რა ვითარებაა თბილისის შემოსასვლელთან დედაქალაქის დაკეტვამდე რამდენიმე საათით ადრე (ფოტო)

რამდენიმე საათში საქართველოს ოთხ დიდ ქალაქში - თბილისში, რუსთავში, ბათუმსა და ქუთაისში 10 დღით შესვლა და გამოსვლა აიკრძალება. მას შემდეგ რაც მთავრობის გადაწყვეტილება გახდა ცნობილი, როგორც გუშინ საღამოს, ასევე დღეს დედაქალაქის შემოსასვლელში მოძრაობა შეფერხებული იყო.

იმ ადგილას, სადაც სპეციალური საგუშაგოა მოწყობილი, შესაბამისი ორგანოს წარმომადგენლები ამ წუთამდე მობილიზებულები არიან.

როგორც შინაგან საქმეთა სამინისტროში აცხადებენ, თბილისის შემოსასვლელში მოძრაობა უბრალოდ შენებული იყო, რადგან დედაქალაქისკენ მომავალი ადამიანებისა და მანქანების შემოწმება ხდებოდა.

ამ დროისთვის თბილისის შემოსასვლელთან საცობები აღარ ფიქსირდება. ადგილზე სიტუაციას საპატრულო პოლიციის წარმომადგენლები აკნტროლებენ.