არსენ ავაკოვმა მიხეილ სააკაშვილს სასამართლოში უჩივლა

უკრაინის შს მინისტრმა არსენ ავაკოვმა ოდესის გუბერნატორ მიხეილ სააკაშვილს სასამართლოში უჩივლა. ავაკოვის ინფორმაციით, ანალოგიური გადაწყვეტილების მიღებას უკრაინის პრემიერ-მინისტრი არსენი იაცენიუკიც გეგმავს.

როგორც ავაკოვმა უკრაინულ ტელეკომპანია "1+1"-ის ეთერში განაცხადა, მან სასამართლოში სარჩელი პატივისა და ღირსების დაცვის შესახებ სააკაშვილის ბრალდებების საპასუხოდ შეიტანა.

"როცა ამბობ, რომ ადამიანი ქურდია, ამისთვის პასუხი უნდა აგო. როგორც ჩემთვის ცნობილია, ბატონი იაცენიუკიც აპირებს ამის გაკეთებას", - განაცხადა შს მინისტრმა.

არსენ ავაკოვისა და მიხეილ სააკაშვილის სიტყვიერი დაპირისპირება 14 დეკემბერს, რეფორმების ეროვნული საბჭოს სხდომაზე მოხდა, რა დროსაც მინისტრმა გუბერნატორს წყალი შეასხა.

"1+1"-ის ეთერში ავაკოვმა ინციდენტის გამო უკრაინელებს ბოდიში მოუხადა.

• იხილეთ ახევე|სააკაშვილი - "ვწუხვარ, რომ პრემიერ-მინისტრს ქურდი ვუწოდე ..."
• როგორ ესროლა ავაკოვმა სააკაშვილს წყლით სავსე ჭიქა - სკანდალური სხდომის პირველი კადრები
• უკრაინის პრეზიდენტი ავაკოვისა და სააკაშვილის კონფლიქტზე: "კორუფციასთან ბრძოლა შოუ-ბიზნესის დარგი არ არის"
• თავი შევიკავე, რომ მისთვის არ დამერტყა და სახეში წყალი შევასხი, დიდი ხანია არ მინახავს ასეთი შეშლილი პოპულისტი - უკრაინის შს მინისტრი სააკაშვილზე