27
აპრილიდღის ზოგადი ასტროლოგიური პროგნოზი
გიგი უგულავა ყოფილ პრეზიდენტ მიხეილ სააკაშვილს ურჩევს პროკურატურაში არ მივიდეს. ამის შესახებ გიგი უგულავამ დღეს ჟურნალისტებთან საუბრისას განაცხადა.
მისი თქმით, სააკაშვილი, არ უნდა მივიდეს პროკურატურაში ქვეყნის ინტერესებიდან გამომდინარე.
"ჩემი აზრით, მე ვურჩევ მიშას, რომ რა თქმა უნდა, ის არ უნდა მივიდეს და არ უნდა ითანამშრომლოს. არ ვიტყვი სიტყვა "გამოძიებასთან", რადგან როდესაც ადამიანს 30 საკითხზე იბარებენ, ეს უკვე აღარ არის გამოძიება. მან არ უნდა გადადგას ეს ნაბიჯი ქვეყნის ინტერესებიდან გამომდინარე, იმიტომ, რომ თუ ჩვენ შევედით ამ სპირალში ქვეყანა მივა სამოქალაქო დაპირისპირებამდე და ამაზე პასუხისმგებელი არის მხოლოდ ერთი ადამიანი - ეს არის შიზოფრენიკი ივანიშვილი. ამიტომ, ჩვენი პასუხი ამ სიშლეგეზე უნდა იყოს მხოლოდ სიმშვიდე და 15 ივნისს, ერთად უნდა ავლაგმოთ ამ გათავხედებული ადამიანის სიგიჟეები ჩვენს ქვეყანაში", - განაცხადა გიგი უგულავამ.
მისივე თქმით, პროკურატურა ივანიშვილისა და ღარიბაშვილის დაკვეთებს ასრულებს და ივანიშვილს ქვეყანა მიყავს სამოქალაქო დაპირისპირებამდე.
"ჩვენ ყველაფერი უნდა გავაკეთოთ, რომ ეს სცენარი არ გამოვიდეს. პირადად მეც და ბევრს ბოლომდე არ გვჯეროდა და ეჭვი გვეპარებოდა იმაში, რომ ივანიშვილის ქმედებები პირდაპირ რუსეთის წისქვილზე ასხამდა წყალს. დღეს რეგიონში მიმდინარე პროცესები იმ გეოპოლიტიკური ცვლილებების ფონზე, რაც რეგიონში ხდება, როდესაც რუსეთის აგრესია ძალიან თვალსაჩინო სახეს იღებს უკრაინაში, მოლდოვაში და ამ რიგში არის საქართველოც, ყველა ნაბიჯი, გადადგმული სამოქალაქო კონფრონტაციისკენ მხოლოდ ქვეყნის რუსეთისთვის ჩაბარებას ნიშნავს. საკითხი, რაც დღეს ჩვენ მოვისმინეთ პროკურატურისგან, როდესაც ადამიანს იბარებენ 30 საკითხზე ერთად, აბსოლუტურად ცდება სამართლებრივ ჩარჩოებს და მიუთითებს, რომ პროკურატურა არის ბრმა პოლიტიკური იარაღი, შტეფსელში უინსტრუქციოდ შეერთებული იარაღი ივანიშვილისა და ღარიბაშვილის ხელში", - განაცხადა გიგი უგულავამ.
ამასთან, კითხვაზე ესაუბრა თუ არა ის მიხეილ სააკაშვილს მას შემდეგ, რაც პროკურატურამ გააკეთა განცხადება, უგულავამ აღნიშნა, რომ მას სააკაშვილთან არ უსაუბრია.
27 მარტს, 13:00 საათზე, საქართველოს მთავარ პროკურატურაში მოწმის სახით დასაკითხად დაბარებულია საქართველოს ყოფილი პრეზიდენტი მიხეილ სააკაშვილი.
