მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გიორგი შარვაშიძე - თვითმმართველობის სტრუქტურა უნდა შეიცვალოს
13:51 / 30-09-2016
ის სიტუაცია, რაც შექმნილია თვითმმართველობებთან მიმართებაში, არ მიმჩანია, რომ ნორმალური სიტუაციაა, - ამის შესახებ ივ. ჯავახიშვილის სახელობის თბილისის სახელმწიფო უნივერსიტეტის რექტორმა, გიორგი შარვაშიძემ "პალიტრანიუსის" ეთერში, გადაცემა "ჩემი კითხვის" მაყურებლის მიერ დასმული შესაბამისი კითხვის პასუხად განაცხადა.
შარვაშიძე მიიჩნევს, რომ შერჩევის წესი და თვითმმართველობის სტრუქტურა უნდა შეიცვალოს. რექტორის თქმით, ნებისმიერ სტუდენტს უნდა ჰქონდეს თანაბარი შესაძლებლობა, უნივერსიტეტის სიკეთეების მიღებისა.
"ჩვენი სტუდენტები უნდა იყვნენ ერთნაირ სასტარტო პირობებში. რადგან დაისვა შეკითხვები თვითმმართველობასთან დაკავშირებით, მე მგონია, რომ მთლად კარგად არ უნდა იყოს საქმე, რადგან გამოიწვია ასეთი ვნებათაღელვა, დაისვა მძიმე ბრალდებები ყველა მხრიდან. დღეს ყველა ვთანხმდებით, მათ შორის თვითმმართველობის წევრები თანხმდებიან იმაზე, რომ ეს სტრუქტურა აღარ არის თანამედროვე და საჭიროებს რადიკალურ, მკვეთრ ცვლილებას. ვვარაუდობთ, რომ თვითმმართველობის შესახებ ცვლილებებზე შექმნილმა ჯგუფმა უნდა იმსჯელოს და თუ საჭირო იქნება ცვლილება კანონში, ასეც მოვიქცევით", - განაცხადა შარვაშიძემ.
კითხვაზე, არის თუ არა მზად რექტორი, რომ საკითხის საბოლოო გადაწყვეტამდე თვითმმართველობის წარმომადგენლებს შეუწყდეს დაფინანსება, შარვაშიძემ უპასუხა, რომ ამ საკითხით დაინტერესდება, ვინაიდან ხარჯვითი ნაწილი ყველასთვის თანაბარი უნდა იყოს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
