მნიშვნელოვანი ინფორმაცია
10
ივლისიდღის ზოგადი ასტროლოგიური პროგნოზი
10 ივლისი, ხუთშაბათი, მთვარის მეთექვსმეტე დღე დაიწყება 22:46-ზე – დაასრულეთ დაუსრულებელი დავალებები. მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ფულადი ოპერაციები. დოკუმენტების, კონტრაქტებისა და ხელშეკრულებების გაფორმება. მივლინება. მოლაპარაკებების წარმოება. მუშაობის დაწყება ახალ ადგილას. უარყოფითი ემოციების გამოვლენა. არ არის რეკომენდებული ცხოველური საკვების მიღება. დღის მენიუ უნდა შედგებოდეს ხილისა და ბოსტნეულისგან. დღეს ურთიერთობების დალაგებას და კამათს აზრი არა აქვს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გვარის უფროსი 90 წლის კაცია, მას მიცვალებულის სასახლესთანაც დაუჩოქია. გიას დედას თვითონ წამოუყენებია მოხუცი" - ყაზბეგში მომხდარი მკვლელობის საქმეზე კიდევ ერთი პირი დააკავეს: რა დეტალები ხდება ცნობილი
15:38 / 27-04-2025
- ფოტოზე მარჯვნივ - მოკლული გია ხაიკაშვილი
20 აპრილს, ყაზბეგის მუნიციპალიტეტის სოფელ გველეთში სასტიკი მკვლელობა მოხდა. 47 წლის გია ხაიკაშვილს დანით მრავლობითი ჭრილობები მიაყენეს, რის შედეგადაც მამაკაცი კლინიკაში გარდაიცვალა. 22 აპრილს სამართალდამცველებმა ორი ბრალდებული დააკავეს. ნიკა ქუშაშვილს ბრალდება საქართველოს სისხლის სამართლის კოდექსის 108-ე მუხლით (განზრახ მკვლელობა) წარედგინა, რაც სასჯელის სახედ და ზომად 10-დან 15 წლამდე თავისუფლების აღკვეთას ითვალისწინებს. მეორე პირს - პაატა ქუშაშვილს 376-ე მუხლის მეორე ნაწილი (დანაშაულის შეუტყობინებლობა) აქვს წარდგენილი, რაც 3-დან 7 წლამდე თავისუფლების აღკვეთას ითვალისწინებს.
Ambebi.ge-ს ინფორმაციით, დღეს ორჯონიკიძეში გია ხაიკაშვილის მკვლელობის საქმის კიდევ ერთი, მესამე მონაწილე - ფიდო ეფხოშვილი დააკავეს, ის საქართველოს ტერიტორიაზეა გადმოყვანილი და ამჟამად მისი დაკითხვა მიმდინარეობს.
როგორც წყარო გვიყვება, ფიდო ეფხოშვილიც ყაზბეგის მკვიდრი და ხაიკაშვილის მეზობელია.
"ეფხოშვილის ოჯახი ხაიკაშვილებმა არ შეირიგეს, განსხვავებით ქუშაშვილებისგან. დღეს ფიდო დაიჭირეს ყაზბეგში და დაკითხვაზეა გადაყვანილი. ეფხოშვილი 35 წლამდე იქნება, ქუშაშვილებზე არანაკლები ავარდნილია. როგორც ამბობენ, მის ოჯახსაც მოუწევს ხევიდან გადასახლება. როგორც იცით, მოხდა გვარების შერიგება, თუმცა მიღებულია მკვლელების ოჯახების გასახლების გადაწყვეტილება.
ჩვენი ადათით, 40-მდე მიცვალებულს პატივს სცემენ და მკვლელების ოჯახების გასახლებაც ალბათ მერე მოხდება. საუკეთესო ადამიანი სიცოცხლეს გამოასალმეს და ოჯახებიც დაღუპეს.... მოხუცი ხალხის ტირილი და გოდება ისმის მთელს ხევში.
- ქუშაშვილების უხუცესი წარმომადგენელი, გვარის უფროსი 90 წლის კაცია, მას მიცვალებულის სასახლესთანაც დაუჩოქია.
ამის შემხედვარე გიას დედა გადარეულა და თვითონ წამოუყენებია მოხუცი. ორი ქუშაშვილი დარჩა დასაჭერი, სამართალდამცველებმა მათ კვალს ჯერ ვერ მიაგნეს.
დაკავებული ვინცაა, გიორგი ქუშაშვილი, ციხიდან მის ბიძაშვილს - პაატას ემუქრება, უკარგეს ბიჭს (ვინც ვიდეო დადო და მკვლელებზე დაწერა, გვარის შემარცხვენლები უნდა გავასახლოთო), იუკადრისა თურმე, გამოვალ და ვნახავთ, ვის გაასახლებთო - კიდევ აქეთ იმუქრება.
რაც ეს ამბავი მოხდა, მკვლელების დედა გათიშულია, გონზე მოდის, ისევ ითიშება, არც ჭამს, არც სვამს. ამ მკვლელებმა დაღუპეს გიაც და თავისი ოჯახებიც... ისეთი საშინელება ტრიალებს, ენით აუწერელი, მთელი ხევი შეძრულია“, - გვიყვება წყარო.
- ნახეთ ასევე:
- "ხაიკაშვილებმა ქუშაშვილების გვარს შეუნდეს, შეირიგეს... მკვლელობაში ერთი სხვა გვარის კაციც მონაწილეობდა, ისინიც მისულან ხაიკაშვილებთან შესარიგებლად, მაგრამ არ მიიღეს" - რას ჰყვება ყაზბეგში მოკლული მამაკაცის ახლობელი?
- ყაზბეგში მომხდარი სასტიკი მკვლელობის შემდეგ ბრალდებულების გვარმა მოკლულის გვარს და ოჯახს პატიება მუხლმოდრეკით სთხოვა - რა ვიდეო ვრცელდება?
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა გზავნილები აქვთ ევროპარლამენტარებს და როგორია გამოხმაურებები საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
