მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
5 ყველაზე "გაჭედილი" ადგილი თბილისში: შსს-ს ოფიციალური მონაცემები
03:01 / 20-11-2013
ბოლო დროს თბილისში საცობების რაოდენობა საგრძნობლად გაიზარდა. განსაკუთრებით გაუსაძლისია გადაადგილება პიკის საათებში, დილის 10-11 და საღამოს 6-9 საათამდე. საცობებით შეწუხებული ადამიანები თბილისის ფორუმზე იოხებენ გულს:
"იზრუნეთ საცობების განმუხტვაზე და ეკოლოგიაზე. 21-ე საუკუნეში რომ გვამადლით ცხრაასჯერ დაკერებულ გზებს, ერთ-ერთი პრობლემა სწორედ ესეც არის. საბურთალოზე უკვე მეზიზღება გავლა", - წერს ვინმე "კარელა".
"სანამ შემოვლითი რკინიგზა არ ამოქმედდება და ძველი რკინიგზის ტერიტორიაზე ავტობანი არ გაკეთდება, მუდამ ასეთი საცობები იქნება. მარჯვენა და მარცხენა სანაპიროდან მიმავალი მანქანები ერთობლივად ქმნიან საცობს", - ფორუმზე ასეთი შინაარსის ბევრ მოსაზრებას წაიკითხავთ. ზოგს მიაჩნია, რომ საცობების მთავარი მიზეზი შუქნიშნებია:
"ხშირად მიწევს ხოლმე გავლა ე.წ. მედიკების სახლიდან მალაკნების მოედნამდე. თითქმის ყოველთვის საცობებია, განსაკუთრებით კი საღამოს საათებში. 1 კვირის წინ საღამოს დენი არ იყო, შუქნიშნები არ მუშაობდა და, ჰოი საოცრებავ - არანაირი საცობი. გზაჯვარედინზეც კი არ იყო რიგი",- წერს ვინმე "თუნგი".
შსს-ს ინფორმაციით, თბილისში პიკი საათის დროს, დილის 10-დან 11-მდე და საღამოს 6-დან 08:30 სთ-მდე ყველაზე გადატვირთული ქუჩებია:
1. გმირთა მოედანზე მდებარე ესტაკადა სხვადასხვა მიმართულებით (ალიევის სახელობის გამზირიდან, თამარ მეფის ხიდიდან)
2. ავლაბრის მოედანი (ბარათაშვილიდან ამოსავლელი გზა)
3. თავისუფლების მოედანი
4. ყაზბეგის გამზირისა და პეკინის ქუჩის კვეთა
5. "ვეფხვი და მოყმის" ძეგლის მიმდებარე ტერიტორია
შსს-ს საინფორმაციო-ანალიტიკური ცენტრის სტატისტიკური მონაცემების მიხედვით, 2012 წელს მთლიანად ავტოტრანსპორტის რაოდენობის ზრდამ შეადგინა 8.2%, ხოლო მსუბუქ ავტომობილებში - 6.8%
ქალაქში უსაფრთხოების დონის ამაღლების, გაძლიერებული მოძრაობის განტვირთვისა და საცობების პრევენციის მიზნით, თბილისის მერიამ ბოლო დროს განახორციელა საგზაო ინფრასტრუქტურის (ხიდების, პანდუსების, გვირაბების, უსაფრთხოების კუნძულების მშენებლობა, თანამედროვე შუქნიშნების, საგაზაო ნიშნების დამონტაჟება და ა.შ) რეაბილიტაცია და მშენებლობა, მაგრამ სატრანსპორტო მოძრაობის ზრდის მაღალი ტემპის პირობებში გასათვალისწინებელია არსებული ინფრასტრუქტურის გამტარუნარიანობა. ფაქტია, რომ ქალაქში მოძრაობა არათუ განიმუხტა, ბოლო დროს საცობების რაოდენობამ იმატა კიდეც.
სალომე შიხაშვილი, Ambebi.ge
ასევე დაგაინტერესებთ:
საცობები თბილისში - როდის მოგვარდება პრობლემა,
რომელიც თბილისში გადაადგილებას გაუსაძლისს ხდის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
