28
აპრილიდღის ზოგადი ასტროლოგიური პროგნოზი
უახლესი ამბები უკრაინიდან:
- ნიკოლაი აზაროვი: რუსეთი უკრაინასთან გაზის კონტრაქტის გადახედვას დათანხმდა
კრიზისი უკრაინაში: ემუქრება თუ არა ქვეყანას მეორე "ნარინჯისფერი რევოლუცია"
უკრაინის ევროინტეგრაციისთვის მრავალრიცხოვანი მიტინგები, რომლებიც კიევსა და სხვა ქალაქებში შაბათ-კვირას დაიწყო, 9 წლის წინანდელ მოვლენებს - 2004 წლის "ნარინჯისფერ რევოლუციას" გვახსენებს. უკრაინელი და რუსი პოლიტიკოსები და ექსპერტები შედარებებს და მომავლის პროგნოზს აკეთებენ, ცდილობენ განსაზღვრონ, რამდენად სახიფათოა და სახიფაოა თუ არა საერთოდ იგი ხელისუფლებისთვის.კიევში აქციები "ნარინჯისფერი რევოლუციის" შემდეგ ყველაზე მასობრივია - სხვადასხვა ინფორმაციით, მათ 25 000-დან 100 000-მდე ადამიანი შეკრიბეს. უკრაინის ოპოზიციას სცენარის განმეორების იმედი აქვს, როდესაც მაიდან ნეზალეჟნოსტზე (კიევის ცენტრალური მოედანი) საპროტესტო აქციების შედეგად მთავრობა შეიცვალა (დამარცხდა ვიქტორ იანუკოვიჩი და გაიმარჯვა ვიქტორ იუშენკომ).
ბევრი რამ 2004 წელს გვახსენებს, ამბობს გაზეთ "Коммерсант-Украина" კორესპონდენტი. მაგრამ იყო ნათელი განსხვავებები. ასე გამომსვლელთა უმეტესობა "ახალბედები" იყვნენ - ადამიანები, რომლებიც 9 წლის წინ "მაიდანში" არ მონაწილეობდნენ. იმ დღეების ლოზუნგი - "მილიცია ხალხთან"- მონაწილეებს არ გახსენებიათ: თუ ისინი ფორმიანებს ელაპარაკებოდნენ, მხოლოდ იმისთვის რომ გაეკრიტიკებინათ.
თავად პოლიტიკოსები აღიარებენ, რომ უახლოესი დღეების მოვლენები (საპროტესტო აქციების გაგრძელებას 29 ნოემბერამდე ვილნიუსში "აღმოსავლეთ პარტნიორობის" სამიტამდე აპირებენ, სადაც ევროკავშირსა და უკრაინას შორის ასოცირების ხელშეკრულების ხელმოწერა იგეგმებოდა) 2004 წლის მოვლენების ასლი არ იქნება.
რუსეთის Коммерсантъ-ის პროტესტის ორგანიზატორებთან დაახლოებული ინფორმატორები "მაიდან - 2004"-ის განმეორების შეუძლებლობას აღიარებენ. ისინი რამდენიმე მიზეზს ასახელებენ. პირველი, დღეს ის ენთუზიაზმი და მასობრივი
აღტკინება არ არის, რომელიც ცხრა წლის წინ იყო, ადამიანებს ახალი ძვრები არ სწყურიათ. მეორეც, ოპოზიციის ლიდერები დანაწევრებულნი არიან და ძნელად თუ შეძლებენ ერთ გუნდად შეკვრას.
მესამე, ბევრ კიეველს მასაში ულტრანაციონალისტური პარტიის "Свобода"-ს მონაწილეობა არ მოსწონს. მეოთხე, მთავრობას ვიქტორ იანუკოვიჩის ძალის გამოყენებით ჩამოცილების ჰიპოთეტურ ვერსიას ქვეყნის გახლეჩის პროვოცირება შეუძლია - აღმოსავლეთ და სამხრეთ რუსულენოვანი რეგიონები ევრორევოლუციონერებს ნაკლებად გაჰყვებიან.
მეხუთე, იანუკოვიჩი და მისი გუნდი ხვდება, რომ ძალაუფლების დაკარგვით, ისინი შესაძლოა, ციხეში აღმოჩნდნენ და იქ იულია ტიმოშენკო ჩაანაცვლონ. ეს ნიშნავს, რომ წინააღმდეგობა უიმედო იქნება - 2004 წლისგან განსხვავებით, - მოჰყავს გამოცემას საკუთარი რესპოდენტების არგუმენტები.
უკრაინის პრემიერმა ნიკოლაი აზაროვმა რუსულ Первый канал-თან საუბრისას დაასასტურა, რომ მთავრობის საქციელი ამჯერად განსხვავებული იქნება. "ჩვენ რა თქმა უნდა, ყურადღებით დავაკვირდებით. ვიცით, რომ ეს აქციები ფინანსდება, მაგალითად. თუ ეს კანონმდებლობის ფარგლებში კეთდება, ნორმალურია. თუ ეს მისი დარღვევით კეთდება, რა თქმა უნდა, მთავრობა ისე აღარ მოიქცევა, როგორც 2004 წელს, მაშინ ჩვენ თვალწინ კანონიერი მთავრობის დამხობის ტექნოლოგია მშვიდად განხორციელდა",- განაცხადა მთავრობის ხელმძღვანელმა.
ექსპერტები თავის მხრივ "რევოლუციური" პოტენციალის არასსებობაზე საუბრობენ. ადამიანებს ის ენერგია არ აქვთ, რაც 2004 წელს, განუცხადა Коммерсантъ-ს უკრაინელმა პოლიტოლოგმა დმიტრი პონამარჩუკმა.
ამჟამინდელი საპროტესტო აქციებს ახალი "ნარინჯისფერი რევოლუცია" არ მოჰყვება, აცხადებს მოსკოვის სახელმწიფო უნივერსიტეტის პოსტსაბჭოთა სივრცის კვლევის საინფორმაციო ანალიტიკური ცენტრი ხელმძღვანელი ალექსეი ვლასოვი.
"არ არის მნიშვნელოვანი, ქუჩებში ევროინტეგრაციის 10 000 თუ 100 000 მომხრე გამოვიდა. 2004 წელს ყველა არჩევნების შედეგების ფალსიფიკაციამ აღაშფოთა. ახლა კი ისეთი ფაქტორი არ აირს, რომელიც საზოგადოებრივი აზრის თვალში მომხდარის ლეგიტიმიზებას მოახდენდა",-განაცხადა მან. ვლასოვმა მოიყვანა მონაცემები, რომლის თანახმად, უკრაინელების 40% ევროკავშირთან ასოციაციას ემხრობა, ხოლო 35% საბაჟო კავშირს უჭერს მხარს.
ცოტა განსხვავებული კუთხით განიხილავს სიტუაციას Ведомости -ის პოლიტიკის განყოფილების რედაქტორი მაქსიმ გლიკინი, მაგრამ მსგავს დასკვნას აკეთებს: "დაპირებულ დიდი ევროპის მიწაზე შესვლისთვის მზად მთელი უკრაინის მოსახლეობა არ აღმოჩნდა, წინააღმდეგ შემთხვევაში მთავრობას არ მისცემდა ამის გაკეთების საშუალებას".
რუსი პოლიტიკოსები და ექსპერტები მეორე "ნარინჯისფერ რევოლუციას" ასევე არ პროგნოზირებენ. "ეს არა ერის უმრავლესობის, არამედ ადამიანთა ერთი ჯგუფის აზრია",- აცხადებს სახელმწიფო დუმის დსთ-ს საქმეების კომიტეტის თავჯდომარის მოადგილე ტატიანა მოსკალკოვა. მას კომიტეტის ხელმძღვანელი ლეონიდ სლუცკი ეთანხმება: "ეს ადამიანების პატარა ჯგუფია, რომელთაც "მაიდანის" პროტესტთან საერთო არაფერი აქვთ. უფრო მეტიც, ჩვენი ინფორმაციით, ეს დაფინანსებული აქციებია".
მომზადებულია newsru.com-ის მიხედვით.
