26
აპრილიდღის ზოგადი ასტროლოგიური პროგნოზი
21 იანვარს კინოთეატრი ამირანი უკაცრიელ კუნძულს გავდა, პალმები, ბანანები, ტამტამები და მოცეკვავე "ამაზონკები", ამის მიზეზი კი ფილმის "რობინზონი და ცხრა პარასკევას" პრემიერა გახლდათ. როგორც იქნა მაყურებელს უკვე დიდ ეკრანზე შეუძლია ნახოს სრულმეტრაჟიანი სათავგადასვალო ქართული კომედია "რობინზონი და ცხრა პარასკევა". ფილმის რეჟისორი გიორგი კიკალეიშვილი გახლავთ.
გადასაღებ მოედანზე შეკრებილი იყო ყველაზე რთულად დასათანხმებელი ქართველი და არა მარტო ქართველი მსახიობეიც კი. ესაა სახალისო ფილმი, რომლის ნახვისას მაყურებელი ღიმილით მიირთმევს პოპკორნს, დაისვენებს და ერთი საათით ფემინისტებით დასახლებულ კუნძულზე პაატა გულიაშვილთან ერთად იმოგზაურებს.
პრემიერას ცნობილი ქართველები ესწრებოდნენ, აჩიკო მეფარიძე, დათო ხუჯაძე, მანიკა ასათიანი, ნათია ბანძელაძე... ფილმში ნანუკა გოგიჩაიშვილი და მანიკა ასათიანი კუნძულის მზვერავებს თამაშობენ, დაქალები სამწუხაროდ ერთად ვერ დაესწრნენ პრემიერას იმის გამო რომ ნანუკა ამერიკაში გახლავთ. თუმცა ნანუკას გარეშე მაინც არ ჩაუვლია პრემიერას, მისი და და მშობლები სკაიპით ერთვებოდნენ ნიუ იორკს და პირდაპირი კავშირის დროს კომენტარებსაც უკეთებდნენ. ამირანში ირაკლი ფირცხალავაც იყო, მას ფილმში ეპიზოდური როლი აქვს და საუდტრეკიც კი აჩუქა ფილმის შემქნელებს. ყველაზე საინტერესო კი ბელორუსი მსახიობი გახლდათ, ლუციალუშიკი სპეციალურად პრემიერისთვის ერთი დღით ჩამოვიდა თბილისში, სხვათა შორის რობინზონის რუსალკა საკმაოდ სექსუალურად გამოიყურებოდა და უკლებლივ ყველა სტუმარს თვალს ჭრიდა მისი სილამაზე. კინოთეატრებში ფილმის ნახვა მსურველებს უკვე შეუძლიათ.
