მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეპიდემიის აფეთქების შემთხვევაში მავანთ ხელს ეკლესიისკენ გააშვერინებენ..." - რას წერს ექიმი სააღდგომო ლიტურგიაზე
19:45 / 15-04-2020
ექიმი, ენდოკრინოლოგი თამარ გოდერიძე პოსტს აქვეყნებს და მართლმადიდებელ მრევლს სააღდგომო ლიტურგიაზე წასვლისგან თავის შეკავებას ურჩევს.
მისი თქმით, იმ შემთხვევაში თუ ეპიდემია დღესასწაულის შემდეგ იფეთქებს, "მავანთ ეკლესიისაკენ გაშვერის" საშუალება ექნება:
"როგორც ექიმი, ვალდებული ვარ ჩემი აზრი გამოვხატო, მოახლოებული დღესასწაული მე გამოცდას მაგონებს, იმ გამოცდას როდესაც ბოროტმა უფალი კლდის წვერთან მიიყვანა და უთხრა...რაც უთხრა თქვენ ჩემზე კარგად იცით. მე როგორც ექიმს, ეჭვი მაქვს რომ ბევრი ადამიანი, რომელიც ავადაა გადაწყვეტს რომ მივიდეს ტაძარში და საკურნებლად სულისა და ხორცისა - ეზიაროს, მე ევქარისტიის საიდუმლოებაში ეჭვი არ შემაქვს და ჭეშმარიტად მჯერა მისი ფუნდამეტური ღირებულების, მაგრამ ზიარების შემდეგ ადამიანი წმინდანი არ ხდება, მას აღსარებისას მიეტევება ცოდვები მისივე სინანულის საპირწონედ დაზიარებისასაც ამ სინანულის საპირწონედ თანამყოფობს მასთან ქრისტე, შესაბამისად ნუ ჩავვარდებით ხიბლში და ნუ ვიტყვით რომ ჩვენნაირი მონანული სული ქრისტეს არ უნახავს. ძალიან მარტივია ორი გზა - ან წახვალ, ან სახლში დარჩები.
თუ სახლში დარჩები, ამით გაცილებით მეტად აღასრულებ შენს მოქალაქეობრივ ვალს და რელიგიურ მრწამსს მოყვასის წინაშე, ან წახვალ და იქნები მისთვის საფრთხის მატარებელი, ეპიდემიის აფეთქების შემთხვევაში გააშვერინებ ხელს მავანთ - ეკლესიისაკენ. ჩააყენებ მთავრობას უხერხულ მდგომარეობაში, რომელიც პირველივე დაინფიცირებულის გამოჩენისთანავე ბეწვის ხიდზე დადის და მაქსიმალურად უზრუნველყოფს თითოეული მოქალქის უსაფრთხოებას...
უფალთან მისასვლელ გზაზე დირექტივას არავინ გასცემს - არც მთავრობა და არც ეკლესია, არავინ გეტყვით უფლის სახლში არ წახვიდეთო, ტაძრები არ დაიკეტება, წირვა აღევლინება, ევქარისტიის საიდუმლოება ჩატარდება, მაგრამ მოდით იმაზე დავფიქრდეთ ჩვეულებრივი ადამიანები, იქნებ ჩვენ ვიქცევით ისე, რომ ამ წელს არ სურს ჩვენი ტაძარში სტუმრობა უფალს, წელს რატომღაც არ გვეპატიჟება და იქნებ დავრჩეთ სახლში.
იქნებ დრო მოვიდა, რომ ჩვენს თავებს ჩავუღრმავდეთ და ერთმანეთისაკენ არც ხელი გავიშვიროთ და არც ერთმანეთი დავასნებოვნოთ.ნამდვილად მძიმე კვირები გველოდება, ეს ის დროა როდესაც ადამიანის ჯანმრთელობას დიდი საფრთხე შეიძლება შეექმნას და ერსაც და ბერსაც ექიმი და საავადმყოფო დასჭირდეს. არ იქნება ამდენი ექიმი და არც ამდენი ხელოვნური ფილტვი იქნება, თუ ეკლესიებს გადავაქცევთ ინფექციის გავრცელების წყაროებად. საავადმყოფოები ბევრია საქართველოში მაგრამ იმდენი არა, რამდენიც ეკლესია-მონასტრები, არც ექიმები შეიძლება აღმოჩნდნენ საკმარისი თუ ეპიდაფეთქება მოხდება.ჩვენ შევეჩვიეთ, რომ ჩვენს ქვეყანაში მშვიდად მიდის სიტუაცია და ნუ დავტოვებთ ამ სიმშვიდეს წარსულში.
ზიარებას რომ უდიდესი საიდუმოებაა მეც გათავისებული მაქვს და გამიხარდება თუ გაშუქდება სადმე ტელევიზიით ან პრესით, რომ დასნებოვნებული ადამიანებიც აზიარეს მოძღვრებმა საავადმყოფოებში.
აღდგომის დღესასწაული არ გვავალდებულებს და მითუმეტეს არც გვაიძულებს ჯინში ჩამდგარ ფანატიკოსებად ვიქცეთ, მანცდამაინც ზედახორად ვაქციოთ ბარძიმამდე მისასვლელი გზა, ეს არ არის გზა, რითაც “სასუფეველი იიძულების”, ტაძრები სულ ღიაა, ღია იქნება, ღმერთმა არ ინებოს, რომ ოდესმე დაიხუროს და ეს არც არასდროს მოხდება, რადგან “ამას კლდესა ზედა აღვაშენო ეკლესიაი ჩემი და ბჭენი ჯოჯოხეთისანი ვერ ერეოდიან მას“- ნურც იმაში შემომედავებით, რომ მრევლის გარეშე წირვა არასრულყოფილია, ამაშიც მოვიშველიებ - “როცა ორი ან სამი კაცი არს ჩემი სახელით მე მათთანა ვარ”, ამიტომ ვაცადოთ მღვდლებმა სწირონ და ეკლესიის მსახურებმა აღავლინონ მათი მოვალეობები, უფალი სუფევს და ყველგან სუფევს, მთავარია ჩვენს გულებში დამდგარიყოს აღდგომა.
სრულიად ერს და მსოფლიოს ვუსურვებ ჯანმრთელობას და სულიერ სიმშვიდეს" - წერს ექიმი.
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ხელს გააშვერინებს რას ნიშნავს? ანუ თქვენ ერთის მხრივ ამბობთ რომ არის მაღალი ალბათობა რომ ეკლესია გახდეს მასიური დაინფიცირების კერა, მაგრამ ეს ვერ დაიმალება და ხალხი სიმართლეს იტყვის? და ამას ეძახით ხელის გაშვერას? და ამიტომ სჯობს სახლში დარჩენა რომ ხალხმა ხელი არ გაიშვიროს? თორემ ხალხის დაინფიცირებას და საავადმყოფოების გადატვირთვას და შედეგად უამრავი ადამიანის შესაძლო დაღუპვას არაუშავს? კორონამ ნათლად დაგვანახა რომ ჩვენი საზოგადოება ავად არის და ეს არის მიზეზი ჩვენს ქვეყანაში არსებული პრობლემებისა. გამოდის რომ, მთავარია სიმართლე დაიმალოს და ხალხი თუ დაიღუპა არაუშავს? და მერაბიშვილის "ორი გვამი მჭირდება" და ბიძინას "უფასო ფული" და გუბაზას "ერთი ბარკალი" გიკვირთ და გაშფოთებთ და ახლა რაც ხდება ის არც გიკვირთ და არც გაშფოთებთ?
ესაა შელამაზებული, ანუ ნახევარსიმართლე, რასაც თქვენ გვეუბნებით. ექიმები ბრძანდებით თუ ასტროლოგები, ილაპარაკეთ ფაქტებით, რისკების შეფასებებით, თქვით სათქმელი პირდაპირ, თუნდაც ეს მძიმე მოსასმენი იყოს.