"მსოფლიოს ყველაზე სწრაფი ქალი" ვარჯიშის დროს, ავარიაში დაიღუპა
მრბოლელი და ტელეწამყვანი ჯესი კომბსი, რომელსაც "მსოფლიოს ყველაზე სწრაფ" ქალად მოიხსენიებდნენ, ავარიაში დაიღუპა. ის 39 წლის იყო.
CBS NEWS-ის ინფორმაციით, შემთხვევა ორეგონში მაშინ მოხდა, როდესაც მრბოლელი საკუთარი შედეგის გაუმჯობესებას ცდილობდა და რეკორდის დასამყარებლად ვარჯიშობდა.
კომბსი ადგილზევე დაიღუპა. ავარიის გამომწვევი მიზეზის დასადგენად სამართალდამცველები მუშაობენ.
2013 წელს კომბსმა საავტომობილო რეკორდი დაამყარა, როცა მისი North American Eagle Supersonic Speed Challenger-ით 641 კმ/სთ სიჩქარე განავითარა. სწორედ ამ ვერტმფრენის სისწრაფის ავტომობილით ცდილობდა ჯესი საკუთარი რეკორდის გაუმჯობესებას და 800 კმ/სთ სიჩქარის განვითარებას, როცა ავარია მოხდა და მრბოლელი ადგილზე დაიღუპა.
მრბოლელის კარიერის გარდა, კომბსი ცნობილი იყო მისი სატელევიზიო მოღვაწეობითაც - წლების განმავლობაში სხვადასხვა საავტომობილო ტელეშოუების თანაწამყვანი იყო.
კომბსის ბოიფრენდმა და მისი გუნდის წევრმა ტერი მედენმა საყვარელი ქალის შესახებ ემოციური წერილი გაავრცელა სოციალურ ქსელში:
"არც ვიცი რა და როგორ ვთქვა, მაგრამ უნდა ვთქვა: არასდროს მყვარებია და არასდროს ვყვარებივარ არავის ისე, როგორც ეს ამ არაჩვეულებრივ ქალს შეეძლო. მე ბედნიერი ვარ ყველა იმ წუთით, რომელიც მასთან ერთად გავატარე" - დაწერა მრბოლელი ქალის შეყვარებულმა.
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა
