ყველაზე მოთხოვნადი კურსი საჩუქრად BTU-ს მაგისტრანტებს

თუ თქვენ სამაგისტრო პროგრამას არჩევთ, ყურადღებით გადაათვალიერეთ იმ კურსების ჩამონათვალი, რომელსაც ესა თუ ის უნივერსიტეტი გთავაზობთ. თანამედროვე განათლება სტანდარტულად პროფესიული კურსებისგან არ შედგება. მაგალითად, ეჯაილი არის ის, რასაც თანამედროვე კომპანიებისთვის წარმატება მოაქვს და ამიტომ მნიშნელოვანია, რომ ის უნივერსიტეტებშიც ისწავლებოდეს. ეს არის ერთ–ერთი ყველაზე პოპულარული და ძვირადღირებული კურსი თანამედროვე განათლების სისტემაში. უფრო და უფრო მეტი ბიზნესი ირჩევს მენეჯმენტის ამ უახლეს ტენდენციას და შესაბამისად იზრდება მოთხოვნა ეჯაილის კურსებზეც.

და მაინც რა არის ეჯაილი?

ეჯაილი გულისხმობს კომპანიის სტრუქტურის სრულ ცვლილებას. კომპანია ორიენტირებულია მომხმარებელსა და მასთან დაკავშირებულ მიზნებზე. დეპარტამენტების ფუნქციონალური დაყოფის ნაცვლად, ვიღებთ სურვილისამებრ, კონკრეტული მიზნის გარშემო გაერთიანებულ გუნდებს, რომლებიც, შეძლებისდაგვარად, დაკომპლექტებულია განსხვავებული კომპეტენციის მქონე ადამიანებით. სწორედ ეს არის მთავარი მახასიათებელი მართვისა და მენეჯმენტის ამ ახალი მეთოდისა.

ბიზნესისა და ტექნოლოგიების უნივერსიტეტი მაგისტრატურის სტუდენტებისთვის, კურსდამთავრებულებისა და მათთვის, ვინც წელს საერთო სამაგისტრო გამოცდას აბარებს და BTU-ში აპირებს ჩაბარებას, სწორედ ეჯაილის 10 საათიან ონლაინ კურსს სთავაზობს. კურსი „თიბისი ბანკის“ მხარდაჭერით ხორციელდება. ეს იქნება 10 საათიანი ონლაინ კურსი, რომელიც მოიცავს ეჯაილის პრინციპებს და მისი განხორციელების ორ ტექნიკას: სკრამსა და კანბანს.

ონლაინ კურსი 8 ივნისს იწყება, ჩატარდა 2 საათიანი 5 შეხვედრა.

განრიგი კი ასეთია:

• 8 ივნისი

19:00 -21:00

ინგა ყელაურიძე - Agile Transformation Lead

ეჯაილ ტრანსფორმაციის პროექტის ლიდერი, თიბისი ბანკი. ქოუჩების ცოდნის ცენტრის ხელმძღვანელი და ენტერპრაის ლიგის ლიდერი. თიბისი აკადემიაში უძღვება ეჯაილ ტრანსფორმაციის კურსს. 15 წლიანი გამოცდილება საბანკო სფეროში.

• 9-10 ივნისი

19:00 - 21:00

ნინო ყანდინაშვილი - სკრამი

ეჯაილ მწვრთნელი, თიბისი ბანკი. IT პროექტებში მუშაობის 3 წლიანი გამოცდილება, სქრამ მასტერი (PSM) და კანბანის პროფესიონალი (KMP II). ეჯაილ ტრანსფორმაციის გუნდის წევრი.

ალექსანდრე მანია - სკრამი

ეჯაილ მწვრთნელი, თიბისი ბანკი. პროგრამული უზრუნველყოფის შექმნის 12 წლიანი გამოცდილება, სქრამ მასტერი (PSM) და კანბანის პროფესიონალი (KMP II). ეჯაილ ტრანსფორმაციის გუნდის წევრი.

• 11 ივნისი - 12 ივნისი

19:00 - 21:00

გურანდა კიტია - კანბანი

ეჯაილ ქოუჩი, თიბისი ბანკი. საერთაშორისო სამშენებლო და IT პროექტებში მუშაობის 6 წლიანი გამოცდილება, პროექტების მართვის პროფესიონალი (PMP) და სქრამ მასტერი (PSM). ეჯაილ ტრანსფორმაციის გუნდის წევრი.

ლევან სილაგაძე - კანბანი

ეჯაილ მწვრთნელი, თიბისი ბანკი. IT პროექტებში 8 წლიანი გამოცდილება. ეჯაილ ტრანსფორმაციის გუნდის წევრი. სერტიფიცირებული ეჯაილ მწვრთნელი „Agile Coaching (ICP-ACC)“