26
აპრილიდღის ზოგადი ასტროლოგიური პროგნოზი
„თეგეტა მოტორსი“ საბურავებთან დაკავშირებით რჩევებს გასცემს. კომპანიის ინფორმაციით, ზაფხულის სეზონზე უსაფრთხო მოძრაობისთვის შესაბამისი სეზონის საბურავების ქონა მნიშვნელოვანია.
როგორც „ინტერპრესნიუსს“ „თეგეტა მოტორსიდან“ აცნობეს, იმ ფაქტორებს შორის, რომლებიც მოქალაქეებმა საბურავებთან დაკავშირებით უნდა გაითვალისწინონ, ერთ-ერთი მთავარი სწორედ საბურავის ზომაა.
„არსებობს სხვადასხვა ტიპისა და დანიშნულების საბურავი, მაგალითად: სტანდარტული საბურავები - ჩვეულებრივი სვლისთის, სპორტული საბურავები - განკუთვნილი სისწრაფისთვის, კომფორტ კლასის საბურავები, საწვიმარპროტექტორიანი საბურავები და სხვა.
ნებისმიერ ავტომობილს ძარაზე მითითებული აქვს როგორც ქარხნული, ასევე ალტერნატიული საბურავის ზომა. უმთავრესი, რა თქმა უნდა, ზომაა, მაგრამ აუცილებლად უნდა გავითვალისწინოთ სეზონურობაც. როდესაც გარემოს ტემპერატურა დასტაბილურდება +7 გრადუსს ზემოთ, უნდა დავაყენოთ ზაფხულის საბურავი. ხოლო თუ ზამთრის საბურავს ზაფხულში მოვიხმართ, საფრთხის წინაშე აღმოვჩნდებით, რადგან ასეთ შემთხვევაში დამუხრუჭების დროს, სამუხრუჭე მანძილი 20-დან 25%-მდე იზრდება. ვინაიდან ზამთრის საბურავის რეზინი რბილია, შორ მანძილზე ავტომობილის გადაადგილებისას შესაძლოა საბურავი გასკდეს“, - ნათქვამია ინფორმაციაში.
„თეგეტა მოტორსის“ ცნობით, საბურავის მუშაობის რესურსი ასევე დამოკიდებულია მძღოლის მართვის სტილზე. საბურავებს ძირითადად აზიანებს ძლიერი დამუხრუჭება, ექსტრემალური სიტუაციები, ავტომობილის სწრაფი სიჩქარით მართვა და ე.წ. დაბუქსავება.
„რა თქმა უნდა, საბურავის ხარისხზე ბევრი რამ არის დამოკიდებული, თუმცა ასევე გასათვალისწინებელია საბურავების შეცვლისას, მოხსნილი საბურავი შევინახოთ დაცულ ადგილას, სადაც მათზე მკვეთრი ტემპერატურული ცვლილებები არ იმოქმედებს. მზე, წვიმა, ყინვა და ა.შ. რეზინს და საბურავის ზედაპირს აზიანებს.
მეორადი საბურავის ყიდვის შემთხვევაში ფინანსური კუთხით კალკულაციას თუ გავაკეთებთ, მძღოლს უფრო მეტი ხარჯი აქვს, ვიდრე ახალი საბურავის შეძენისას. მეორადი საბურავის შემთხვევაში, ზემოთ ჩამოთვლილი მახასიათებლები მეტწილად დარღვეულია. ასევე გაურკვეველია, რა პირობებში ინახებოდა ეს საბურავები, რადგან არასწორად შენახვისას საბურავის რეზინი იშაშხება, კარგავს თვისებებს და ირღვევა საბურავის სტრუქტურა, რის შედეგადაც ავტომობილი ცუდად მანევრირებს და მისი სამუხრუჭე მანძილი იზრდება. ასევე მაღალ ტემპერატურაზე საბურავში წნევის მატებისას, ის შეიძლება გასკდეს, ამიტომ ასეთი საბურავის გამოყენება ძალიან სახიფათოა. მეორადი საბურავის შეძენის დროს მძღოლები საბურავის ნახატის (პროტექტორის) ნიშნულზე არ ამახვილებენ სათანადო ყურადღებას და ტყუვდებიან“, - აღნიშნულია ინფორმაციაში.
ამასთანავე, „თეგეტა მოტორსის“ ინფორმაციით, სხვადასხვა ზომის საბურავების დაყენება ხანგრძლივი მოხმარებისთვის დაუშვებელია. აღნიშნულმა შესაძლოა, ავტომობილებს დაუზიანოს ხიდი, გადაცემათა კოლოფი და სავალი ნაწილი. გამოუვალი შემთხვევების დროს, შესაძლებელია სხვა ზომის საბურავებით სარგებლობა უახლოეს სერვისამდე მისასვლელად.
კომპანიის ინფორმაციითვე, „თეგეტა მოტორსში“ მომხმარებელს შეუძლია უსასრულო გარანტიით შეიძინოს Bridgestone-ის, Michelin-ის და Riken-ის ნებისმიერ ზომის ზაფხულის საბურავები, ყველა ტიპის ავტომობილისთვის.
(R)
