მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
არაორდინარული ტენდენციები უძრავი ქონების ბაზარზე
23:19 / 29-08-2013
უძრავი ქონების ბაზარზე შექმნილი სიტუაცია სარკესავით ირეკლავს ქვეყანაში მიმდინარე პროცესებს და, როგორც ირკვევა, მეტი სარგებლის მისაღებად ყიდვა-გაქირავების არაორდინარული ხერხებიც ინერგება. რა ტენდენციები იკვეთება ბაზარზე? როდის დებენ ადამიანები ფულს უძრავ ქონებაში? - ამ საკითხზე უძრავი ქონების სააგენტო "კერა რეალთის" წარმომადგენელი მაკა მახაური და მენაშენეთა ასოციაციის ხელმძღვანელი ირაკლი როსტომაშვილი გვესაუბრებიან.
მაკა მახაური: - ამჟამად უძრავი ქონების ბაზარზე ფასები არც შემცირებულა და არც გაზრდილა. ხდება, რომ ბინას გირაობენ და შემდეგ აქირავებენ, რითაც გარკვეული მოგება რჩებათ. შედარებით ნაკლებად, მაგრამ არის შემთხვევები, როცა ადამიანს ფული სასწრაფოდ სჭირდება, აგირავებს თავის ბინას, თუმცა, რეალურად იქ რჩება საცხოვრებლად, მას კი, ვინც ბინა იგირავა, ყოველთვიურად გარკვეულ თანხას უხდის, რომ სხვაგან იქირაოს ბინა; ერთგვარი პროცენტიანი სესხი გამოდის, თან, თუ სხვა ბინა არა აქვს, ხომ მაინც უნდა იქირაოს?
ირაკლი როსტომაშვილი: - ამჟამად ბინის გამქირავებელი 20%-იან საშემოსავლო გადასახადს იხდის. ვფიქრობთ, გარკვეული დროით გამქირავებლები მისგან უნდა გათავისუფლდნენ ან შემცირდეს მაინც. თუ საშემოსავლო გადასახადი შემცირდება ან გაუქმდება, ხალხი თავის დანაზოგს უფრო თამამად ჩადებს უძრავ ქონებაში. დღეს კი ეს წამგებიანია, რადგან თუ 50 000 დოლარამდე ღირებულების ბინას იყიდით, მას 250 დოლარად თუ გააქირავებთ, რაც მომგებიანი არ არის; 100 000-დოლარიან ბინას, საშუალოდ, 500 დოლარად აქირავებ, აქედან გადასახადი 100 დოლარია და მხოლოდ 400 დოლარი გრჩება. სტატისტიკით, გამქირავებელთა 80%-ზე მეტი გადასახადს არ იხდის, ან რეალურ ფასს არ აჩვენებს, ხოლო ვინც იხდის, ანუ პატიოსანი გადამხდელი, უკმაყოფილოა. ეს ცვლილება ახალ სამუშაო ადგილებს გააჩენს, მშენებლობაშიც, უძრავი ქონების ბიზნესში მეტი ფული ჩაიდება, ინვესტიცია მომგებიანი იქნება.
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
