მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჰქონდა თუ არა დაკარგული გონება გიორგი შაქარაშვილს გარდაცვალებამდე? - რას ამბობს ექსპერტი?
16:19 / 11-08-2020
19 წლის ფეხბურთელის გიორგი შაქარაშვილის გარდაცვალების საქმეზე დანიშნული მეორე სასამართლო-სამედიცინო ექსპერტიზის შუალედური დასკვნის მიხედვით, ახალგაზრდა ფეხბურთელის სხეულზე არსებული დაზიანებები განვითარებულია რაიმე მკვრივი, ბლაგვი, მატრამვირებელი საგნის ზემოქმედებით, როგორიცაა ხელკეტის მსგავსი საგანი, ფეხი, ქვა, მუშტი და ა.შ.
დამოუკიდებელმა ექსპერტმა ალექსანდრე გეჯაძემ, რომელიც შაქარაშვილის საქმეში გარდაცვლილის ოჯახის თხოვნით არის ჩართული, ექსპერტიზასთან დაკავშირებულ საკითხებზე ჟურნალისტებთან ისაუბრა.
ალექსანდრე გეჯაძის თქმით, მეორე ექსპერტიზაზე დასმული იყო სულ 14 შეკითხვა. შუალედურმა დასკვნამ, რომელიც დღეს გასაჯაროვდა, ამ ეტაპზე მხოლოდ 8 შეკითხვას გასცა პასუხი. როგორც გეჯაძე განმარტავს, ექსპერტიზის შუალედური დასკვნის მომზადების თხოვნით მათ პროკურატურამ მიმართა.
"ამ ეტაპზე დასრულდა მეორე სასამართლო-სამედიცინო ექსპერტიზის ნაწილი. 14 შეკითხვიდან ამ ეტაპზე პასუხი გაცემულია 8 შეკითხვაზე, რომლებიც ძირითადად ეხება დაზიანებების განვითარების შესაძლებელ ვარიანტებს. რატომ გაიცა ამ ეტაპზე შუალედური დასკვნა და რატომ არ გაეცა ყველა, 14- ვე შეკითხვას პასუხი? გამოძიებამ მოგვმართა წერილობით და გვთხოვა, რომ თუ რაიმე კითხვებზე შესაძლებელი იყო პასუხის გაცემა, გაგვეცა შუალედური დასკვნა საზოგადოების მაღალი ინტერესიდან და საქმის საჭიროებიდან გამომდინარე. ექსპერტიზის პროცესში ექსპერტებს შორის აზრთა სხვადასხვაობას ადგილი არ ჰქონია.
დადგინდა ცალსახად, რომ შაქარაშვილს დაზიანებები სიმაღლიდან ვარდნით და წყალში დაცემით არ მიუღია, ანუ ამ დაზიანებებს ერთობლივად აღებულს ვერ მიიღებდა სიმაღლიდან ვარდნით. ამავდროულად, ცალსახად გამოვრიცხეთ, რომ შაქარაშვილს დაგორებით შეეძლო ამ დაზიანებების მიღება. ადგილი უნდა ჰქონოდა უფრო სხვა სახის და ხასიათის დაზიანებებს. ამ დასკვნის ძირითადი აზრი ამაშია. ასევე, ჩვენ გამოვრიცხეთ სიმაღლიდან ვარდნის შედეგად შინაგან ორგანოებში მიღებული დაზიანებების ალბათობა. ამ დაზიანებებს შაქარაშვილი მიიღებდა მკვრივი ბლაგვი საგნის ზემოქმედებით. გამოიკვეთა წელის პროექცია, სადაც სიგრძივი ფორმის სისხლჩაქცევა გვაძლევდა შესაძლებლობას, რომ მაღალი ალბათობით გვეთქვა, ამ მიდამოში ხელკეტის მსგავსი საგნით იყო მიყენებული დაზიანებები. სავსებით დასაშვებია, რომ ეს მომხდარიყო ცემისას და ყველა მათგანი არის სიცოცხლისდროინდელი. ჰისტოქიმიური კვლევის უახლესი მეთოდების საშუალებით, დადგინდება სიცოცხლის დროინდელი დაზიანებების ხანდაზმულობა. პირველი ექსპერტიზით დაიდო დასკვნა, რომ ეს დაზიანებები სიკვდილთან უახლოეს პერიოდში იყო მიყენებული. ახლა მაღალტექნოლოგიური კვლევებით დაადგენენ ზუსტ დროს", - განაცხადა გეჯაძემ.
დამოუკიდებელი ექსპერტის თქმით, მიმდინარე ექსპერტიზის ერთ-ერთ მთავარ კითხვას წარმოადგენდა, ჰქონდა თუ არა დაკარგული გონება გიორგი შაქარაშვილს გარდაცვალებამდე. როგორც ექსპერტი ამბობს, ამ და კიდევ ხუთ დანარჩენ შეკითხვაზე პასუხი მეორე ექსპერტიზის ფარგლებში „შესაბამის ვადებში გაეცემა“ .
"ექსპერტიზის წარმოების მეორე ეტაპზე ვისმჯელებთ გონების კარგვის ეპიზოდების შესაძლებლობებზე, უმწეო მდგომარეობაში ყოფნის ალბათობაზე და ა.შ. ამ მიმართულებით გამოყოფილია ექიმ - კლინიცისტები და ექსპერტიზის მეორე ეტაპზე ჩვენ შევხვდებით ექიმ -კლინიცისტებს და ვიმსჯელებთ გონების დაკარგვის შესაძლებლობაზე. ამავდროულად, მეორე ექსპერტიზით გაეცემა პასუხი კითხვას, თუ რამდენი ხანი იმყოფებოდა შაქარაშვილი წყალში. ამ კუთხით ჩვენ გამოვიყენებთ მეტეოსადგურის ინფორმაციებს, წყლის ტემპერატურაზე, სიღრმეზე და ა.შ. ყველა დანარჩენ 6 შეკითხვას გაეცემა ამომწურავი და სრულყოფილი პასუხი შესაბამის ვადებში",“ - აცხადებს გეჯაძე.
ცნობისთვის, პროკურატურამ ფეხბურთელ გიორგი შაქარაშვილის საქმეზე "ტოიოტა ქამრის" მგზავრების - 5 პირის მიმართ სისხლის სამართლებრივი დევნა დაიწყო 109-ე მუხლის მეორე ნაწილის „ე“ ქვეპუნქტით ჩადენილი დანაშაულისთვის, რაც განზრახ ჯგუფურად ჩადენილ მკვლელობას გულისხმობს.
როგორც პროკურატურაში გამართული ბრიფინგიდან გახდა ცნობილი, ბრალი დაუმძიმდათ ვახტანგ ჩიქოვანს, არჩილ გაგნიძეს, ნიკოლოზ რევაზიშვილს, არასრულწლოვნებს ა.ქ.-ს და ზ.ხ.-ს.
ფეხბურთელ გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს 19 ივნისს მიმართა. 4-დღიანი საძიებო სამუშაოების შედეგად, მყვინთავებმა ფეხბურთელ გიორგი შაქარაშვილის ცხედარი წყალში იპოვეს. აღნიშნულ საქმეზე დაკავებულია 17 პირი, მათგან 6 არასრუწლოვანია. დაკავებულების ნაწილს გამოძიება ძალადობას, ჯგუფური ძალადობის ორგანიზებას, ჯგუფურ ძალადობაში მონაწილეობას, თავისუფლების უკანონო აღკვეთასა და განზრახ ჯგუფურად მკვლელობას ედავება.
ყველა მათგან აღკვეთის ღონისძიების სახით პატიმრობა აქვს შეფარდებული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
