ყო­ფილ მი­ნისტრს, ხა­თუ­ნა კალ­მა­ხე­ლი­ძეს, გე­ნე­რალ თა­მაზ თა­მა­ზაშ­ვი­ლის ლიკ­ვი­და­ცი­ის დაკ­ვე­თა­ში ამ­ხე­ლენ. ეს სკან­და­ლუ­რი ჩვე­ნე­ბა გა­მო­ძი­ე­ბას უკვე მის­ცა ცი­ხის აგენ­ტმა, ვუ­გარ ალი­ევ­მა.

შე­გახ­სე­ნებთ: ბი­ძი­ნა ივა­ნიშ­ვი­ლის პო­ლი­ტი­კა­ში გა­მო­ჩე­ნის შემ­დეგ ირაკ­ლი ღა­რი­ბაშ­ვი­ლის სი­მამ­რი ია­რა­ღის უკა­ნო­ნო შე­ნახ­ვა-შე­ძე­ნის ბრალ­დე­ბით და­ა­კა­ვეს და 7 წლით თა­ვი­სუფ­ლე­ბის აღ­კვე­თა მი­უ­სა­ჯეს.

ქვეყ­ნის პრე­ზი­დენ­ტი სა­არ­ჩევ­ნო კამ­პა­ნი­ის დროს თა­მა­ზაშ­ვი­ლის მი­სა­მარ­თით სა­ლან­ძღავ სი­ტყვებს არ იშუ­რებ­და და მას კრი­მი­ნა­ლად მო­იხ­სე­ნი­ებ­და. ტე­ლე­ვი­ზი­ე­ბი აჭ­რე­ლე­ბუ­ლი იყო გიგა ნა­სა­რი­ძის მიერ შექ­მნი­ლი კლი­პე­ბით, რაც გე­ნერ­ლის დის­კრე­დი­ტა­ცი­ას ემ­სა­ხუ­რე­ბო­და. თა­მა­ზაშ­ვი­ლი მალე მი­ხე­ილ სა­ა­კაშ­ვილს პრო­კუ­რა­ტუ­რა­ში უჩივ­ლებს და მის დას­ჯას მო­ი­თხოვს. ამ­ბობს, რომ მისი სი­ცო­ცხლე "ქარ­თუ­ლი ოც­ნე­ბის" გა­მარ­ჯვე­ბამ იხ­სნა. თა­მა­ზაშ­ვი­ლის ად­ვო­კა­ტე­ბი არ­ჩევ­ნე­ბამ­დეც აცხა­დებ­დნენ, რომ ცი­ხე­ში გე­ნერ­ლის სი­ცო­ცხლე საფრ­თხე­ში იყო. ახლა ამ სა­კი­თხზე დე­ტა­ლუ­რად პა­ტი­მა­რი ალი­ე­ვი სა­უბ­რობს.

პა­ტი­მარ ალი­ე­ვის ჩვე­ნე­ბი­დან:

"ჩემ­გან მო­ი­თხოვ­დნენ, ინ­ფორ­მა­ცი­ე­ბი მი­მე­წო­დე­ბი­ნა. თა­ვი­დან თა­ნამ­შრომ­ლო­ბა­ზე უარი რომ ვთქვი, ოლეგ ფა­ცა­ცი­ამ დე­ნის სა­ვარ­ძელ­ში მა­წა­მა... მერე შე­სა­ში­ნებ­ლად სამი დღე მორ­გში დამ­ტო­ვეს. მა­ყუ­რე­ბი­ნეს, რო­გორ ამო­აჭ­რეს გარ­დაც­ვლილ პა­ტი­მარს ღვიძ­ლი და რო­გორ შე­ა­ჭა­მეს ის ცი­ხის კა­ტას. მი­თხრეს, ამ საქ­მეს თუ არ გა­ვა­კე­თებ­დი, მეც ასე მო­მექ­ცე­ოდ­ნენ. სხვა გზა არ მქონ­და და დავ­თან­ხმდი... ხა­თუ­ნა კალ­მა­ხე­ლი­ძეს რამ­დენ­ჯერ­მე შევ­ხვდი. და­მა­ვა­ლეს, გა­მე­გო, ვის მხა­რეს იყო ვანო მე­რა­ბიშ­ვი­ლი, იყო თუ არა ის "ოც­ნე­ბა­ში"... მერე მი­თხრეს, - აბს მოგ­ცემთ, დი­ლით საჭ­მელს რომ შე­მო­ი­ტა­ნენ, მა­შინ ჩა­უყ­რი თა­მა­ზაშ­ვილს, 3 თვე­ში ღვიძ­ლი და­ეშ­ლე­ბა... შენ უნდა და­ა­დას­ტუ­რო, რომ ღვიძ­ლი სტკი­ო­და და წამ­ლებს იღებ­და, შენი პი­რა­დი საქ­მე პრე­ზი­დენ­ტთან დევს და ის შე­გი­წყა­ლებ­სო".

თა­მაზ თა­მა­ზაშ­ვი­ლი ამ­ბობს, რომ მის­თვის ალი­ე­ვის ჩვე­ნე­ბა უცხო არ არის. ამის შე­სა­ხებ ყვე­ლა­ფე­რი ცი­ხე­ში­ვე იცო­და. თა­ვის გა­დარ­ჩე­ნა სწო­რედ მა­შინ­დე­ლი ხე­ლი­სუფ­ლე­ბის მა­ღალ­ჩი­ნოს­ნე­ბის მო­ტყუ­ე­ბით მო­ა­ხერ­ხა. ამა­ში მას პა­ტი­მა­რი ალი­ე­ვი ეხ­მა­რე­ბო­და და მის და­გე­ბულ პრო­ვო­კა­ცი­ებს პრე­ზი­დენ­ტი სა­ა­კაშ­ვი­ლიც ბევ­რჯერ წა­მო­ე­გო.

- ბა­ტო­ნო თა­მაზ, თქვე­ნი თა­ნა­საკ­ნე­ლი ამ­ბობს, რომ თქვე­ნი მო­წამ­ვლა და­ა­ვა­ლეს. რა რე­აქ­ცია გქონ­დათ, როცა ეს გა­ი­გეთ?

- ვუ­გარ ალი­ე­ვის ჩვე­ნე­ბა­ში ჩემ­თვის გა­საკ­ვი­რი და ახა­ლი არა­ფე­რი ყო­ფი­ლა. ყვე­ლა­ფე­რი ვი­ცო­დი, მაგ­რამ მა­შინ ამის გახ­მა­უ­რე­ბა სა­ში­ში იყო. ამის მი­უ­ხე­და­ვად, ჩემი ად­ვო­კა­ტე­ბის­თვის არ და­მი­მა­ლავს, ჩემი ლიკ­ვი­და­ცია რომ იგეგ­მე­ბო­და. ეს დაკ­ვე­თა ხა­თუ­ნა კალ­მა­ხე­ლი­ძის­გან მო­დი­ო­და, თუმ­ცა ამ ამ­ბავს წინ ბევ­რი სხვა დე­ტა­ლი უს­წრებ­და.

- ად­ვი­ლად გა­შიფ­რეთ აგენ­ტი ალი­ე­ვი?

- 28 წელი პო­ლი­ცი­ა­ში, ოპე­რა­ტი­ულ სამ­სა­ხურ­ში ვი­მუ­შა­ვე და მისი გა­შიფვ­რა არ გამ­ჭირ­ვე­ბია. თუმ­ცა, სპე­ცი­ა­ლუ­რად ჩა­მის­ვეს ისე­თი აგენ­ტი, რომ იოლი გა­სა­შიფ­რი არ ყო­ფი­ლი­ყო. ის თა­მა­შობ­და, შეძ­ლო ტყუ­ი­ლე­ბი ეთ­ქვა, მაგ­რამ მა­ინც გავ­შიფ­რე. მას ცი­ხი­დან გაშ­ვე­ბას ჰპირ­დე­ბოდ­ნენ. რო­გორც კი ად­ვო­კატ­თან ან მო­ძღვარ­თან შეხ­ვედ­რა­ზე გა­ვი­დო­დი, მა­შინ­ვე იწყე­ბო­და ჩვენს სა­კან­ში წრი­ა­ლი და ალი­ე­ვის და­მუ­შა­ვე­ბა. მათ არ იცოდ­ნენ, რომ ეს აგენ­ტი უკვე გად­მო­ბი­რე­ბუ­ლი მყავ­და და ყვე­ლა დე­ტალს მიყ­ვე­ბო­და. იმ დო­ნე­ზე გავ­შიფ­რე, უკვე მის აზ­რებ­საც კი ვკი­თხუ­ლობ­დი. ერთ დღეს ვუ­თხა­რი, - ვუ­გარ, ხომ იცი, შენ აქე­დან ცო­ცხა­ლი ვერ გახ­ვალ, გა­გა­კე­თე­ბი­ნე­ბენ საქ­მეს და მერე მოწ­მე არ დას­ჭირ­დე­ბათ, შენც მო­გი­შო­რე­ბენ და მეც, ამი­ტომ ჯო­ბია, ერ­თად ვი­მოქ­მე­დოთ-მეთ­ქი. გო­ნი­ე­რი ბი­ჭია, მიხ­ვდა, ასე ჯობ­და და და­ი­ჭი­რა ჩემი მხა­რე. ამის შემ­დეგ, ის ყვე­ლა წვრილ­მანს მიყ­ვე­ბო­და კალ­მა­ხე­ლი­ძე­სა და სხვებ­თან შეხ­ვედ­რე­ბი­დან დაბ­რუ­ნე­ბუ­ლი. მის ნათ­ქვამ­ში ეჭვი არ შე­მი­ტა­ნია, იმ­დე­ნად დე­ტა­ლუ­რად ჰყვე­ბო­და, რა ეცვა ხა­თუ­ნა კალ­მა­ხე­ლი­ძეს, რო­გორ გა­მო­ი­ყუ­რე­ბო­და... მერე, როცა კალ­მა­ხე­ლი­ძე შე­ნო­ბი­დან გა­დი­ო­და, ვაკ­ვირ­დე­ბო­დი საკ­ნის ფან­ჯრი­დან და ვრწმუნ­დე­ბო­დი ალი­ე­ვის ნათ­ქვა­მის სის­წო­რე­ში. ზუს­ტად ისე ეცვა ხოლ­მე კალ­მა­ხე­ლი­ძეს, რო­გორც ის აღ­წერ­და. ისი­ნი ერ­თმა­ნეთს ხში­რად ხვდე­ბოდ­ნენ. პი­რა­დად ჩემ­ზე მუ­შა­ობ­დნენ. იმა­საც მიყ­ვე­ბო­და, ვინ ახ­ლდა კალ­მა­ხე­ლი­ძეს. მახ­სოვს, ერთხელ მი­თხრა, - "ელას­ტი­კე­ბი­ა­ნი" გოგო ახ­ლდაო. ცოტა ხან­ში მარ­თლაც გა­მო­ვი­და მი­ნის­ტრთან ერ­თად ეზო­ში ასე­თი გოგო. მერე ერ­თად ვა­ტყუ­ებ­დით მე და ვუ­გა­რი კალ­მა­ხე­ლი­ძეს. მას ეს ინ­ფორ­მა­ცი­ე­ბი პირ­და­პირ სა­ა­კაშ­ვილ­თან მიჰ­ქონ­და.

- მის მო­ტყუ­ე­ბას უპ­რობ­ლე­მოდ ახერ­ხებ­და?

- მას თა­მა­ში თა­ვი­სუფ­ლად შე­უძ­ლია. თაღ­ლი­თია, თაღ­ლი­თო­ბა­ზე იხ­დის სას­ჯელს და ნარ­კო­ტი­კიც და­უ­მა­ტეს, 27 წელი მი­უ­სა­ჯეს. ვუ­თხა­რი, - თავი ისე მო­აჩ­ვე­ნე, რომ ვე­რა­ფერს მიხ­ვდნენ-მეთ­ქი. - ეს პრობ­ლე­მა არ არი­სო და მარ­თლაც კარ­გად გა­მოს­დი­ო­და. აინ­ტე­რე­სებ­დათ, ვანო მე­რა­ბიშ­ვი­ლი იყო თუ არა "ქარ­თულ ოც­ნე­ბას­თან" კავ­შირ­ში. ეს ეჭ­ვე­ბი ბი­ძი­ნა ივა­ნიშ­ვი­ლის გან­ცხა­დე­ბას მოჰ­ყვა. მეც ეს ინ­ფორ­მა­ცია მოს­მე­ნი­ლი მქონ­და და ვუ­თხა­რი - ასე გა­და­ე­ცი, თა­მა­ზი ამ­ბობს, ვანო კარ­გი კა­ცია; თუ გა­ა­ყალ­ბე­ბენ არ­ჩევ­ნებს და ხალ­ხი ქუ­ჩა­ში გა­მო­ვა, მე­რა­ბიშ­ვი­ლი ხალ­ხს არ და­ხო­ცავს და ხალ­ხის მხა­რეს გად­მო­ვა პო­ლი­ცი­ას­თან ერ­თად-მეთ­ქი. ეს რომ გა­ი­გო კალ­მა­ხე­ლი­ძემ, თურ­მე წა­მოხ­ტა და თქვა - მეც ამას არ ვამ­ბობ­დიო?! მა­შინ­ვე ტე­ლე­ფო­ნით სა­ა­კაშ­ვილს და­უ­რე­კა და ეს ამ­ბა­ვი მო­ახ­სე­ნა. ამის შემ­დეგ დიქ­ტო­ფო­ნი მო­ი­ტა­ნეს და თვი­თონ კალ­მა­ხე­ლი­ძემ ჩა­წე­რა ვუ­გა­რის სა­უ­ბა­რი. - კი­დევ ერთხელ კარ­გად გა­ი­მე­ო­რე, რაც ვა­ნო­ზე თა­მა­ზაშ­ვილ­მა გი­თხრაო. ამ ამ­ბი­დან სამ დღე­ში რა­დი­ო­თი გა­ვი­გეთ, რომ ვანო მე­რა­ბიშ­ვი­ლი პრე­მი­ერ-მი­ნის­ტრად გა­და­იყ­ვა­ნეს. იმ დღეს­ვე ისევ გა­იყ­ვა­ნეს ვუ­გა­რი საკ­ნი­დან. ცი­ხის უფ­როს­თან, და­ვით ხუ­ჭუ­ას­თან ვი­ყა­ვიო. ახლა უკვე აინ­ტე­რე­სებ­დათ, რა რე­აქ­ცია მქონ­და მე­რა­ბიშ­ვი­ლის გა­დაყ­ვა­ნას­თან და­კავ­ში­რე­ბით.

- და რა უთხა­რით?

- ტყუ­ი­ლი და­მა­ჯე­რე­ბე­ლი რომ ყო­ფი­ლი­ყო, ვუ­თხა­რი, - ასე გა­და­ე­ცი, ეს რომ თა­მაზ­მა გა­ი­გო, სა­კან­ში მთე­ლი დღე ღი­ღი­ნებ­და, გა­ხა­რე­ბუ­ლი იყოო. უფრო ბუ­ნებ­რი­ვად ჟღერ­და ღი­ღი­ნი. მერე იყო სა­უ­ბა­რი იმა­ზე, რომ გი­ორ­გი ღვი­ნი­აშ­ვი­ლის გად­მოყ­ვა­ნას აპი­რებ­დნენ ხა­თუ­ნა კალ­მა­ხე­ლი­ძის ად­გილ­ზე. ეს ინ­ფორ­მა­ცი­აც რა­დი­ო­თი მო­ვის­მი­ნე. აშ­კა­რად არ გვა­წყობ­და მისი და­ნიშ­ვნა, მას გა­მოც­დი­ლე­ბა აქვს და კალ­მა­ხე­ლი­ძე­ზე ჭკვი­ა­ნია, ამი­ტომ გა­ვაძ­ლი­ე­რეთ ინ­ფორ­მა­ცი­ე­ბის მი­წო­დე­ბა. გა­ვავ­რცე­ლეთ, - გი­ორ­გი ღვი­ნი­აშ­ვი­ლი თა­ვი­სი მე­გობ­რე­ბი­ა­ნად "ოც­ნე­ბა­ში" გა­და­დის, მაგ­რამ ვერ შე­ა­ტყობთ, ისი­ნი კარ­გად თა­მა­შო­ბენ და ცდი­ლო­ბენ, ამ სა­კი­თხებ­ზე ტე­ლე­ფო­ნე­ბით არ ისა­უბ­რონ, ამი­ტომ ნაც­ნო­ბებს გზავ­ნი­ან "ოც­ნე­ბა­ში" და ისე აქვთ კავ­ში­რე­ბი-მეთ­ქი. ვი­ცო­დი, კა­ხეთ­ში მისი ნაც­ნო­ბე­ბი­დან "ოც­ნე­ბის" წევ­რე­ბი იქ­ნე­ბოდ­ნენ და ეს ტყუ­ი­ლი გა­ა­მარ­თლებ­და. ამა­საც წა­მო­ეგ­ნენ. ღვი­ნი­აშ­ვი­ლის გა­დაყ­ვა­ნის სა­კი­თხი შე­ჩერ­და და კალ­მა­ხე­ლი­ძე და­ტო­ვეს. ასე­თი კარ­გი ინ­ფორ­მა­ცი­ე­ბის­თვის და­ა­სა­ჩუქ­რეს კალ­მა­ხე­ლი­ძე და ცი­ხის უფ­რო­სი - მათ პრე­მი­ე­ბი გა­მო­უ­წე­რეს. დარ­წმუ­ნე­ბუ­ლი ვარ, პირ­და­პირ სა­ა­კაშ­ვილ­თან მიჰ­ქონ­და ინ­ფორ­მა­ცია. ხა­თუ­ნამ უფრო აქ­ტი­უ­რად და­ი­წყო ალი­ევ­თან შეხ­ვედ­რე­ბი და ჩვენ და­ვი­წყეთ ამ­ბე­ბის შე­თხზვა. ვუ­გარს არ­ტის­ტუ­ლი მო­ნა­ცე­მე­ბი აქვს. შე­ეძ­ლო, უცებ აკან­კა­ლე­ბუ­ლი­ყო და თავი მო­ეჩ­ვე­ნე­ბი­ნა, რო­გორც სა­ცო­დავ ადა­მი­ანს ან შე­ში­ნე­ბუ­ლი სახე მი­ე­ღო და ეთ­ქვა, - ეს ამ­ბა­ვი მი­თხრა თა­მა­ზაშ­ვილ­მაო. მე­რა­ბიშ­ვილ­თან და­კავ­ში­რე­ბით გა­კე­თე­ბუ­ლი ივა­ნიშ­ვი­ლის გან­ცხა­დე­ბა მათ­თვის იმ­დე­ნად დიდი შოკი იყო, რომ უკვე ყვე­ლა­ნა­ირ პრო­ვო­კა­ცი­ას ეგე­ბოდ­ნენ. მარ­თლა არ გაგ­ვჭირ­ვე­ბია შე­თხზულ ვერ­სი­ებ­ში მათი დარ­წმუ­ნე­ბა. მი­ნის­ტრად ახა­ლა­ი­ას მოს­ვლა ხელს გვაძ­ლევ­და, რად­გან მე­რა­ბიშ­ვი­ლი უფრო ეშ­მა­კობ­და და მისი მო­ტყუ­ე­ბა უფრო ჭირ­და. ჩა­მო­წე­რი­ლი ჰქონ­და თა­ნამ­შრომ­ლე­ბის და­ბა­დე­ბის დღე­ე­ბი და ულო­ცავ­და, ასე­თი ყუ­რა­დღე­ბით მათი ნდო­ბა და სიყ­ვა­რუ­ლი მო­ი­პო­ვა, პო­ლი­ცი­ის პო­ლი­ტი­ზე­ბა მო­ახ­დი­ნა და ისი­ნი ვა­ნოს ყვე­ლა და­ვა­ლე­ბას შე­ას­რუ­ლებ­დნენ. ვა­ნოს მო­ცი­ლე­ბა გვა­წყობ­და. "ოც­ნე­ბის­თვის" ახა­ლა­ია ჯობ­და, სი­ტუ­ა­ცი­ის კონ­ტრო­ლის კუ­თხით. ვა­ნოს მეტი სი­ბინ­ძუ­რის ჩა­დე­ნა შე­ეძ­ლო. თან, ახა­ლა­ი­ე­ბი და მე­რა­ბიშ­ვი­ლი ერ­თმა­ნეთ­ზე გა­და­კი­დე­ბუ­ლი იყ­ვნენ. სა­ა­კაშ­ვილ­მა სა­ბო­ლო­ოდ ვანო გა­და­ა­ჩო­ჩა და მი­ნის­ტრად დას­ვა ვა­ნოს მტე­რი - ბაჩო ახა­ლა­ია. ეს მთე­ლი ბრძო­ლა იყო, ვფლობ­დი ინ­ფორ­მა­ცი­ებს და უფრო მი­ად­ვილ­დე­ბო­და ამ­ბე­ბის მო­ფიქ­რე­ბა.

- თქვენს სა­კან­ში ფა­რუ­ლი კა­მე­რა იყო და­მონ­ტა­ჟე­ბუ­ლი. ასეთ ვი­თა­რე­ბა­ში ამ ყვე­ლაფ­რის და­გეგ­მვას რო­გორ ახერ­ხებ­დით?

- სხვა­დას­ხვა სა­ხე­ლი და­ვარ­ქვით ჩი­ნოს­ნებს. მა­გა­ლი­თად, ვანო მე­რა­ბიშ­ვილს ვე­ძახ­დით პა­ტა­რა შავ ჩო­კი­ნას, ზუ­რაბ ადე­იშ­ვილს - მო­სუ­ქე­ბულ ვირ­თხას, სა­ა­კაშ­ვილს როცა ვახ­სე­ნებ­დით, მი­მი­კით ვა­ნიშ­ნე­ბით ერ­თმა­ნეთს და ხელს ცხვირ­ზე მო­ვის­ვამ­დით. ხა­თუ­ნა კალ­მა­ხე­ლი­ძეს ხან კნე­ი­ნას, ხან ხა­ნუ­მას ვე­ძახ­დით, ოლეგ ფა­ცა­ცი­ას - თეთრ ვირს, ცი­ხის უფ­როს და­ვით ხუ­ჭუ­ას უბ­რა­ლოდ მო­გო­ნი­ლი სა­ხე­ლი - შალ­ვა და­ვარ­ქვით. ეს კი­თხვაც და­უს­ვეს ალი­ევს, - რა უცხო სა­ხე­ლებს ახ­სე­ნებ­თო? ამა­ზეც პა­სუ­ხი მომ­ზა­დე­ბუ­ლი გვქონ­და. ალი­ევ­მა უპა­სუ­ხა, - თა­მა­ზაშ­ვი­ლი კა­ხეთ­ში სამ­ხა­რე­ოს უფ­რო­სი რომ იყო, ეს მისი თა­ნამ­შრომ­ლე­ბის სა­ხე­ლე­ბია და მათ ამ­ბებს მიყ­ვე­ბაო. ესეც და­ი­ჯე­რეს. ხში­რად ჩემი გეგ­მის შე­სა­ხებ მას ყურ­ში ვუ­ჩურ­ჩუ­ლებ­დი. ესეც ჰკი­თხეს, - ყურ­ში რას გე­უბ­ნე­ბაო? ყურ­ში მე­უბ­ნე­ბა იმ სა­ი­დუმ­ლო ამ­ბებს, რაც თქვენ­თან მო­მაქვს და ამას ასე იმი­ტომ მე­ლა­პა­რა­კე­ბა, იცის, რომ გვის­მენთ, იმას კაცი რას გა­მო­ა­პა­რებ­სო? ამა­ნაც გა­ა­მარ­თლა.

- როცა მან თქვე­ნი მო­წამ­ვლის და­ვა­ლე­ბა მი­ი­ღო, ეს ამ­ბა­ვიც ად­ვი­ლად გი­თხრათ?

- იმ დღეს სა­შინ­ლად შე­ში­ნე­ბუ­ლი დაბ­რუნ­და სა­კან­ში. მი­თხრა, - შენი მო­წამ­ვლა და­მა­ვა­ლე­სო, ყვე­ლა დე­ტალს მო­მიყ­ვა. ცი­ხის უფ­როსს მის­ცა ეს და­ვა­ლე­ბა კალ­მა­ხე­ლი­ძემ და იმან ვუ­გარს და­ა­ვა­ლა. როცა კონ­კრე­ტუ­ლად ეუბ­ნე­ბო­და, რა უნდა გა­ე­კე­თე­ბი­ნა, თურ­მე კალ­მა­ხე­ლი­ძემ შე­ა­ჩე­რა, - ეტყო­ბა იფიქ­რა, რომ ვუ­გა­რი ვერ მიხ­ვდე­ბო­და, რა აბზე ელა­პა­რა­კე­ბო­და, რად­გან აზერ­ბა­ი­ჯა­ნე­ლია და უთხრა: - მიხ­ვდი, რას გე­უბ­ნე­ბა? "ტაბ­ლეტ­კა", "ტაბ­ლეტ­კა­ზე" გე­ლა­პა­რა­კე­ბაო. ეს რომ მი­თხრა, და­ვამ­შვი­დე, - ნუ გე­ში­ნია, ის აბი გა­მო­არ­თვი და მო­მე­ცი, მე ვეც­დე­ბი, ის წა­მა­ლი ად­ვო­კა­ტებ­თან ავი­ტა­ნო და მტკი­ცე­ბუ­ლე­ბად გა­დავ­ცე-მეთ­ქი, მაგ­რამ მივ­ხვდი, ამას ვერ შევ­ძლებ­დი, რად­გან სა­ში­ნე­ლი კონ­ტრო­ლი იყო, გა­ვი­შიფ­რე­ბო­დით. რომ გა­ე­გოთ, გად­მო­ბი­რე­ბუ­ლი მყავ­და და ამ­დე­ნი ინ­ფორ­მა­ცია მქონ­და, ნამ­დვი­ლად ორი­ვეს მოგ­ვკლავ­დნენ. ამ შე­თა­ვა­ზე­ბისsalesland.ge - ფას­დაკ­ლე­ბე­ბის სამ­ყა­რო! შემ­დეგ, ის სამი დღით საკ­ნი­დან გაყ­ვა­ნი­ლი ჰყავ­დათ. იქი­დან დაბ­რუ­ნე­ბულ კაცს რომ შევ­ხე­დე, ძა­ლი­ან ცუ­დად იყო, მო­უ­ლოდ­ნე­ლად თმა გას­ჭა­ღა­რა­ვე­ბო­და და ხმას ვერ იღებ­და. მერე გა­ვი­გე, რომ თურ­მე ის სამი დღე მორ­გში ჰყო­ლი­ათ. ძა­ლი­ან დათ­რგუნ­ვი­ლი და შო­კი­რე­ბუ­ლი იყო. კარ­გა ხანს ხმას ვერ იღებ­და. ასე­ვე მის­გან გა­ვი­გე, რომ აპი­რებ­დნენ ჩემი შვი­ლის­თვის - ალექ­სან­დრეს­თვის პრო­ვო­კა­ცი­ის მო­წყო­ბას.

- რა გზით?

- ალი­ევს უთხრეს, - აბა­ნო­ში რომ გა­გიყ­ვანთ, კა­მე­რა­ში დავ­დებთ მო­ბი­ლურ ტე­ლე­ფონს, მერე ჩა­ტარ­დე­ბა "შმო­ნი", ტე­ლე­ფონს აღ­მო­ა­ჩე­ნენ და შენ უნდა თქვა, რომ ლექ­სო თა­მა­ზაშ­ვილ­მა ამა­ში 400 ლარი ცი­ხის თა­ნამ­შრო­მელს გა­და­უ­ხა­და და ისე შე­მო­ა­ტა­ნი­ნა, რომ მა­მა­მის­მა ღა­მით ირაკ­ლი ღა­რი­ბაშ­ვილ­თან მე­სი­ჯე­ბი გაგ­ზავ­ნო­სო. ჩემი შვი­ლის და­ჭე­რა და ოჯა­ხის გა­ნად­გუ­რე­ბა უნ­დო­დათ. ამის მე­ში­ნო­და. დრო არ­ჩევ­ნე­ბამ­დე რომ გა­მე­წე­ლა, გა­ვაძ­ლი­ე­რე ინ­ფორ­მა­ცი­ე­ბის გავ­რცე­ლე­ბა. შიგ­ნით, ცი­ხე­შიც ავ­რიე სი­ტუ­ა­ცია. ალი­ევს ცი­ხის უფ­რო­სის­თვის ახა­ლი ტყუ­ი­ლი ვათ­ქმე­ვი­ნე, - შენს ად­გილ­ზე ორ კვი­რა­ში შენ­სა­ვე მო­ად­გი­ლეს, ვიქ­ტორ ყა­ჭე­იშ­ვილს ნიშ­ნა­ვენ, მე კი თქვენ­თან მინ­და თა­ნამ­შრომ­ლო­ბა და არა - მას­თა­ნო, და უტი­რია კი­დეც. ხუ­ჭუ­აც თურ­მე წა­მო­ე­გო ამ ან­კესს, სკა­მი­დან წა­მოხ­ტა და იყ­ვი­რა, - ვი­ცო­დი, რა­ღა­ცას მი­წყობ­დნე­ნო!

- იქა­ურ საჭ­მელს ჭამ­დით? მო­წამ­ვლის არ გე­ში­ნო­დათ?

- საჭ­მელს კარ­გად ვრე­ცხავ­დი და ისე ვჭამ­დი. მოჰ­ქონ­დათ წამ­ლე­ბი, მაგ­რამ არ ვსვამ­დი, რად­გან არ იყო გა­მო­რი­ცხუ­ლი, რომ სა­წამ­ლა­ვი შე­მო­ე­პა­რე­ბი­ნათ. ერთხელ, ჭა­მის შემ­დეგ მუ­ცე­ლი ამ­ტკივ­და. ვი­ფიქ­რე, მომ­წამ­ლეს-მეთ­ქი და თით­ქმის ერთი ვედ­რო წყა­ლი დავ­ლიე - კუჭი ამო­ვი­რე­ცხე. ყო­ველ წუთს ში­შის ქვეშ ვი­ყა­ვი... აზიდ­ვებს ვა­კე­თებ­დი, დიდ­ხანს ვი­ვარ­ჯი­შე და ერთხელ ისე ცუ­დად გავ­ხდი, ცი­ხის სა­ა­ვად­მყო­ფო­ში გა­და­მიყ­ვა­ნეს და სამ­ჯერ ელექტრო­შო­კიც დამ­ჭირ­და. იქაც მო­წო­დე­ბულ წამ­ლებს არ ვსვამ­დი და ვმა­ლავ­დი. ხუ­ჭუ­ამ ალი­ევს ისიც უთხრა, - ნუ გე­ში­ნია, შენ ვე­რა­ფერს და­გი­შა­ვებს თა­მა­ზაშ­ვი­ლი, სა­კან­ში სპეც­რაზ­მი შევა და მას გა­ვა­სუ­ხა­რებ­თო. ერთხელ სა­კან­ში ფსი­ქი­კუ­რად შეშ­ლი­ლიც შე­მო­მიყ­ვა­ნეს. ლაშა შურ­ღა­ია ცო­ლის მკვლე­ლო­ბის­თვის იხ­დი­და სას­ჯელს. თით­ქმის სამი თვე ამ­ყო­ფეს ჩემ­თან და ცდი­ლობ­დნენ, გა­მო­ვეყ­ვა­ნე წყო­ბი­დან, მაგ­რამ ფსი­ქო­ლო­გი­უ­რად ისე ვი­ყა­ვი მომ­ზა­დე­ბუ­ლი, ვერ გამ­ტე­ხეს. ხში­რად ურევ­და შურ­ღა­ია, ვი­თომ ხელ­ში ტე­ლე­ფო­ნი ეჭი­რა და ხან ობა­მას ელა­პა­რა­კე­ბო­და, ხან - სა­ა­კაშ­ვილს. ძნე­ლი იყო ასე­თი ადა­მი­ა­ნის გვერ­დით ყოფ­ნა. აქაც ეშ­მა­კო­ბა ვიხ­მა­რე, ალი­ევს ვათ­ქმე­ვი­ნე, - რაც ეს გიჟი შე­მო­იყ­ვა­ნეს, თა­მა­ზაშ­ვი­ლი დუმს, ინ­ფორ­მა­ცი­ას არ მაწ­ვდი­სო და შურ­ღა­ია გა­იყ­ვა­ნეს.

- სა­ჩი­ვარს შე­ი­ტანთ პრე­ზი­დენ­ტის წი­ნა­აღ­მდეგ?

- სა­ა­კაშ­ვილ­მა პა­სუ­ხი უნდა აგოს იმ ბრალ­დე­ბე­ბის გამო, რა­საც ის მე მი­ყე­ნებ­და. აუ­ცი­ლებ­ლად მო­ვი­თხოვ მის დას­ჯას. ასე­ვე აუ­ცი­ლებ­ლად ვუ­ჩივ­ლებ პრო­კუ­რა­ტუ­რა­ში გიგა ნა­სა­რი­ძეს. პა­სუ­ხი უნდა აგონ ზუ­რაბ ადე­იშ­ვილ­მა, და­ვით ჭა­კუ­ამ, ცი­ხის უფ­როს­მა - და­ვით ხუ­ჭუ­ამ, მის­მა მო­ად­გი­ლემ, ვიქ­ტორ ყა­ჭე­იშ­ვილ­მა და ხა­თუ­ნა კალ­მა­ხე­ლი­ძემ. სწო­რედ ამ ხალ­ხმა და­გეგ­მა და შემ­დეგ ჩემს სა­ხელს და­უ­კავ­ში­რეს ცი­ხის სკან­და­ლუ­რი კად­რე­ბი. თით­ქოს მე მო­ვის­ყი­დე და მო­ვა­წყვე. არა­და, ამ ბრალ­დე­ბის შემ­დეგ გა­მომ­ძი­ე­ბე­ლი ერთხე­ლაც არ შე­მო­სუ­ლა ჩემ­თან და­სა­კი­თხად.

ხა­თუ­ნა კალ­მა­ხე­ლი­ძე სა­ა­კაშ­ვილ­თან შე­თან­ხმე­ბით გეგ­მავ­და ჩემს მო­წამ­ვლას. ის ვუ­გარ ალი­ევს პა­ტა­რა ჭიას ეძახ­და. ვერ გაგვტე­ხეს. ჩემი სიძე ძა­ლი­ან ერ­თგუ­ლი კა­ცია და არ უნ­დო­დათ, ბი­ძი­ნა ივა­ნიშ­ვი­ლის გვერ­დით ყო­ფი­ლი­ყო. ცი­ხე­ში ყოფ­ნის დროს მივ­ხვდი ერ­თგუ­ლე­ბის ფას­საც. ბევ­რმა ბავ­შვო­ბის მე­გო­ბარ­მა და ნა­თე­სავ­მა მი­ღა­ლა­ტა და გა­და­ვი­და "ნაც­მოძ­რა­ო­ბის" მხა­რეს. მათ­თან რა­ი­მეს გარ­კვე­ვა არ მიც­დია. უკვე ვა­პა­ტიე, ცუდს არ ვუ­კე­თებ, მაგ­რამ მათ­თან ურ­თი­ერ­თო­ბა არ მაქვს.

- ბევ­რს სა­უბ­რო­ბენ, რომ სა­მი­ნის­ტრო­ში კად­რე­ბის და­ნიშ­ვნა­ში თქვენს სი­ძეს ეხ­მა­რე­ბით...

- ტყუ­ი­ლია. ირაკ­ლი ძა­ლი­ან გო­ნი­ე­რი და კარ­გი მე­ნე­ჯე­რია. აქვს ოპე­რა­ტი­უ­ლი ტვი­ნი და მი­უ­ხე­და­ვად იმი­სა, რომ სტრუქ­ტუ­რა­ში ნა­მუ­შე­ვა­რი არ იყო, კარ­გად გა­არ­თვა თავი. ბევ­რი მო­დის ჩემ­თან სამ­სა­ხუ­რის თხოვ­ნით, მაგ­რამ უა­რით ვის­ტუმ­რებ და ვურ­ჩევ, კონ­კურ­სში მი­ი­ღოს მო­ნა­წი­ლე­ო­ბა.

- ირმა ნა­დი­რაშ­ვილ­მა ჩა­მოთ­ვა­ლა იმ თქვე­ნი ნა­თე­სა­ვე­ბის გვა­რე­ბი, რომ­ლე­ბიც თა­ნამ­დე­ბო­ბებ­ზე და­ნიშ­ნეს. ამის გამო თქვენს სი­ძეს თა­ვის მარ­თლე­ბა დას­ჭირ­და და ისიც თქვა, რომ ცო­ლის ნა­თე­სა­ვე­ბი მისი ნა­თე­სა­ვე­ბი არ არი­ან. მის ამ ნათ­ქვამ­ზე რა რე­აქ­ცია გქონ­დათ?

- მარ­თლაც ჩემი დის­შვი­ლია გე­ნინ­სპექ­ცი­ის უფ­რო­სი, ზვი­ად ჯან­ყა­რაშ­ვი­ლი, მისი მამა პოლ­კოვ­ნი­კია და ეს ბიჭი ჩემს ხელ­ში გა­ი­ზარ­და. კარ­გი, ჭკვი­ა­ნი და ერ­თგუ­ლი ადა­მი­ა­ნია და ამი­ტომ გა­და­წყვი­ტეს, და­ე­ნიშ­ნათ. რო­გო­რი ნა­თე­სა­ვიც უნდა იყოს, თუ მას მო­ნა­ცე­მე­ბი არ აქვს და პრო­ფე­სი­ო­ნა­ლი არ არის, ვერ და­ნიშ­ნავ. ირაკ­ლი სა­ხელ­მწი­ფო­ებ­რი­ვად მო­აზ­როვ­ნე ადა­მი­ა­ნია. რაც შე­ე­ხე­ბა კა­ხეთ­ში ჩემი დის და­ნიშ­ვნას, ის უბ­რა­ლოდ მოხ­სნეს იმის გამო, რომ "ქარ­თულ ოც­ნე­ბას" უჭერ­და მხარს და ახლა აღად­გი­ნეს. ირმა ნა­დი­რაშ­ვილს სათ­ქმე­ლი არა­ფე­რი აქვს, ის კა­ხე­ლია და კარ­გად ვი­ცით მისი წი­ნაპ­რე­ბიც. ამი­ტომ ვურ­ჩევ, ცოტა გონს მო­ე­გოს. რაც შე­ე­ხე­ბა ირაკ­ლის გან­ცხა­დე­ბას, უბ­რა­ლოდ, მან კა­ხუ­რი იუ­მო­რით იხუმ­რა.

თეა ხურ­ცი­ლა­ვა

ჟურ­ნა­ლი "გზა"

(გა­მო­დის ხუთ­შა­ბა­თო­ბით)