25
აპრილიდღის ზოგადი ასტროლოგიური პროგნოზი
რუსეთის პრეზიდენტმა, ვლადიმერ პუტინმა ქვეყნის ჩრდილოეთ ფლოტსა და დასავლეთის სამხედრო ოლქის ნაწილში სრული სამხედრო მზადყოფნის ბრძანება გასცა.
"ბიბისის" ცნობით, ამის შესახებ რუსეთის თავდაცვის მინისტრმა, სერგეი შოიგუმ განაცხადა. მისი თქმით, ღონისძიების მიზანს სამხედრო ძალების მზადყოფნის შემოწმება წარმოადგენს.
როგორც სერგეი შოიგუმ განაცხადა, მობილიზაციაში მონაწილეობას 38 000 ჯარისკაცი, 3 360 სამხედრო ტექნიკა, 41 საზღვაო ხომალდი, 15 წყალქვეშა ნავი და 110 სამხედრო თვითმფრინავი და ვერტმფრენი მიიღებს.
გასულ კვირას კი რუსეთის სამხრეთის ოლქში ჩატარდა წვრთნები, რომლის ფარგლებშიც სამხედრო სწავლება აფხაზეთის, ე.წ.სამხრეთ ოსეთისა და ყირიმის ტერიტორიებზეც გაიმართა. დასავლეთი რუსეთის სამხედრო აქტიურობის გამო შეშფოთებას გამოთქვამს.
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
