ანუკი არეშიძე რუსულმა Elle-მ "წლის აღმოჩენად" დაასახელა

წარმატებულ ადამიანებს შორის, რომელიც მსოფლიომ 2017 წელს აღმოაჩინა, გამოცემა Elle სინდი კროუფორდის შვილთან - მოდელ კაია გერბერთან, მსახიობ ზოი კრავიცთან, ლუის ფონსისთან და სხვა ცნობილ ადამიანებთან ერთად ანუკი არეშიძეზეც წერს.

გამოცემის ინფორმაციით, ოქტომბრის ბოლოს თბილისის მერი ფეხბურთელი კახა კალაძე გახდა, რომელიც ყველაზე სიმპათიური პოლიტიკოსების მსოფლიო რეიტინგებში მალევე მოხვდა.

"ყურადღების მიღმა არც მისი ცოლი დარჩენილა - ქართული მოდური ბრენდის Anouki დიზაინერი ანუკი არეშიძე. ამას გარდა, რუსული და ევროპული გამოცემები მისით იმდენად დაინტერესდნენ, რომ მსოფლიო პოლიტიკოსების ყველაზე მოდური ცოლების - მელანია ტრამპისა და ბრიჯიტ მაკრონის მთავარ კონკურენტად დაასახელეს," - წერს Elle.