მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თურქეთში ღამის კლუბზე თავდასხმაში ეჭვმიტანილი დააკავეს
10:55 / 17-01-2017
თურქეთის ოფიციალური წარმომადგენლები, ახალი წლის ღამეს, სტამბოლის კლუბ "რეინაში" ტერაქტი განახორციელა. პრემიერ-მინისტრ ბინალი ილდირიმის თქმით, დაკავებულს პოლიცია დაკითხავს. თურქ მაღალჩინოსანს იმედი აქვს, რომ გამოძიება ტერაქტის უკან მდგომ პირებსაც გამოავლენს. სტამბოლის გუბერნატორის, ვასიფ შაჰინის თქმით, ეჭვმიტანილი აბდულგადირ მაშარიპოვია, რომელიც ავღანეთში გაწვრთნეს...
შაჰინის თქმით, ეჭვმიტანილმა აღიარა, რომ მასობრივი მკვლელობა მან ჩაიდინა და დასძინა, რომ მისი და მკვლელის თითის ანაბეჭდები ერთმანეთს დაემთხვა. თურქული მედიის ინფორმაციით, ეჭვმიტანილი, ესენიურტის რაიონში, 911-ე ქუჩაზე დააკავეს. ის ეროვნებით უზბეკია და თურქეთში რამდენიმე წელია ცხოვრობს. თურქმა სამართალდამცავებმა, მაშარიპოვთან ერთად, კიდევ ოთხი ადამიანი, მათ შორის, სამი ქალი და ერთი მამაკაცი დააკავეს. დაკავებულები, ყირგიზეთის, ეგვიპტის, სენეგალისა და სომალის მოქალაქეები არიან.
სპეცოპერაციაში ჩართული იყო ათასამდე სპეცრაზმელი, რომლებიც მიმდებარე რაიონებს აკონტროლებდნენ. იმავდროულად, სტამბოლის მეხუთე რაიონში დააკავეს ასევე უზბეკეთის მოქალაქე, მეტსახელად "იგილი", რომელიც ახალი წლის ღამეს კლუბში განხორციელებულ და ასევე, სხვა ტერორისტული ორგანიზაციების დამგეგმავად და ავტორად არის მიჩნეული. გამოძიების ინფორმაციით, მასთან ხშირად დადიოდა მაშარიპოვი. დაკავების დღეს, სამართალდამცავებისთვის თვალის ასახვევად, ის სახლიდან თავის 4 წლის ბიჭუნასთან ერთად გადიოდა. დაკავებისას, მას გაქცევა სცადა, თუმცა სპეცრაზმელებმა მისი დაკავება მაინც შეძლეს... მაშარიპოვს, რომელიც ტერორისტ თანამებრძოლებში აბუ მუჰამედ ხორასანის სახელით იყო ცნობილი, სამი ცოლი ჰყავს.
ახალი წლის ღამის სტამბოლის კლუბ "რეინაში" სისხლიან თავდასხმას 39 ადამიანი ემსხვერპალა, 50-მდე კი დაშავდა. მომხდარზე პასუხისმგებლობა ექსტრემისტულმა "ისლამურმა სახელმწიფომ" აიღო და გამოაცხადა, რომ ეს იყო შურისძიება სირიის კონფლიქტში თურქეთის ჩარევის გამო.
ლალი პაპასკირი
ამბები. გე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
