მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ადრეულ ასაკში ტრაგიკულად გარდაცვლილი ცნობილი ქართველები
05:31 / 03-04-2015
სამწუხაროდ, ჩვენს ირგვლივ არაერთი ახალგაზრდა ნიჭიერი ადამიანი გარდაიცვალა. ზოგიერთმა ტრაგიკულად მაშინ დაასრულა ცხოვრება, როდესაც წარმატების პიკზე იყო. Ambebi.ge ამ სტატიაში მათ შესახებ მოგითხრობთ...
რუსკა არჯევანიძე
რუსკა არჯევანიძე წარმატებული მოდელი იყო. ვისაც ერთხელ მაინც უნახავს მისი სილამაზე, არ ავიწყდება. გოგონას შესახებ ამბობენ, რომ გარეგნულ მშვენიერებასთან ერთად, შინაგანადაც ლაღი ადამიანი იყო. განსაკუთრებით პოპულარული ჯაბა ქარსელაძის კლიპში გადაღების შემდეგ გახდა. საკუთარი კარიერის გაგრძელებას საზღვარგარეთ აპირებდა, კერძოდ პარიზში. ამბობდა, რომ ამაში სალომე ღვინიაშვილი დაეხმარებოდა, მაგრამ... 2004 წელს 17 წლის ასაკში დაიღუპა. მისი სიცოცხლე ავტოსაგზაო შემთხვევას ემსხვერპლა. მეგობარმა გადაღებაზე მიაკითხა და მოტოციკლით ბოძს შეეჯახნენ. რუსკა ადგილზე გარდაიცვალა.
დათო ოძელაშვილი
ცნობილი ფლეიტისტის დათო ოძელაშვილის შესახებ, ახალმა თაობამ ნაკლებად იცის. ის იყო ნიჭიერი მუსიკოსი და ამავე დროს სიმპატიური მამაკაცი, რომლის გულის მოგებას ბევრი გოგო ცდილობდა. როგორც მისი მეუღლე იხსენებს, ყოფილა შემთხვევები, როცა მანდილოსნებს მისთვის უთქვამთ, დათო გვიყვარდაო. დათო ოძელაშვილი, ოძელა, 2002 წლის 21 სექტემბერს, 28 წლის ასაკში, ვენის სასტუმროში გულის შეტევით გარდაიცვალა. როგორც ოძელას ახლობლები ამბობენ, ის წინასწარ გრძნობდა მოსალოდნელ სიკვდილს და ყოველთვის ამბობდა, ამ ქვეყნიდან მალე წავალო.
მუსიკოსი ვენაში გასტროლებზე წასვლისგან თავს იკავებდა, მაგრამ უარი ვერ თქვა და ნიკა მემანიშვილთან, ნატო მეტონიძესთან, მაკა ასათიანთან, ნინო ქათამაძესთან და მეგობრებთან ერთად ვენაში წავიდა ქართული კულტურის დღეებზე და მისი დახურვის დღეს გარდაიცვალა.
დავით იაშვილი
რუსთაველის თეატრის მსახიობი დავით იაშვილი, იგივე იაშკა 2008 წელს გარდაიცვალა. მან არაერთი კინო თუ თეატრალური როლი შეასრულა, მისი განსახიერებული პერსონაჟები დაუვიწყარია. განსაკუთრებული პოპულარობა კი კინოროლებმა მოუტანა. დავით იაშვილი თამაშობდა გახმაურებულ სერიალში "სტალინ ლაივ", რომელიც "ენ-ტე-ვეს" დაკვეთით გადაიღეს. ხშირად მონაწილეობდა "რუსთავი 2"-ს პროექტებშიც. მან მთავარი როლი შეასრულა ლევან თუთბერიძის მრავალსერიან ფილმში "ქაღალდის ტყვია". 36 წლის მსახიობი ამსტერდამში გულის შეტევით გარდაიცვალა. ის სტუდენტურ კინოპროექტში მონაწილეობდა.
გიორგი ფოჩხუა
გიორგი "ჯეობარით" გაიცნო მაყურებელმა, მღეროდა და სხვადასხვა სატელევიზიო პროექტში მონაწილეობდა. პროფესიით მსახიობი იყო, ბოლოს ზუგდიდის თეატრში მუშაობდა. ის ვინმე ბექა ცობეხიამ მოკლა, რომელიც შურისძიების თავიდან აცილების მიზნით, პოლიციას დედამ ჩააბარა. ბექა ცობეხია და გიორგი ფოჩხუა ერთმანეთს ანაკლიის ბულვარში შეხვდნენ, გიორგი იქ მეგობრებთან ერთად იმყოფებოდა. ბექასთან შეხვედრის შემდეგ გიორგი მას გაჰყვა, რის შემდეგაც ცობეხიამ მსახიობი მოკლა და კვალის დაფარვის მიზნით ზღვაში გადააგდო. ოჯახი ეჭვობს, რომ ცობეხიას გიორგის მოკვლა წინასწარ ჰქონდა განზრახული, რადგან ფოჩხუას საინტერესო ფაქტები ჰქონდა გადაღებული.
ირაკლი ღუღუნიშვილი
ირაკლი ღუღუნიშვილი საკუთარი გარდაცვალების შემდეგ უფრო გახდა პოპულარული, ვიდრე სიცოცხლეში იყო. ახალგაზრდა ფოტოგრაფის სიცოცხლე ავტოსაგზაო შემთხვევას ემსხვერპლა. ის მოტოციკლეტით ვაჟა-ფშაველაზე ავარიაში მოხვდა. 25 წლის ახალგაზრდა ადგილზე გარდაიცვალა.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
