მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კორონავირუსით ინფიცირებული რამდენი პაციენტია ამჟამად ხელოვნური სუნთქვის აპარატზე - "ინფიცირების ყველა მომდევნო რიცხვი შეიძლება იყოს რეკორდული"
12:43 / 23-10-2020
უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილის, ბერდია სიჭინავას განცხადებით, ამ დროისთვის, ხელოვნური მართვითი სუნთქვის აპარატზე 82 პაციენტი იმყოფება.
მისი თქმით, საქართველოში კორონავირუსის ინფიცირებული პაციენტებიდან 9 162 ადამიანი მკურნალობის კურსს გადის ბინაზე.
„ამ ეტაპზე აქტიური ინფიცირებულების რაოდენობა გახლავთ 14 421 პირი. 3234 მკურნალობს საავადმყოფოში, მათ შორის, თბილისის საავადმყოფოებში გადანაწილებულია 1577 პირი. ხოლო, აჭარის რეგიონში 641. დღეის მდგომარეობით, 397 მძიმე პაციენტი გვყავს. მათ შორის, თბილისში 201, აჭარის რეგიონში 80. ხელოვნური მართვითი სუნთქვის აპარატზე იმყოფება 82 პირი, მათ შორის, თბილისში 53, აჭარაში 12.2025 პირი მოთავსებულია კოვიდ სასტუმროში. 9162 ადამიანი მკურნალობის კურსს გადის ბინაზე“, - განაცხადა ბერდია სიჭინავამ.
ამასთან, როგორც დღეს ჯანდაცვის მინისტრმა, ეკატერინე ტიკარაძემ კორონავირუსთან დაკავშირებული უწყებათაშორისი საკოორდინაციო საბჭოს სხდომის დასრულების შემდეგ განაცხადა, საგარეჯოს, თეთრიწყაროს, ქუთაისის, ახალციხისა და ლანჩხუთის კლინიკებს „ცხელების ცენტრები“ დაემატება. მინსიტრის განმარტებით, ასეთი კლინიკები მიიღებენ ცხელებით პაციენტებს. ამ მხრივ კი, როგორც ტიკარაძე განმარტავს, 442 საწოლფონდის მობილიზაცია კეთდება. ამასთან, ჯანდაცვის მინისტრის განმარტებით, არსებობს გაწერების საკმაოდ დადებითი დინამიკა აჭარასა და ქუთაისში. მისი თქმით, ქუთაისის რეგიონში გუშინ 118 პაციენტი გაიწერა, ხოლო აჭარაში 181 პაციენტი გამოჯანმრთელდა.
„რაც შეეხება საწოლფონდის გადანაწილებას, საწოლფონდის გადანაწილების კუთხით ჩვენ, იქიდან გამომდინარე, რომ კონკრეტულ რეგიონებში იკვეთება ინფიცირებულების რაოდენობა, შესაბამისად საჭირო ხდება უკვე იქ, საწოლების მობილიზაცია. ასევე დღეს ვამტკიცებთ ბრძანებით იმ კლინიკების ჩამონათვალს, რომლებიც ჩაერთვებიან. ეს იქნება, კლინიკები, როგორც საგარეჯოში ისე თეთრიწყაროში, კიდევ დამატებით ქუთაისში, ახალციხეში და ლანჩხუთში. ეს კლინიკები მიიღებენ ცხელებიან პაიენტებს და მათ საჭირო მკურნალობასა და მომსახურებას გაუწვენ. ეს იქნება „ცხელების ცენტრები“ ამ ეტაპისათვის. ვინაიდან, იცით, რომ კლინიკები საჭიროებენ გარკვეულ გამოცდილებასაც. ისინი მიღებენ ცხელებით პაციენტს და დიაგნოსტირების შემთხვევაში უკვე ცენტრალიზებულად გადაწყდება, თუ რა დამატებითი პროცედურა გაიმართება ამ კლინიკაში. საერთო ჯამში, ჩვენ ამ კუთხით გავაკეთებთ 442 საწოლის მობილიზებას“, - განაცხადა ტიკარაძემ.
მისივე განმარტებით, არსებობს კონკრეტული მოდელი, რომელსაც სამინისტრო მიჰყვება და ინფექციის გავრცელების პროგნოზს აკეთებს, რაც მინისტრის თქმით, ჯანდაცვის სისტემას საშუალებას აძლევს, როგორც ჰოსპიტალურ სექტორში, ისევე პირველადი ჯანდაცვის სექტორში, კორონავირუსით დაავადებულებს მომზადებული შეხვდნენ.
„დღეს გვაქვს მაღალი მაჩვენებელი. ეს არის მოლოდინი და სწორედ იმიტომაც ვცდილობთ ღია კომუნიკაციას, რომ მოსახლეობისთვის ეს არ იყოს შემთხვევითობა და შესაბამისად, ამან არ გამოიწვიოს მოსახლეობაში ზედმეტი მღელვარება. გამომდინარე იქიდან, რომ ჩვენ გვაქვს არაერთი მოდელი და ამ მოდელის ერთ-ერთ კონკრეტულ ფაზას ჩვენ მივყვებით და უკვე პრაქტიკამ გვაჩვენა, თუ რომელი მოდელის მიხედვით ვითვლით პროგნოზულად, რაც შემდეგ დღეს ნამდვილად მართლდება, ჩვენ გვაქვს იმის საშუალება, რომ ჰოსპიტალურ სექტორში, ისევე როგორც პირველად ჯანდაცვის სექტორში ვხვდებით ინფიცირებულებს მაღალი მზაობით. დღეის მონაცემებით, ჩვენ გვაქვს საკმაოდ დადებითი დინამიკა პირველადი ჯანდაცვის სექტორში. თქვენ იცით, რომ ჩვენ დავამატეთ მიმღები ზარის რამდენიმე ობიექტი, კერძოდ, ჯანდაცვის სამინისტროს ბაზაზე, რის შედეგადაც, ნამდვილად, გაუმჯობესდა პაციენტებზე მონიტორინგი. მე არ ვგულისხმობ ხარისხობრივ მონიტორინგს, არამედ ვგულისხმობ რაოდენობრივს, ვინაიდან სწორად ნაწილდება უბნის ექიმებზე პაციენტების რაოდენობა და შესაბამისად, მათი ჩართულობა მეტად გააქტიურებულია. გუშინდელი დღის განმავლობაში ჩვენ ვმართეთ 3446 საქმე. აქედან პრობლემური - 340 საქმე, რომელიც კოვიდინფიცირებულების ჯანმრთელობას ეხებოდა და კონკრეტულად ჩვენთან დაკონტრაქტებული ოჯახის ექიმების მხრიდან ნაწარმოები იქნა 749 საქმე,“ - განაცხადა ეკატერინე ტიკარაძემ.
მისივე თქმით, ქუთაისსა და აჭარაში საკმაოდ დადებითი დინამიკაა გამოჯანმრთელებისა და კლინიკიდან გაწერის მიმართულებით. მინისტრის მონაცემებით, გუშინ ქუთაისის რეგიონში 118 პაციენტი გაეწერა, ხოლო აჭარაში 181 პაციენტი გამოჯანმრთელდა.
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იხრჩობოდა გუშინ პაციენტი და არ ქონდათ მთელ ქალაქში აპარატი, ეს მინისტრი უნდა შეაერთო იმ აპარატზედ , საერთოდ რატომ იღებსხელფასსს