მნიშვნელოვანი ინფორმაცია
28
აპრილიდღის ზოგადი ასტროლოგიური პროგნოზი
ორშაბათი, მთვარის მეორე დღე დაიწყება 05:38-ზე, მთვარე კუროშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად, საქმიანობის, სამსახურის შესაცვლელად. უფროსთან შეხვედრა სიკეთეს არ მოგიტანთ. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სახანძრო ბრიგადა ხიდან ფულის ჩამოსაღებად გამოიძახეს"
23:31 / 18-08-2013
მეხანძრეობა ერთ-ერთ ყველაზე ძნელ და სახიფათო პროფესიად მიიჩნევა. "ყველა სიახლე" დაინტერესდა, თუ როგორია ქართველი მეხანძრეების სამუშაო პროცესი, რა სირთულეებს აწყდებიან ისინი და რას ურჩევენ მოქალაქეებს. ამ საკითხებზე მეხანძრეთა ოცეულის უფროსი ირაკლი დავითიძე გვესაუბრება:
- დღის განმავლობაში, საშუალოდ, 8-10 გამოძახებაა. სამწუხაროდ, უმნიშვნელო შემთხვევების დროსაც გვიძახებენ, როცა თავადაც შეუძლიათ ცეცხლის კერის ჩაქრობა. არის ცრუ გამოძახებებიც. ზოგჯერ განზრახ, ზოგჯერ თავადაც შემცდარან. ყოფილა შემთხვევა, როცა მეზობელ კორპუსში კვამლი დაუნახავთ და გამოვუძახებივართ, ბოლოს კი აღმოჩენილა, რომ იმ კორპუსში მწვადს წვავდნენ ან გუდრონს ასხამდნენ... ახლახან კი მხოლოდ იმიტომ გამოგვიძახეს, რომ ზედა სართულიდან ქვემოთ მდგომს რაღაც კონვერტი ჩამოუგდეს, რომელიც ხის ტოტებში გაეჩხირა. სახანძრო-სამაშველო ჯგუფი ადგილზე, რა თქმა უნდა, დროულად მივიდა და ხანძრის ჩაქრობის ნაცვლად ხიდან კონვერტის ჩამოღება მოუწია. კონვერტში რაღაც თანხა აღმოჩნდა. მოკლედ რომ ვთქვათ, ხიდან ფულის ჩამოსაღებად გამოგვიძახეს. ჩვენი პროფესია ერთ-ერთი ურთულესი და სარისკოა. განსაკუთრებით საშიშია, როცა ცეცხლის ჩაქრობისას ცეცხლმოკიდებული კონსტრუქცია იშლება. ჩვენი რამდენიმე მეხანძრე მოყვა ჩამონგრეულ კონსტრუქციაში და დაშავდა. რაც შეეხება სამუშაო პროცესში შექმნილ სირთულეებს, ერთ-ერთი გზაზე გადაადგილებაა. სამწუხაროდ, მძღოლები სახანძრო მანქანებს გზას არ უთმობენ, მაშინაც კი, როცა ფარები და სიგნალი ჩართული გვაქვს. იგივე პრობლემა აქვთ სასწრაფო დახმარების მანქანებს. მინდა ვთხოვო მძღოლებს, გაითვალისწინონ, რამდენად მნიშვნელოვანია ხანძრის დროს თითოეული წუთი და სახანძრო მანქანებს გზებზე დროულად გადაადგილების საშუალება მისცენ.
- ყველაზე ძლიერ ხანძრად რომელი გახსენდებათ?
- სავაჭრო სახლ "საბას" ხანძარი. ძალიან ძლიერი ცეცხლი იყო, მისი მალე ჩაქრობა გაგვიჭირდა.
მარი ონეზაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
