მათ, ვი­საც მოგ­ზა­უ­რო­ბა ძა­ლი­ან უნდა, თუმ­ცა ზუს­ტად არ იცის, მცი­რე ბი­უ­ჯე­ტი რო­გორ გა­ა­ნა­წი­ლოს, რჩე­ვა აუ­ცი­ლებ­ლად უნდა ჰკი­თხოს გა­მოც­დილ მოგ­ზა­უ­რებს, რომ­ლებ­საც მსოფ­ლი­ოს ბევ­რი ქვე­ყა­ნა აქვთ ნა­ნა­ხი და და­ბა­ლი ბი­უ­ჯე­ტი­თაც უმოგ­ზა­უ­რი­ათ.

ბი­ლე­თე­ბის, კვე­ბის, ტრან­სპორ­ტი­რე­ბი­სა და და­ბა­ლი ბი­უ­ჯე­ტით მოგ­ზა­უ­რო­ბის და­გეგ­მვის მნიშ­ვნე­ლო­ვან დე­ტა­ლებ­თან და­კავ­ში­რე­ბით, AMBEBI.GE-ს მკი­თხველს რე­კო­მენ­და­ცი­ებს ორი გა­მოც­დი­ლი მოგ­ზა­უ­რი აძ­ლევს.

თემო მა­ჩი­ტი­ძე წლე­ბია აქ­ტი­უ­რად მოგ­ზა­უ­რობს. ის 24 წლი­საა და უკვე 21 ქვე­ყა­ნა­შია ნამ­ყო­ფი. ამ­ბობს, რომ მა­გა­ლი­თად, კვიპ­როს­ზე 5 დღის გან­მავ­ლო­ბა­ში ცხოვ­რე­ბა იმ­დე­ნად იაფი - 150 ევრო და­უჯ­და, თვი­თო­ნაც გა­ო­ცე­ბუ­ლი დარ­ჩა. ყვე­ლა­ფერ­თან ერ­თად, სუ­ვე­ნი­რე­ბიც კი შე­ი­ძი­ნა.

სე­ზო­ნი

თე­მოს რჩე­ვით, მოგ­ზა­უ­რო­ბა იაფი რომ დაგ­ვიჯ­დეს, ყვე­ლა­ზე მნიშ­ვნე­ლო­ვა­ნია, სწო­რად შე­ვარ­ჩი­ოთ სე­ზო­ნი.

ასევე დაგაინტერესებთ

05:08 / 16-02-2018

ქართველი ბიჭი, რომელმაც შვეიცარიაში 9 დღე 99 ფრანკით იმოგზაურა

11:57 / 19-07-2018

რას უნდა უფრთხილდეთ უცხო ქვეყნებში მოგზაურობის დროს - დასასვენებლად წასვლამდე, ეს აუცილებლად წაიკითხეთ

„მარ­თა­ლია, არ­სე­ბობს ად­გი­ლე­ბი, სა­დაც ია­ფად ვე­რას­დროს ვერ ვი­მოგ­ზა­უ­რებთ, მაგ­რამ შე­საძ­ლებ­ლო­ბე­ბის ფარ­გლებ­ში მაქ­სი­მა­ლუ­რი­ად და­ბა­ლი ფა­სე­ბის პოვ­ნა მა­ინც შე­იძ­ლე­ბა მო­ხერ­ხდეს. ზო­გა­დად, შე­მოდ­გო­მის ბოლო, ზამ­თა­რი და გა­ზა­ფხუ­ლის პირ­ვე­ლი ნა­ხე­ვა­რი ყვე­ლა­ზე იაფი სე­ზო­ნე­ბია, თუმ­ცა პე­რი­ო­დის არ­ჩე­ვა აქაც სა­ჭი­როა და ქვე­ყა­ნა­საც დიდი მნიშ­ვნე­ლო­ბა აქვს. მა­გა­ლი­თად, დე­კემ­ბრის ბო­ლოს, როცა შო­ბაა და იან­ვრის და­სა­წყის­ში უკვე ახა­ლი წელი, მოგ­ზა­უ­რო­ბა ყვე­ლა­ზე ძვი­რია, მი­უ­ხე­და­ვად იმი­სა, რომ ზამ­თა­რია. შობა-ახა­ლი წლის პე­რი­ოდ­ში ყვე­ლა სა­დღაც - ზოგი ოჯახ­თან, ზოგი პი­რი­ქით, ოჯა­ხის­გან შორს მი­დის, რაც ფა­სე­ბის აწე­ვას იწ­ვევს.

და­ბა­ლი ფა­სე­ბი და­მო­კი­დე­ბუ­ლია იმა­ზეც, თუ ტურს რამ­დე­ნი ხნით ადრე ვგეგ­მავთ. ზო­გა­დად, ადრე და­გეგ­მვა კარ­გია, თუმ­ცა ზედ­მე­ტად ად­რეც არ ვარ­გა, მქო­ნია შემ­თხვე­ვა, როცა ნა­ად­რე­ვად ნა­ყი­დი ბი­ლე­თი ნა­ხე­ვარ ფას­ში მი­ნა­ხავს, რაც არც ისე კარ­გი შეგ­რძნე­ბა იყო,“ - ის­ხე­ნებს ის.

თემო მა­ჩი­ტი­ძის თქმით, კარ­გი ავი­ა­კომ­პა­ნი­ის შერ­ჩე­ვა­ში ვებ-გვერ­დი kiwi.com ეხ­მა­რე­ბა, თუმ­ცა აქ ბი­ლე­თე­ბი ხში­რად უფრო ძვი­რია, ვიდ­რე ავი­ა­კომ­პა­ნი­ის ოფი­ცი­ა­ლურ ვებგ­ვერ­დებ­ზე, შე­სა­ბა­მი­სად, kiwi.com-ს უფრო მარ­შრუ­ტე­ბის და­სა­გეგ­მად იყე­ნებს, ვიდ­რე ბი­ლე­თე­ბის შე­სა­ძე­ნად.

„უკვე არ­სე­ბუ­ლი პირ­და­პი­რი რე­ი­სე­ბის შე­და­რე­ბით ია­ფად პოვ­ნა momondo.com-ზეა შე­საძ­ლე­ბე­ლი. სა­ცხოვ­რებ­ლად ყვე­ლა­ზე იაფი და კარ­გი ვა­რი­ან­ტე­ბის პოვ­ნა couchsurfing.com-ზე შე­იძ­ლე­ბა, ყვე­ლა ქვე­ყა­ნა­ში მო­ი­ძებ­ნე­ბა არა­ერ­თი ადა­მი­ა­ნი, ვი­საც სახ­ლში ზედ­მე­ტი სა­წო­ლი უდ­გას და უსას­ყიდ­ლოდ უზი­ა­რებს სხვებს“ - აღ­ნიშ­ნავს ის.

თუ სახ­ლში სა­დი­ლის მომ­ზა­დე­ბა­ში დრო­ის და­კარ­გვა არ გსურთ, თემო მა­ჩი­ტი­ძის გა­მოც­დი­ლე­ბით ყვე­ლა­ზე კარ­გი ვა­რი­ან­ტია სწრა­ფი კვე­ბის ობი­ექ­ტე­ბი, კერ­ძოდ, „მაკ­დო­ნალდსი,“ სა­დაც თით­ქმის ყვე­ლა ქვე­ყა­ნა­ში საკ­ვე­ბი ყვე­ლა­ზე ია­ფად იყი­დე­ბა.

26 წლის ნა­თია დე­მეტ­რაშ­ვი­ლი უკვე 5 წე­ლია მოგ­ზა­უ­რობს და 10 ქვე­ყა­ნა­შია ნამ­ყო­ფი, და­ბა­ლი ბი­უ­ჯე­ტით მოგ­ზა­უ­რო­ბის კარ­გი გა­მოც­დი­ლე­ბაც და­აგ­რო­ვა და მზა­დაა, რჩე­ვე­ბი დამ­წყებ მოგ­ზა­უ­რებს გა­უ­ზი­ა­როს.

ბი­ლე­თე­ბის შე­ძე­ნა

ნა­თი­ას გან­მარ­ტე­ბით, არ­სე­ბობს გავ­რცე­ლე­ბუ­ლი "რჩე­ვა", რომ ავი­ა­კომ­პა­ნი­ის ბი­ლე­თებს რაც უფრო ადრე იყი­დი, თან­ხებს უფრო და­ზო­გავ, ამი­ტომ ხში­რად 4-6 თვით ადრე იძე­ნენ ხოლ­მე ბი­ლე­თებს. თუმ­ცა, მისი დაკ­ვირ­ვე­ბით, იგი­ვე ბი­ლე­თე­ბი, იმა­ვე თა­რიღ­სა და მი­მარ­თუ­ლე­ბა­ზე 4-6 კვი­რით ადრე უფრო ია­ფია. გარ­და ამი­სა, ტუ­რის­ტულ სე­ზონ­ზე, მა­გა­ლი­თად, ზა­ფხულ­ში და­ბალ­ბი­უ­ჯე­ტი­ა­ნი ტუ­რის და­გეგ­მვა შე­უძ­ლე­ბე­ლია.

„მი­უ­ხე­და­ვად ამი­სა, როცა საქ­მე ავი­ა­კომ­პა­ნი­ას ეხე­ბა, ასე თუ ისე ყვე­ლა­ფე­რი მა­ინც გა­მარ­თლე­ბა­ზეა, მაგ­რამ მგო­ნი იმა­ზე ყვე­ლა ვთან­ხმდე­ბით, რომ ბი­ლე­თის ყიდ­ვა რამ­დე­ნი­მე დღით ადრე არ შე­იძ­ლე­ბა, როცა ია­ფად მოგ­ზა­უ­რო­ბა გვინ­და,“ - გვე­უბ­ნე­ბა ნა­თია.

და­ბი­ნა­ვე­ბა

რაც შე­ე­ხე­ბა სა­ცხოვ­რე­ბელს, ახალ­გაზ­რდა მოგ­ზა­უ­რის რჩე­ვით, ხში­რად სას­ტუმ­რო­ზე იაფი ბი­ნის და­ქი­რა­ვე­ბა გა­მო­დის, რაც, ნა­თი­ას თქმით, გარ­და იმი­სა, რომ უფრო კომ­ფორ­ტუ­ლია, სა­შუ­ა­ლე­ბას გაძ­ლევს, თან­ხა და­ზო­გო კვე­ბა­ში, რაც მოგ­ზა­უ­რო­ბის დროს არც თუ ისე ცოტა ჯდე­ბა.

„ია­ფად მოგ­ზა­უ­რო­ბას­თან ჩემ­თვის ყო­ველ­თვის ჰოს­ტე­ლი ასო­ცირ­დე­ბა. ერთი და იგი­ვე ად­გილ­ზე არ­სე­ბუ­ლი ჰოს­ტე­ლი­სა და სას­ტუმ­როს ფასი აუ­ცი­ლებ­ლად გან­სხვავ­დე­ბა და ჰოს­ტე­ლი ბევ­რად ია­ფია ხოლ­მე. გარ­და ამი­სა, ჰოს­ტელს ის უპი­რა­ტე­სო­ბა აქვს, რომ რამ­დე­ნი­მე ვა­რი­ან­ტის შე­მო­თა­ვა­ზე­ბა შე­უძ­ლია, მხო­ლოდ და­სა­ძი­ნე­ბე­ლი ად­გი­ლის ან ერთი ოთა­ხის, რო­მელ­შიც მხო­ლოდ შენ იქ­ნე­ბი, რაც მოგ­ზა­უ­რო­ბი­სას თან­მდე­ვი თავ­გა­და­სავ­ლე­ბი­სა და სა­სი­ა­მოვ­ნო მო­გო­ნე­ბე­ბის რი­ცხვს აორ­მა­გებს. თუ უცხო ხალ­ხთან ერ­თად ძილი არ­ცთუ ისე კარგ იდე­ად გეჩ­ვე­ნე­ბა, შე­გიძ­ლია, პი­რად ნო­მერ­ში და­ბი­ნავ­დე.

სას­ტუმ­როს­გან გან­სხვა­ვე­ბით ჰოს­ტე­ლე­ბი ხში­რად სა­უზ­მეს (ზო­გა­დად კვე­ბას) არ ით­ვა­ლის­წი­ნებს, მაგ­რამ უმე­ტე­სო­ბას აქვს სამ­ზა­რე­უ­ლო თა­ვი­სი მა­ცივ­რით, რაც სა­შუ­ა­ლე­ბას გაძ­ლევს, ჰოს­ტელ­ში მარ­ტი­ვი რა­ღა­ცე­ბი მო­ამ­ზა­დო, თუნ­დაც სა­უზ­მე ან უბ­რა­ლოდ სენდვი­ჩე­ბი, რო­დე­საც ქა­ლაქ­ში გა­სას­ვლე­ლე­ბი იქ­ნე­ბით“ - გან­მარ­ტავს ნა­თია.

თუ სას­ტუმ­როს ად­გილმდე­ბა­რე­ო­ბის შერ­ჩე­ვა გი­ჭირთ, მოგ­ზა­უ­რი ამ პრობ­ლე­მის აღ­მო­სა­ფხვრე­ლა­დაც გაძ­ლევთ რჩე­ვას. ნა­თია დე­მეტ­რაშ­ვი­ლის თქმით, ხში­რად ჰგო­ნი­ათ, რომ გა­რე­უ­ბან­ში სას­ტუმ­რო უფრო იაფი ჯდე­ბა, ვიდ­რე ცენ­ტრში, თუმ­ცა სა­ბო­ლოო ჯამ­ში ტრან­სპორ­ტში იმ­დე­ნი იხარ­ჯე­ბა, რომ ისევ ცენ­ტრში ცხოვ­რე­ბა სჯობს, თუმ­ცა ეს მა­ინც ქა­ლა­ქი­დან ან ქვეყ­ნი­დან და მისი სა­ზო­გა­დო­ებ­რი­ვი ტრან­სპორ­ტის ფა­სე­ბი­დან გა­მომ­დი­ნა­რეა, ამი­ტომ მოგ­ზა­ურ­მა ყვე­ლა წვრილ­მან და მნიშ­ვნე­ლო­ვან ინ­ფორ­მა­ცი­ას წი­ნას­წარ უნდა გა­და­ხე­დოს.

გარ­და ამი­სა, სახ­ლის და­ჯავ­შნი­სას აუ­ცი­ლე­ბე­ლია, მომ­ხმა­რებ­ლე­ბის მიერ და­წე­რილ შე­ნიშ­ვნებს გა­და­ხე­დოთ, რად­გან რო­გორც 26 წლის მოგ­ზა­უ­რი გან­მარ­ტავს, შე­იძ­ლე­ბა, სას­ტუმ­რო ცენ­ტრში იყოს, ია­ფიც ღირ­დეს, მაგ­რამ ოთა­ხე­ბი იყოს მო­უვ­ლე­ლი, უხე­ში პერ­სო­ნა­ლი ჰყავ­დეს და მოგ­ზა­უ­რო­ბა არა­ს­ა­სი­ა­მოვ­ნო გახ­დეს. ასე­ვე, ბი­ნის და­ჯავ­შნი­სას ყუ­რა­დღე­ბა აუ­ცი­ლებ­ლად უნდა მი­ვაქ­ცი­ოთ ბი­ნის მე­პატ­რო­ნეს დე­პო­ზი­ტად თან­ხა ხომ არ მი­აქვს. რო­გორც ნა­თია გან­მარ­ტავს, ზოგი მე­პატ­რო­ნე თა­ვის და­ზღვე­ვის მიზ­ნით რამ­დე­ნი­მე ათე­ულ ან ასე­ულ ევ­როს წი­ნას­წარ დე­პო­ზი­ტად იღებს, რომ სახ­ლში რა­ი­მე თუ და­ზი­ან­და, მომ­ხმა­რე­ბელს მი­ყე­ნე­ბუ­ლი ზა­რა­ლი აღ­ნიშ­ნუ­ლი თან­ხი­დან გა­მო­უქ­ვი­თონ, რაც და­ბა­ლი ბი­უ­ჯე­ტით მოგ­ზა­უ­რო­ბის დროს სა­ხარ­ბი­ე­ლო არ არის.

კვე­ბა

რაც შე­ე­ხე­ბა კვე­ბას, მოგ­ზა­უ­რის თქმით, ია­ფად მოგ­ზა­უ­რო­ბა პირ­და­პირ კავ­შირ­შია სწრაფ კვე­ბას­თან. სა­კუ­თა­რი გა­მოც­დი­ლე­ბი­დან გა­მომ­დი­ნა­რე ნა­თია დე­მეტ­რაშ­ვი­ლი გან­მარ­ტავს, რომ ნე­ბის­მი­ე­რი კაფე ან რეს­ტო­რა­ნი სა­ბო­ლოო ჯამ­ში მა­ინც ძვი­რი ჯდე­ბა, ამი­ტომ თუ და­ბალ­ბი­უ­ჯე­ტი­ა­ნი ტუ­რის და­გეგ­მვა გვსურს, ამის­თვის არ­სე­ბობს ორი ვა­რი­ან­ტი: სახ­ლში მო­ვამ­ზა­დოთ მარ­ტი­ვი სა­დი­ლე­ბი (მა­გა­ლი­თად, გა­რეთ წა­სა­ღე­ბი სენდვი­ჩე­ბი), ან ვიკ­ვე­ბოთ სწრა­ფი კვე­ბის ობი­ექ­ტებ­ში. მი­უ­ხე­და­ვად ამი­სა, მოგ­ზა­უ­რის თქმით, და­ბა­ლი ფა­სე­ბის მქო­ნე რეს­ტო­რა­ნი ყველ­გან მო­ი­ძებ­ნე­ბა, უბ­რა­ლოდ ეს არ იქ­ნე­ბა ქა­ლა­ქის ცენ­ტრში. ცენ­ტრის­გან მო­შო­რე­ბით კაფე ან რეს­ტო­რა­ნი ყო­ველ­თვის ბევ­რად იაფი და ჩემ­თვის გემ­რი­ე­ლი­ცაა,“ - აღ­ნიშ­ნავს მოგ­ზა­უ­რი.

ევ­რო­პა­ში ტრან­სპორ­ტი საკ­მა­ოდ ძვი­რი ღირს, თუმ­ცა ქა­ლა­ქე­ბის უმე­ტე­სო­ბა თან­ხის და­ზოგ­ვის სხვა­დას­ხვა არ­ჩე­ვანს სთა­ვა­ზობს მოგ­ზა­ურს. კერ­ძოდ, რამ­დე­ნი­მე ბი­ლე­თის ერ­თად შე­ძე­ნა, რაც უფრო იაფი გა­მო­დის, ერ­თკვი­რი­ა­ნი ან რამ­დე­ნი­მე­დღი­ა­ნი სამ­გზავ­რო ბა­რა­თე­ბი საკ­მა­ოდ ბევ­რი თან­ხის და­ზოგ­ვის სა­შუ­ა­ლე­ბას იძ­ლე­ვა, მთა­ვა­რია, ეს ბა­რა­თი ქა­ლაქ­ში არ­სე­ბუ­ლი ყვე­ლა სა­ზო­გა­დო­ებ­რი­ვი ტრან­სპორ­ტის კარს აღებ­დეს.

თუ მუ­ზე­უ­მე­ბის ნახ­ვა­საც გეგ­მავთ, თან­ხის და­სა­ზო­გად ე.წ „მუ­ზე­უმ პასი“ უნდა შე­ი­ძი­ნოთ. ნა­თია დე­მეტ­რაშ­ვი­ლის თქმით, მისი მეშ­ვე­ო­ბით მეტ თან­ხას და­ზო­გა­ვენ, ვიდ­რე ცალ-ცალ­კე გა­დახ­დით.

სუ­ვე­ნი­რე­ბი

თუ და­ბა­ლი ბი­უ­ჯე­ტით მოგ­ზა­უ­რო­ბა გსურთ, მაგ­რამ ახ­ლობ­ლებს სა­ჩუქ­რე­ბი უნდა ჩა­მო­უ­ტა­ნოთ, ნა­თია დე­მეტ­რაშ­ვი­ლი გვირ­ჩევს, რომ სუ­ვე­ნი­რე­ბი ტუ­რის­ტულ ად­გი­ლებ­ში, მა­გა­ლი­თად, ეი­ფე­ლის კოშკთან არ უნდა შე­ვი­ძი­ნოთ, რად­გან მო­შო­რე­ბით, არა­ტუ­რის­ტულ ად­გი­ლებ­ში უფრო ია­ფია.

ახალ­გაზ­რდა მოგ­ზა­უ­რებ­მა ჩვენ­თან სა­უ­ბარ­ში ის ქა­ლა­ქე­ბიც და­ა­სა­ხე­ლეს, სა­დაც მოგ­ზა­უ­რო­ბა ყვე­ლა­ზე ძვი­რი და­უჯ­დათ. თე­მოს შემ­თხვე­ვა­ში ეს ბარ­სე­ლო­ნაა, რად­გან ვი­ზი­ტი ივ­ლი­სის ბო­ლოს რამ­დე­ნი­მე დღით ადრე და­გეგ­მა და ყვე­ლა­ფერ­ში თით­ქმის სამ­მა­გი, ზოგ­ჯერ კი რო­გორც თა­ვად იხ­სე­ნებს, ათ­მა­გი გა­და­ი­ხა­და.

ნა­თი­ას გა­მოც­დი­ლე­ბი­დან კი ყვე­ლა­ზე ძვი­რა­დღი­რე­ბულ ქა­ლა­ქებს შო­რის პა­რი­ზი და ამ­სტერ­და­მი ახ­სენ­დე­ბა, სა­დაც, მისი თქმით, ცხოვ­რე­ბა საკ­მა­ოდ ძვი­რია.