ბაჩო ახალაიას სასამართლო პროცესის დაწყებამდე ინციდენტი მოხდა
თბილისის საქალაქო სასამართლოში ბაჩო ახალაიას სასამართლო პროცესის დაწყებამდე ინციდენტი მოხდა. საქალაქო სასამართლოს ეზოში არასამთავრობო ორგანიზაცია "ყოფილი პოლიტპატიმრები ადამიანის უფლებებისთვის" ხელმძღვანელი ნანა კაკაბაძე და კიდევ რამდენიმე ორგანიზაციის წარმომადგენლები შეიკრიბნენ, რომლებიც ერთ-ერთ საქმეზე ბაჩო ახალაიას მიმართ გამამართლებელ განაჩენს აპროტესტებდნენ და ამ მიზნით სასამართლო ეზოში საპროტესტო ლოზუნგებით მივიდნენ - "ბაჩო ახალაია შენი ადგილი სანაგვეზეა", "ცოცხები, ცოცხები, ცოცხები ჩქარა", "რეჟიმი უნდა გასამართლდეს".
აქციის მონაწილეებს სასამართლოს ეზოში პროტესტის გამოხატვაში ხელს უშლიან სასამართლოს მანდატურები, რომლებიც შეკრებილებს მოუწოდებენ პროტესტი სასამართლოს ეზოს გარეთ გამოხატონ. თუმცა, მოწოდების მიუხედავად, აქციის მონაწილეებს ამ დრომდე არ დაუტოვებიათ სასამართლოს ეზო.
სიტყვიერი შელაპარაკება მოხდა აქციის მონაწილეებსა და ორგანიზაცია "თავისუფალი ზონის" წარმომადგენლებს შორის, რომლებიც ბაჩო ახალაიას მხარდასაჭერად არიან მისულები სასამართლოში.
სასამართლოს ეზოში შელაპარაკება მოხდა ნანა კაკაბაძესა და დათა ახალაიას ადვოკატ, ირაკლი ზაქარეიშვილს შორის, რომელიც უკვე განიმუხტა.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
