49 წლის ას­მათ მი­ქა­ძე რამ­დე­ნი­მე დღის წინ ჯან­დაც­ვის სა­მი­ნის­ტრო­დან გა­ა­თა­ვი­სუფ­ლეს. იგი უწყე­ბა­ში გა­ნათ­ლე­ბის სპე­ცი­ა­ლის­ტის პო­ზი­ცი­ა­ზე 2014 წლი­დან მუ­შა­ობ­და. ამ­ბობს, რომ უსა­მარ­თლოდ, და­უ­სა­ბუ­თებ­ლად გა­ა­თა­ვი­სუფ­ლეს და სა­კუ­თა­რი უფ­ლე­ბე­ბის დაც­ვას სა­სა­მარ­თლო­ში აპი­რებს.

ჯან­დაც­ვის სა­მი­ნის­ტროს ყო­ფილ­მა თა­ნამ­შრო­მელ­მა AMBEBI.GE-სთან უწყე­ბა­ში არ­სე­ბულ ნე­პო­ტიზ­მზე და უთა­ნას­წო­რო გა­რე­მო­ზე ისა­უბ­რა.

"2014 წელს სა­მი­ნის­ტროს გა­მო­ცხა­დე­ბუ­ლი ჰქონ­და კონ­კურ­სი. გა­და­ვაგ­ზავ­ნე სა­ჭი­რო დო­კუ­მენ­ტე­ბი, თუმ­ცა გა­სა­უბ­რე­ბა­ზე მივ­ხვდი, რომ კონ­კურ­სი ფაქ­ტობ­რი­ვად, ფორ­მა­ლურ ხა­სი­ათს ატა­რებ­და. იქ უკვე იყ­ვნენ მო­ვა­ლე­ო­ბის შემ­სრუ­ლებ­ლე­ბი, რომ­ლე­ბიც ას­რუ­ლებ­დნენ პო­ზი­ცი­ებ­ზე მო­ვა­ლე­ო­ბებს.

ჩემ­და გა­საკ­ვი­რად, უც­ნობ­მა ქალ­ბა­ტონ­მა ჩა­ი­წე­რა ჩემი ნო­მე­რი და ერთი თვის თავ­ზე და­მი­რე­კა და შე­მომ­თა­ვა­ზა გა­ნათ­ლე­ბის სპე­ცი­ა­ლის­ტის პო­ზი­ცია. სო­ცი­ა­ლუ­რი მომ­სა­ხუ­რე­ბის სა­ა­გენ­ტო­ში იქ­მნე­ბო­და და­საქ­მე­ბის პროგ­რა­მე­ბის დე­პარ­ტა­მენ­ტი.

2014 წლის 4 თე­ბერ­ვალს შტატ­გა­რე­შე თა­ნამ­შრო­მე­ლად მი­მი­ღეს. ზღვა სა­მუ­შაო იყო. მომ­ზა­დე­ბა-გა­დამ­ზა­დე­ბის პროგ­რა­მე­ბი უნდა შე­მუ­შა­ვე­ბუ­ლი­ყო. მე ვი­ყა­ვი კონ­სულ­ტან­ტი ამ პროგ­რა­მე­ბის შე­მუ­შა­ვე­ბა­ში. შტატ­გა­რე­შე თამ­შრომ­ლის ხელ­შეკ­რუ­ლე­ბამ მა­ინც და მა­ინც არ მომ­ხიბ­ლა, მაგ­რამ უმუ­შევ­რო­ბას მერ­ჩივ­ნა.

დე­პარ­ტა­მენ­ტი და­კომ­პლექტდა სოც­სა­ა­გენ­ტოს თა­ნამ­შრომ­ლე­ბის ბა­ზა­ზე, გა­დაყ­ვა­ნის პრინ­ცი­პით. დარ­ჩე­ნილ ად­გი­ლებ­ზე გა­მო­ცხად­და კონ­კურ­სი, თუმ­ცა კონ­კურ­სით მო­სუ­ლი ადა­მი­ა­ნე­ბის უმ­რავ­ლე­სო­ბას ჰყავ­და "პატ­რო­ნე­ბი". მომ­ზა­დე­ბა-გა­დამ­ზა­დე­ბის სა­ხელ­მწი­ფო პროგ­რა­მის ფარ­გლებ­ში გა­ვა­კე­თე 55 პრო­ფე­სია პრო­ფე­სი­უ­ლი ჩარ­ჩო. რო­გორც ავ­ტო­რი, არ­სად არის მი­თი­თე­ბუ­ლი ჩემი სა­ხე­ლი და აწე­რია, რომ მომ­ზად­და სო­ცი­ა­ლუ­რი მომ­სა­ხუ­რე­ბის სა­ა­გენ­ტოს ფარ­გლებ­ში. 100 პრო­ფე­სი­ის პრო­ფე­სი­უ­ლი ჩარ­ჩო, რო­მე­ლიც ასე­ვე მე გა­ვა­კე­თე, ჯან­დაც­ვის სა­მი­ნის­ტროს ვებ-გვერ­დზე დღემ­დე დევს.

- თქვენ ამ­ბობთ, რომ ილა­ხე­ბო­და თა­ნამ­შრომ­ლის უფ­ლე­ბე­ბი, კონ­კრე­ტუ­ლად რა დარ­ღვე­ვებს აწყდე­ბო­დით მუ­შა­ო­ბის პრო­ცეს­ში? რაში გა­მო­ი­ხა­ტე­ბო­და თა­ნამ­შრომ­ლის უფ­ლე­ბე­ბის შე­ლახ­ვა?

- ვი­ღებ­დი მო­ნა­წი­ლე­ო­ბას ევ­რო­კავ­ში­რის და­ფი­ნან­სე­ბუ­ლი "თვი­ნინ­გის", ე.წ "დაძ­მო­ბი­ლე­ბის" პროგ­რა­მა­ში. ვი­ზი­ა­რებ­დით ევ­რო­პულ გა­მოც­დი­ლე­ბას. ჩემი და ჩემი კო­ლე­გე­ბის გა­მოც­დი­ლე­ბი­დან გა­მომ­დი­ნა­რე იხ­ვე­წე­ბო­და და კეთ­დე­ბო­და ქარ­თუ­ლი და­საქ­მე­ბის პორ­ტა­ლი "ვორ­ქნე­ტი". 2017 წლის პირ­ველ ივ­ნისს გა­მიშ­ვეს დე­პარ­ტა­მენ­ტი­დან და და­საქ­მე­ბის კონ­სულ­ტან­ტად გა­და­მიყ­ვა­ნეს დი­დუ­ბე-ჩუ­ღუ­რე­თის გან­ყო­ფი­ლე­ბა­ში. ჩემს შემ­დეგ კი ხუთი შტატ­გა­რე­შე თა­ნამ­შრო­მე­ლი მი­ი­ღეს ამა­ვე დე­პარ­ტა­მენ­ტში.

ჩა­მა­ბა­რეს რუ­ტი­ნუ­ლი სა­მუ­შაო, თუმ­ცა პირ­ნათ­ლად ვა­კე­თებ­დი ყვე­ლა­ფერს. 1 წელი ავად­მყო­ფი ვმუ­შა­ობ­დი, ქი­მი­ო­თე­რა­პი­ის კე­თე­ბის პა­რა­ლე­ლუ­რად. გა­და­ვის­ხამ­დი იმ სა­წამ­ლავს და ვბრუნ­დე­ბო­დი სამ­სა­ხურ­ში. ეს აქ­ტი­უ­რო­ბა და მუ­შა­ო­ბა, უფრო მაძ­ლი­ე­რებ­და.

დი­დუ­ბე-ჩუ­ღუ­რე­თის გან­ყო­ფი­ლე­ბა­ში მარ­თლაც ხე­ლის გულ­ზე მა­ტა­რებ­დნენ. ძა­ლი­ან კარ­გად მე­პყრო­ბო­და ყვე­ლა. მინ­და, მად­ლო­ბა ვუ­თხრა ჩემს კო­ლე­გებს და ცენ­ტრის უფ­რო­სებს - და­ვით ბა­ბუ­ცი­ძეს და ალექ­სან­დრე ყელ­ბე­რაშ­ვილს, მათ ჩემ გა­დარ­ჩე­ნა­ში დიდი წვლი­ლი მი­უ­ძღვით.

2019 წლის ბო­ლოს, ბა­ტონ­მა ბი­ძი­ნამ რომ თქვა გა­და­ცე­მა­ში, სა­ზღვარ­გა­რეთ და­საქ­მე­ბა­ში შე­ვუ­წყობთ ხელს ადა­მი­ა­ნებ­სო, შვე­ბუ­ლე­ბა­ში ყოფ­ნი­სას და­მი­რე­კეს, გა­სა­უბ­რე­ბაა 25 დე­კემ­ბერ­სო. გა­ვე­დი გა­სა­უბ­რე­ბა­ზე და მი­თხრეს, რომ დე­პარ­ტა­მენ­ტის ბა­ზა­ზე იქ­მნე­ბა ახა­ლი, და­საქ­მე­ბის სამ­სა­ხუ­რი. ჩა­ა­ტა­რეს გა­სა­უბ­რე­ბა, ვუ­თხა­რი რომ ვარ შშმ პირი, ონ­კო­პა­ცი­ენ­ტი, წარ­ვუდ­გი­ნე ჩემი და­წე­რი­ლი წიგ­ნი, რომ­ლი­თაც ჩემს კომ­პე­ტენ­ცი­ა­ზე შე­ეძ­ლოთ წარ­მოდ­გე­ნა შექ­მნო­და. მაგ­რამ არა­ფე­რი გა­ით­ვა­ლის­წი­ნეს.

- რო­დის და რა არ­გუ­მენ­ტით გა­გა­თა­ვი­სუფ­ლეს სამ­სა­ხუ­რი­დან?

- ჯან­დაც­ვის სა­მი­ნის­ტრო, სა­დაც არის შრო­მის ინ­სპე­ცია და წე­სით, უნდა იცავ­დნენ შრო­მის უფ­ლე­ბებს, პი­რი­ქით ყო­ველ­დღი­უ­რად არ­ღვევს თა­ნანმშრომ­ლე­ბის უფ­ლე­ბებს.

უწყე­ბა­ში ვი­მუ­შა­ვე ექ­ვსი წელი და ამ ხნის გან­მავ­ლო­ბა­ში შტა­ტი ვერ გა­მო­ნა­ხეს, ამ­დე­ნი ხანი შტატ­გა­რე­შე თა­ნამ­შრო­მე­ლი ვი­ყა­ვი. ჩემი 21 კო­ლე­გა, და­საქ­მე­ბის დე­პარ­ტა­მენ­ტი­დან უმუ­შე­ვა­რი და­ტო­ვეს. კი­დევ ბევ­რს გა­უშ­ვე­ბენ, რო­გორც ვიცი. გა­ვი­გე, იუს­ტი­ცი­ის სივ­რცე­ში უნდა გა­ი­ტა­ნონ სო­ცი­ა­ლუ­რი სამ­სა­ხუ­რი და სა­პენ­სი­ოო.

სამი დღის წინ მო­მი­ვი­და შე­ტყო­ბი­ნე­ბა სა­მი­ნის­ტრო­დან, პირ­ვე­ლი თე­ბერ­ვლი­დან არ გა­გიგ­რძელ­დე­ბა ხელ­შეკ­რუ­ლე­ბაო და ფაქ­ტობ­რი­ვად დამ­ტო­ვეს 140 ლა­რის, შშმ პი­რის პენ­სი­ის ამა­რა. ვა­პი­რებ კონ­სულ­ტა­ცი­ე­ბი გა­ვი­ა­რო იუ­რის­ტებ­თან. რამ­დე­ნად სა­მარ­თლი­ა­ნია შშმ პი­რის გა­თა­ვი­სუფ­ლე­ბა სრუ­ლი­ად და­უ­სა­ბუ­თებ­ლად და არ­გუ­მენ­ტი­რე­ბის გა­რე­შე.

და­საქ­მე­ბის დე­პარ­ტა­მენ­ტის ბა­ზა­ზე შექ­მნილ სამ­სა­ხურ­ში, პირ­და­პი­რი გა­და­ნიშ­ვნის პრინ­ცი­პით უნდა მომ­ხდა­რი­ყო კად­რე­ბის გა­დაყ­ვა­ნა. ამათ კი ერთი ხე­ლის მოს­მით გა­უშ­ვეს კად­რე­ბი, რო­მელ­თა გა­დამ­ზა­დე­ბა-ტრე­ნინ­გებ­ზე უამ­რა­ვი თან­ხაა და­ხარ­ჯუ­ლი. იმ­დე­ნად სო­ცი­ა­ლუ­რი ადა­მი­ა­ნი ვარ და დამ­თრგუნ­ვე­ლია ჩემი უმუ­შევ­რო­ბა, ასე ცუ­დად მა­შინ არ ვყო­ფილ­ვარ კი­ბოს რომ ვებ­რძო­დი.

ახლა 140 ლა­რის ამა­რა ჩემი და­ტო­ვე­ბა, სა­სიკ­ვდი­ლოდ გა­წირ­ვას უდ­რის. ყვე­ლას­თვის ცნო­ბი­ლია რამ­ხე­ლა ხარ­ჯებ­თან არის და­კავ­ში­რე­ბუ­ლი ონ­კო­პა­ცი­ენ­ტის მკურ­ნა­ლო­ბა და პერ­მა­ნენ­ტუ­ლი კვლე­ვე­ბი, რო­მე­ლიც სა­სი­ცო­ცხლოდ მნიშ­ვნე­ლო­ვა­ნია ჩემ­თვის.

- რაც შე­ე­ხე­ბა თქვენს სენს, ასე­თი მძი­მე და­ა­ვა­დე­ბის პა­რა­რე­ლუ­რად მუ­შა­ო­ბა არ შე­გი­წყვე­ტი­ათ და სიმ­სივ­ნე და­ა­მარ­ცხეთ. რო­გორ შე­ძე­ლით ეს?

- 2018 წლის თე­ბერ­ვალ­ში და­მიდ­გი­ნეს ავ­თვი­სე­ბი­ა­ნი სიმ­სივ­ნე. სტა­დია მე­ო­რე, აგ­რე­სი­უ­ლო­ბის ფორ­მა მე­ო­რე. უკვე იღ­ლი­ა­ში იყო გა­და­სუ­ლი და ლიმ­ფუ­რი კვან­ძე­ბი ჰქონ­და და­ზი­ა­ნე­ბუ­ლი.

რო­გორ და­ვა­მარ­ცხე? სულ სი­ცილ-სი­ცი­ლით! ჩემ­მა და­მო­კი­დე­ბუ­ლე­ბამ გაჭ­რა - კიბო თა­ვი­დან­ვე აღ­ვიქ­ვი მე­გობ­რად და არა მტრად. "ვეს­პა­რინ­გე­ბო­დი" ფა­ტ­ქობ­რი­ვად. რომ გი­თხრათ სრუ­ლად გან­კურ­ნე­ბუ­ლი ვარ­მეთ­ქი, ამის უფ­ლე­ბა არ მაქვს, რად­გან მაქვს სტა­ტუ­სი და ღმერ­თმა ნუ ქნას რე­ცი­დი­ვი მოხ­დეს.

თუმ­ცა, ახლა ყვე­ლა­ფე­რი რიგ­ზეა. სა­ერ­თო ჯამ­ში ექ­ვსი ქი­მი­ო­თე­რა­პია მაქვს გა­კე­თე­ბუ­ლი და 32 სხი­ვუ­რი თე­რა­პია. ერთი წელი გა­ვი­და, რაც მკურ­ნა­ლო­ბას მოვ­რჩი უშუ­ა­ლოდ სიმ­სივ­ნე­ზე. თუმ­ცა, ახლა არის ისე­თი მე­დი­კა­მენ­ტე­ბი, რომ­ლე­ბიც მუდ­მი­ვად უნდა მი­ვი­ღო, ვი­ტა­მი­ნე­ბი, ძვლის დამ­ცა­ვე­ბი და ა.შ.

თმის პრობ­ლე­მა, წარ­ბე­ბის პრობ­ლე­მა, სო­კო­ვა­ნი და­ა­ვა­დე­ბა - ამ ყვე­ლა­ფერს წარ­მოქ­მნის ქი­მი­ო­თე­რა­პია და ამას მკურ­ნა­ლო­ბა სჭირ­დე­ბა.

21-დღი­ა­ნი შუ­ა­ლე­დი იყო ჩემს ქი­მი­ებს შო­რის და უკვე მიჩ­ვე­უ­ლი ვი­ყა­ვი, რომ ექ­ვსი თვის გან­მავ­ლო­ბა­ში 24 სა­ა­თი თავს მუდ­მი­ვად უნდა ებუ­ბუ­ნა, მუდ­მი­ვად შე­უძ­ლოდ უნდა ვყო­ფი­ლი­ყა­ვი და ამას შე­ვეჩ­ვიე. თუმ­ცა, გა­მი­მარ­თლა, ასე თუ ისე დრო­უ­ლად მი­ვე­დი და კარ­გი ექი­მე­ბის ხელ­ში მოვ­ხვდი.

ძა­ლი­ან დიდი როლი ითა­მა­შა ჩემ­მა და­მო­კი­დე­ბუ­ლე­ბამ. თმე­ბი რომ დამ­ცვივ­და პა­რი­კიც კი არ გა­მი­კე­თე­ბია, ისე დავ­დი­ო­დი. არა­ნა­ი­რი კომ­პლექ­სი არ მქო­ნია. სულ ვი­ცი­ნო­დი, ვხა­ლი­სობ­დი. აფ­რე­ნო, მე­უბ­ნე­ბოდ­ნენ. თუმ­ცა, და­მო­კი­დე­ბუ­ლე­ბა, გან­წყო­ბა ყვე­ლაფ­რის წა­მა­ლია და ფაქ­ტი სა­ხე­ზეა - დღეს მე კარ­გად ვარ!

49 წლის ას­მათ მი­ქა­ძის პრე­ტენ­ზი­ებ­თან და­კავ­ში­რე­ბით, AMBEBI.GE-მ დევ­ნილ­თა, შრო­მის, ჯან­მრთე­ლო­ბი­სა და სო­ცი­ა­ლუ­რი დაც­ვის სა­მი­ნის­ტროს მი­მარ­თა. უწყე­ბა სა­კი­თხთან და­კავ­ში­რე­ბით, ზო­გა­დი, წე­რი­ლო­ბი­თი პა­სუ­ხით შე­მო­ი­ფარ­გლა:

"სა­ქარ­თვე­ლოს ოკუ­პი­რე­ბუ­ლი ტე­რი­ტო­რი­ე­ბი­დან დევ­ნილ­თა, შრო­მის, ჯან­მრთე­ლო­ბი­სა და სო­ცი­ა­ლუ­რი დაც­ვის სა­მი­ნის­ტროს სა­ხელ­მწი­ფო კონ­ტროლს დაქ­ვემ­დე­ბა­რე­ბულ ზო­გი­ერთ სა­ჯა­რო სა­მარ­თლის იუ­რი­დი­ულ პირ­ში ფუნ­ქცი­ე­ბი­სა და უფ­ლე­ბა­მო­სი­ლე­ბე­ბის გა­და­ნა­წი­ლე­ბას­თან/გან­ხორ­ცი­ე­ლე­ბას­თან და­კავ­ში­რე­ბით გა­სა­ტა­რე­ბელ ღო­ნის­ძი­ე­ბა­თა შე­სა­ხებ‘‘ სა­ქარ­თვე­ლოს მთავ­რო­ბის 2019 წლის 10 ოქ­ტომ­ბრის N487 დად­გე­ნი­ლე­ბის სა­ფუძ­ველ­ზე შე­იქ­მნა სა­ჯა­რო სა­მარ­თლის იუ­რი­დი­უ­ლი პირი - და­საქ­მე­ბის ხელ­შე­წყო­ბის სა­ხელ­მწი­ფო სა­ა­გენ­ტო.

შე­სა­ბა­მი­სად, სო­ცი­ა­ლუ­რი მომ­სა­ხუ­რე­ბის სა­ა­გენ­ტოს ჩა­მო­ერ­თვა და­საქ­მე­ბის ხელ­შე­წყო­ბის მომ­სა­ხუ­რე­ბე­ბის შეს­რუ­ლე­ბის უფ­ლე­ბა­მო­სი­ლე­ბა და ფუნ­ქცი­ე­ბი. აღ­ნიშ­ნუ­ლი ფუნ­ქცი­ე­ბი გა­და­ე­ცა სსიპ და­საქ­მე­ბის ხელ­შე­წყო­ბის სა­ხელ­მწი­ფო სა­ა­გენ­ტოს.

თა­ნამ­შრომ­ლე­ბი, რომ­ლე­ბიც სო­ცი­ა­ლუ­რი მომ­სა­ხუ­რე­ბის სა­ა­გენ­ტოს და­საქ­მე­ბის პროგ­რა­მე­ბის დე­პარ­ტა­მენ­ტში ას­რუ­ლებ­დნენ და­საქ­მე­ბის ხელ­შე­წყო­ბის მომ­სა­ხუ­რე­ბე­ბის გა­სა­წე­ვად სა­ჭი­რო სა­მუ­შა­ოს კა­ნონ­მდებ­ლო­ბით გან­სა­ზღვრუ­ლი წე­სე­ბის სრუ­ლი დაც­ვით, კერ­ძოდ: „სა­ქარ­თვე­ლოს შრო­მის კო­დექ­სის“ 37-ე მუხ­ლის პირ­ვე­ლი პუნ­ქტის „ა“ ქვე­პუნ­ქტის და 38 მუხ­ლის მე-2 პუნ­ქტის შე­სა­ბა­მი­სად გა­თა­ვი­სუფ­ლდნენ და­კა­ვე­ბუ­ლი თა­ნამ­დე­ბო­ბე­ბი­დან.

ზე­მო­აღ­ნიშ­ნუ­ლი რე­ორ­გა­ნი­ზა­ცი­ის ფარ­გლებ­ში სა­ა­გენ­ტოს და­თხოვ­ნი­ლი თა­ნამ­შრომ­ლე­ბი კა­ნონ­მდებ­ლო­ბის შე­სა­ბა­მი­სად მი­ი­ღე­ბენ მათი ორი თვის ხელ­ფა­სის ოდე­ნო­ბის ფუ­ლად კომ­პენ­სა­ცი­ას" - ნათ­ქვა­მია სა­მი­ნის­ტროს მიერ გა­მოგ­ზავ­ნილ წე­რილ­ში.