აჭარაში სტაციონარში კორონავირუსით ინფიცირებული 494 პაციენტი მკურნალობს - მათგან 41 მოზარდი და 15 ორსული

ბათუმის 8 კოვიდკლინიკაში 494 პაციენტი მკურნალობს, მათგან 41 არასრულწლოვანია.

როგორც აჭარის ჯანდაცვის სამინისტროში აცხადებენ, გასული 24 საათის განმავლობაში აჭარაში აღებული იქნა 3500-ზე მეტი PCR ტესტი, დადასტურდა 193 ახალი შემთხვევა.

„სტაციონარში მკურნალობს - 494 პაციენტი, მათ შორის 41 არასრულწლოვანი და 15 ორსული, ერთი ორსული გუშინ გადაიყვანეს თბილისში.

- რეანიმაციულ განყოფილებაში მოთავსებულია - 22 პაციენტი

- კოვიდ კარანტინში მეთვალყურეობაზე იმყოფება - 949 პაციენტი, მათ შორის 71 არასრულწლოვანი

- სტაციონარიდან გამოჯანმრთელდა და გაეწერა 17 პაციენტი

- კოვიდ სასტუმროდან ბინაზე გაეწერა - 9 პირი

- ბინაზე მკურნალობს 400-ზე მეტი კოვიდ დადებითი პაციენტი

- ონლაინ კლინიკების მეშვეობით კონსულტაცია გაეწია - 427 პირს

- აჭარაში კორონავირუსით ინფიცირებული პაციენტების მართვაში ჩართულია 8 სამედიცინო დაწესებულება. რეგიონში მობილიზებულია 600 საწოლი

- კოვიდ დადებითი პაციენტებისთვის გამოყოფილია 7 საკარნტინო სივრცე", - აცხადებენ უწყებაში.