მოქალაქეს სახელის მრავალჯერ შეცვლის უფლება აღარ ექნება
პირის უფლება, სურვილისამებრ მრავალჯერ შეიცვალოს სახელი, იზღუდება. სურვილისამებრ სახელის შეცვლის უფლება საქართველოს მოქალაქეს მხოლოდ ერთხელ - სრულწლოვანების მიღწევის შემდეგ ექნება.
ეს არის იუსტიციის სამინისტროს მიერ მომზადებული საკანონმდებლო პაკეტის ერთ-ერთი სიახლე, რომელიც ევროკავშირთან სავიზო რეჟიმის ლიბერალიზაციის სამოქმედო გეგმას უკავშირდება. "საქართველოს მოქალაქეთა და საქართველოში მცხოვრებ უცხოელთა რეგისტაციის, პირადობის (ბინადრობის) მოწმობისა და საქართველოს მოქალაქის პასპორტის გაცემის შესახებ" კანონში, "საკონსულო საქმიანობის შესახებ" კანონსა და "სამოქალაქო აქტების შესახებ" კანონში ცვლილებების პროექტი მთავრობამ პარლამენტს უკვე წარუდგინა.
კანონის დღეს მოქმედი რედაქციის თანახმად კი, სახელის შეცვლა შესაძლებელია განმცხადებლის სურვილისამებრ, ყოველგვარი შეზღუდვის გარეშე.
"ასეთი მოქნილი სამართლებრივი რეგულირება განპირობებულია იმ გარემოებით, რომ საქართველოში პირის იდენტიფიცირება ხორციელდება მისი უნიკალური იდენტიფიკატორით - პირადი ნომრის საფუძველზე. თუმცა, ევროკავშირის რიგ ქვეყნებში პირის სახელისა და გვარის შეცვლა ექვემდებარება შეზღუდვებს, რადგან ამ ქვეყნებში პირის ძირითად საიდენტიფიკაციო მონაცემს წარმოადგენს სახელი და გვარი. შესაბამისად, ამ ქვეყნებში ჩასული მოქალაქეების იდენტიფიცირება ხორციელდება მათი გვარებისა და სახელების საფუძველზე, რადგან ევროკავშირის წევრ სახელმწიფოს არ აქვს წვდომა საქართველოს მოქალაქების პირად ნომერთან დაკავშირებულ პერსონალურ მონაცემებთან, რაც ხელს უშლის საქართველოს მოქალაქის საზღვარზე შემოწმებისას მის სრულყოფილ იდენტიფიცირებას", - განმარტავს იუსტიციის სამინისტრო.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
