საბჭოს მოედანზე ქვეითად მოსიარულე ქალს მანქანა დაეჯახა

თბილისში, საბჭოს მოედანზე ავტოსაგზაო შემთხვევა მოხდა. ავტომანქანა ქვეითად მოსიარულე ქალს დაეჯახა. დაშავებულს მრავლობითი ტრავმები აღენიშნება და ის სასწრაფო სამედიცინო დახმარების ბრიგადამ საავადმყოფოში გადაიყვანა.

როგორც AMBEBI.GE-ს სასწრაფო სამედიცინო დახმარების საზოგადოებასთან ურთიერთობის სამსახურმა განუცხადა, ქალის სიცოცხლეს საფრთხე არ ემუქრება.

შინაგან საქმეთა სამინისტროს ინფორმაციით, მომხდართან დაკავშირებით გამოძიება 276-ე მუხლის პირველი ნაწილით მიმდინარეობს, რაც სატრანსპორტო საშუალების მოძრაობის ან ექსპლუატაციის წესების დარღვევას ითვალისწინებს, რამაც ჯანმრთელობის დაზიანება გამოიწვია.