ყოველმა მეოთხე ამერიკელმა არ იცის, რომ დედამიწა მზის გარშემო ბრუნავს

2 000-ზე მეტი ამერიკელის გამოკითხვის თანახმად, რომელსაც ორ წელიწადში ერთხელ ეროვნული სამეცნიერო ფონდი ატარებს, აშშ-ის მოსახლეობის 25%-მა არ იცის, რომ დედამიწა მზის გარშემო ბრუნავს და რომ ჩვენი პლანეტა მზის სისტემის ცენტრში არ მდებარეობს. რესპონდენტებს 9 კითხვაზე პასუხის გაცემას სთხოვდნენ, ყოველი კითხვა მეცნიერების სხვადასხვა დარგის ფუნდამენტურ საფუძვლებს ეხებოდა.

9 კითხვიდან სწორი პასუხი მხოლოდ 6,5 კითხვას გასცეს. ასტრონომიის დარგიდან კითხვა მათ რიცხვში არ მოხვდა. ამ სფეროში ელემენტარული ცოდნა გამოკითხულთა მხოლოდ 74% გამოავლინა.

Daily Telegraph წერს, რომ ასტრონომები მხოლოდ ერთმა რამემ შეიძლება დაამშვიდოს: ამერიკელების ცოდნა სხვა მეცნიერებებში ბევრად შთამბეჭდავი არ არის. მაგალითად, ამერიკელების 48% ფიქრობს, რომ ადამიანები ცხოველებისგან წარმოიშვნენ.

მომზადებულია Daily Telegraph-ის მიხედვით.