მელორ ვაჩნაძე გერმანიაში ფეხსაცმელის ქურდობისთვის დააკავეს

არსებული ინფორმაციით, გერმანიაში ქართველი სამოქალაქო აქტივისტი მელორ ვაჩნაძე ფეხსაცმლის ქურდობისთვის დააკავეს.

Ambebi.ge-ს ინფორმაციით, შემთხვევა დაახლოებით 10 დღის წინ, გერმანიის ქალაქ კიოლნში მდებარე TK Maxx-ის მაღაზიაში მოხდა. ვაჩნაძემ 130-ევროიანი ფეხსაცმელი მოსინჯვის მიზნით ჩაიცვა, რა დროსაც მასზე მიმაგრებული ფასის კოდის სისტემა მოხსნა, საკუთარი ფეხსაცმელი მაღაზიაში დატოვა და შენობა ახალი ფეხსაცმლით, თანხის გადაუხდელად დატოვა.

აღნიშნული ფაქტი მაღაზიის უსაფრთხოების სამსახურის თანამშრომლებმა კამერებში დააფიქსირეს, ვაჩნაძე შეაჩერეს და პოლიცია გამოიძახეს. ქურდობის ფაქტზე ადგილობრივ პოლიციაში გამოძიება მიმდინარეობს.