shake-ში.

ბურგერის ერთ-ერთი უმნიშვნელოვანესი ინგრედიენტია პური, რომლის გემოვნურ თვისებებზეა დამოკიდებული, საბოლოოდ, რა შეფასებას მიიღებს ჩვენი პროდუქტი. თუ ჯანსაღ ბურგერს ვამზადებთ, რეკომენდებულია, მისი პური რაფინირებული მარცვლეულისგან არ იყოს დამზადებული და ეკოლოგიურად სუფთა ხორბლის ფქვილისგან გამოცხვეს. Burger ‘N Shake- ში აღნიშნავენ, რომ ფქვილის შეძენისას ყოველთვის აკვირდებიან მწარმოებელ ქვეყანასა და შემადგენლობას. ისინი არჩევანს ქართულ ხორბლის ფქვილზე აჩერებენ და პურს თავად აცხობენ, თუმცა იცოდით, რომ გემრიელი ბურგერი პურის გარეშეც მზადდება?

ასეთი პროდუქტი კი კიდევ უფრო ჯანსაღია. უცხოეთში პურის გარეშე მომზადებული ბურგერები დიდი პოპულარობით სარგებლობს. თუ დამატებითი კალორიების მიღება არ გსურთ ან პურით მომზადებული ბურგერი თქვენთვის ზედმეტად ნოყიერია, მაშინ სალათის ფოთლის ბურგერი უნდა მიირთვათ. ინტერნეტში სხვადასხვა უცხოურ ვებ-გვერდზე მისი მომზადების წესის შესახებ უამრავ ინფორმაციას იხილავთ ან თუ გსურთ, ის ჯერ დააგემოვნოთ, Burger ‘N Shake- ს უნდა ესტუმროთ.

„ჩვენს მომხმარებლებში ასეთი ბურგერები განსაკუთრებით პოპულარულია, რადგან არ არის ძალიან მსუყე, უფრო ჯანსაღია, არ შეიცავს გლუტენს და სხვა ნივთიერებებს. სწორედ ამიტომ გვსტუმრობენ როგორც ქართველი, ისე უცხოელი მომხმარებლები. Burger ‘N Shake საუკეთესო ადგილია ოჯახთან და მეგობრებთან ერთად ბურგერების დასაგემოვნებლად. განსაკუთრებულ მოწონებას იმსახურებს ჩვენი საფირმო ბურგერი, რომელიც Burger ‘N Shake- ის რეცეპტით, 100%-ით ეკოლოგიურად სუფთა ინგრედიენტებითაა მომზადებული. ასევე, მომხმარებელს შეუძლია, ჯანსაღი პროდუქტებით დამზადებული ჩვენი სალათები და ჰოთ-დოგები შეუკვეთოს. ჩვენი მეშვეობით, ბევრ მათგანს აღარ უწევს საყვარელ საკვებზე უარის თქმა, რადგან იცის, რა სტანდარტებს ვიცავთ ნებისმიერ კერძის მომზადებისას. ჩვენთან ბავშვებს განსაკუთრებით უყვართ „ორეოს შეიკი“, რომლისთვისაც სპეიცალურად გვსტუმრობენ-ხოლმე.“, - აღნიშნავენ Burger ‘N Shake- ში.

თუ ბოსტნეულის სალათი თქვენი საყვარელი საკვები არ არის, მსხლის სალათი თაფლისა და დიჟონის დრესინგით, როქფორის ყველით, რუკოლათი და ნიგვზით, თქვენს შეხედულებას შეცვლის.

გარდა იმისა, რომ კერძი ჯანსაღია, ჩამოთვლილი ინგრედიენტების ურთიერთშეხამება სრულ ჰარმონიას ქმნის. რა თქმა უნდა, მისი მომზადება სახლში თავადაც შეგიძლიათ, თუმცა მანამდე Burger ‘N Shake- ის შეფ-მზარეულის რეცეპტით უნდა გასინჯოთ.