თბილისის ზღვის გზაზე მოძრაობა შეფერხებულია

თბილისის ზღვის გზაზე საავტომობილო მოძრაობა დროებით შეფერხებულია. როგორც "ინტერპრესნიუსს" შინაგან საქმეთა სამინისტროში განუცხადეს, ამის მიზეზი აღნიშნულ მონაკვეთზე ტექნიკური მარილის დაყრის სამუშაოებია.

"თბილისის ზღვაზე მიმდინარეობს ტექნიკური მარილის დაყრა, რის გამოც ავტომობილების მოძრაობა დროებით შეფერხებულია. როგორც კი სამუშაოები დასრულდება, გზაზე გადაადგილება აღდგება", - აღნიშნავენ უწყებაში.

"ინტერპრესნიუსი"