ჟურ­ნა­ლის­ტი ვახო სა­ნა­ია ტე­ლე­კომ­პა­ნია "იმედს" უბ­რუნ­დე­ბა. თე­ბერ­ვლის შუა რი­ცხვე­ბი­დან არ­ხის ეთერ­ში გავა ახა­ლი სა­ზო­გა­დო­ებ­რივ-პო­ლი­ტი­კუ­რი ტოქ­შოუ "ღია ეთე­რი", რომ­ლის ავ­ტო­რიც და წამ­ყვა­ნიც ვახო სა­ნა­ია იქ­ნე­ბა. ტე­ლეჟურ­ნა­ლისტს მი­აჩ­ნია, რომ მის კა­რი­ე­რა­ში სა­ინ­ტე­რე­სო და მნიშ­ვნე­ლო­ვა­ნი ეტა­პი და­ი­წყო.

- ჩემი აზ­რით, სა­ზო­გა­დო­ებ­რი­ვი მა­უ­წყებ­ლის ხელ­მძღვა­ნე­ლო­ბამ ძალ­ზე ცუდი გა­და­წყვე­ტი­ლე­ბა მი­ი­ღო და უხე­ში ჩა­რე­ვით გა­ა­ჩე­რა ყვე­ლა გა­და­ცე­მა. მი­ზა­ნი იყო, რომ კონ­კრე­ტუ­ლად ჩემი გა­და­ცე­მე­ბი არ გა­სუ­ლი­ყო ეთერ­ში. სა­ზო­გა­დო­ებ­რი­ვი მა­უ­წყებ­ლის აწ უკვე ყო­ფი­ლი ხელ­მძღვა­ნე­ლის, გი­ორ­გი ჭან­ტუ­რი­ას­თვის პრობ­ლე­მა აღ­მოვ­ჩნდი, მი­იჩ­ნევ­და, რომ მე არ უნდა ვყო­ფი­ლი­ყა­ვი ამ არხზე, რად­გა­ნაც ვერ მო­ა­ხერ­ხებ­და გა­და­ცე­მა "რე­პორ­ტაჟ­ში" ჩა­რე­ვას. რაც შე­ე­ხე­ბა გა­და­ცე­მა "ევ­რო­პულ არ­ჩე­ვანს", ის სა­ერ­თა­შო­რი­სო ორ­გა­ნი­ზა­ცი­ის მიერ ფი­ნანსდე­ბო­და, ამი­ტომ ძა­ლი­ა­ნაც რომ მო­ენ­დო­მე­ბი­ნა, ვერ ჩა­ე­რე­ო­და. "ევ­რო­პულ არ­ჩე­ვან­ში" მომ­დევ­ნო თემა ეხე­ბო­და ქარ­თულ მე­დი­ას, მათ შო­რის, სა­ზო­გა­დო­ებ­რივ მა­უ­წყე­ბელს, ამი­ტომ სას­წრა­ფოდ და­ხუ­რეს, ეს გა­და­ცე­მა ეთერ­ში რომ არ გა­სუ­ლი­ყო.

- მა­ნამ­დეც ერე­ო­და გია ჭან­ტუ­რია სა­რე­დაქ­ციო პო­ლი­ტი­კა­ში?

- ჭან­ტუ­რია ყო­ველ­თვის გაუ­რბო­და ჩვენ­გან ახა­ლი იდე­ე­ბის წა­მო­წე­ვას, ამი­სათ­ვის არას­დროს იყო მზად. გია ჭან­ტუ­რია არ არის უნი­ჭო ადა­მი­ა­ნი, მაგ­რამ ტე­ლე­ვი­ზი­ის მარ­თვის­გან ძა­ლი­ან შორ­საა, ეს არ არის მისი საქ­მე, ჭან­ტუ­რია არ იყო კარ­გი მმარ­თვე­ლი, მე­ნე­ჯე­რი, ამი­ტო­მაც გა­ურ­ბო­და ჩვენ­თან შეხ­ვედ­რებს. რაც შე­ე­ხე­ბა სა­რე­დაქ­ციო პო­ლი­ტი­კა­ში ჩა­რე­ვას, ტყუ­ილს ვერ ვი­ტყვი, არას­დროს ჩა­რე­უ­ლა.

- თუმ­ცა ით­ქვა, რომ თქვე­ნი გა­და­ცე­მის და­ხურ­ვა გან­პი­რო­ბე­ბუ­ლი იყო კონ­ტრაქ­ტის პი­რო­ბე­ბის დარ­ღვე­ვით და გენ­დი­რექ­ტორ­თან უთან­ხმო­ე­ბით...

- რო­დე­საც იუ­რის­ტე­ბი მო­იყ­ვა­ნეს, მათ ერთი სა­ბა­ბიც კი ვერ იპო­ვეს, რის სა­ფუძ­ველ­ზეც უნდა და­ვე­თხო­ვეთ სა­ზო­გა­დო­ებ­რი­ვი მა­უ­წყებ­ლი­დან. შეხ­ვედ­რა ხელ­მძღვა­ნე­ლო­ბის­თვის არა­სა­სურ­ვე­ლი სცე­ნა­რით წა­რი­მარ­თა და გა­მოჩ­ნდა მათი არა­კომ­პე­ტენ­ტუ­რო­ბა, გან­სა­კუთ­რე­ბით - გე­ნე­რა­ლუ­რი დი­რექ­ტო­რის. ყვე­ლა­ფერს იმას ვუ­კავ­ში­რებ, რომ მე და ჩემი თა­ნამ­შრომ­ლე­ბი ჩა­ვე­დით პირ­ვე­ლი არ­ხის წინ გა­მარ­თულ აქ­ცი­ა­ზე და ჩემი აზრი გა­მოვ­თქვი. ეს იყო სტუ­დენ­ტე­ბის აპო­ლი­ტი­კუ­რი აქ­ცია. ისი­ნი აპ­რო­ტეს­ტებ­დნენ სა­ზო­გა­დო­ებ­რი­ვი მა­უ­წყებ­ლის ცუდ მუ­შა­ო­ბას, რად­გან არ­ხმა პა­ტიმ­რე­ბის წა­მე­ბის ამ­სახ­ვე­ლი ერთი კად­რიც კი არ აჩ­ვე­ნა. ვფიქ­რობ, რომ პირ­ველ არხს უნდა გა­ე­შუ­ქე­ბი­ნა ეს პრო­ცე­სი.

- არ­ხის ხელ­მძღვა­ნე­ლო­ბას­თან თუ გა­მოთ­ქვით უკ­მა­ყო­ფი­ლე­ბა?

- მე ვთხოვ­დი არხს, რომ სას­წრა­ფოდ მოგ­ვე­წყო ტოქ­შო­უ­ე­ბი ამ თე­მა­ზე, მაგ­რამ არ შე­ის­მი­ნეს. ყვე­ლა­ფე­რი იმით დას­რულ­და, რომ არ­ჩევ­ნე­ბის შემ­დეგ გია ჭან­ტუ­რი­ამ ჩვე­ნი გა­თა­ვი­სუფ­ლება გა­და­წყვი­ტა. მა­ნამ­დე კი მთა­ვა­ზობ­და დას­ვე­ნე­ბას. ოღ­ონდ ეთერ­ში არ გავ­სუ­ლი­ყა­ვი და ხელ­ფა­სი­სა და კონ­ტრაქ­ტის შე­ნარ­ჩუ­ნე­ბა­საც დამ­პირ­და. რო­დე­საც უარი ვთქვი, ჩემი გა­და­ცე­მე­ბი გა­ა­ჩე­რა.

- ვახო, თქვენ და ეკა კვე­სი­ტა­ძემ გა­ნა­ცხა­დეთ, რომ თუ არ და­აკ­მა­ყო­ფი­ლებ­დნენ თქვენს მო­თხოვ­ნებს, არხს და­ტო­ვებ­დით. თქვენ და­ტო­ვეთ არხი, ეკა კი დარ­ჩა. რა­ტომ?

- მე და ეკა შე­თან­ხმე­ბუ­ლად არ ვმოქ­მე­დებ­დით. მან და ჭან­ტუ­რი­ამ ილა­პა­რა­კეს, თუმ­ცა არ ვიცი რაზე და არც მა­ინ­ტე­რე­სებს. ფაქ­ტია, ამის შემ­დეგ კვე­სი­ტა­ძე ერთი თვით წა­ვი­და აშშ-ში, იქი­დან ჩა­მოს­ვლის შემ­დეგ კი ეთერ­შია.

- თქვენ კი და­გი­თხო­ვათ, მაგ­რამ, რო­გორც ჩანს, ჭან­ტუ­რია თბი­ლი­სის მე­რის მსგავ­სად ცდი­ლობ­და სხვე­ბის "და­საქ­მე­ბას", როცა მძღო­ლე­ბად გა­ა­ფორ­მა გო­გო­ლა კა­ლან­და­ძე და მალ­ხაზ ქვრი­ვიშ­ვი­ლი...

- ეს ამ­ბა­ვი, თუ არ ვცდე­ბი, სა­ზო­გა­დო­ებ­რივ მა­უ­წყე­ბელ­ში სა­გა­მო­ძი­ე­ბო სამ­სა­ხუ­რის შეს­ვლის შემ­დეგ გახ­და ცნო­ბი­ლი და როცა კო­მი­სია სა­ბო­ლოო დას­კვნას გა­მო­აქ­ვეყ­ნებს, ალ­ბათ, უფრო სა­ინ­ტე­რე­სო ამ­ბებს შე­ვი­ტყობთ. მა­შინ, რო­დე­საც ადა­მი­ა­ნე­ბი არხზე 24 სა­ათს მუ­შა­ო­ბენ, ძალ­ზე და­ბა­ლი ანა­ზღა­უ­რე­ბა აქვთ და შე­ი­ტყო­ბენ, რომ გა­ფორ­მე­ბუ­ლი ხალ­ხი, ე.წ. მკვდა­რი სუ­ლე­ბი, მა­ღალ ხელ­ფა­სებს იღებ­დნენ, ამა­ზე უა­რე­სი რა უნდა მოხ­დეს ტე­ლე­ვი­ზი­ა­ში?

- ამარ­თლებს კი სა­ხელს სა­ზო­გა­დო­ებ­რი­ვი მა­უ­წყე­ბე­ლი და აკ­მა­ყო­ფი­ლებს დამ­კვე­თის - სა­ზო­გა­დო­ე­ბის მო­თხოვ­ნას?

- რა თქმა უნდა, ეს არ იყო ის სა­ზო­გა­დო­ებ­რი­ვი მა­უ­წყე­ბე­ლი, რო­გო­რიც ყვე­ლას გვსურ­და. დღე­საც არ არის უკე­თე­სი. ჩემი აზ­რით, იქ ძი­რე­უ­ლი ცვლი­ლე­ბე­ბი უნდა მოხ­დეს და მოხ­დე­ბა კი­დეც, ამის ნიშ­ნე­ბი არის და ამას მი­ვე­სალ­მე­ბი, რო­გორც ყო­ფი­ლი თა­ნამ­შრო­მე­ლი, მო­ქა­ლა­ქე და ჟურ­ნა­ლის­ტი. რაც უფრო მეტი პრო­ფე­სი­ო­ნა­ლი ჩა­ერ­თვე­ბა ამ პრო­ცეს­ში და გა­მო­ხა­ტავს თვალ­საზ­რისს, პრო­ცე­სი კი გამჭვირ­ვა­ლე იქ­ნე­ბა, წა­ად­გე­ბა არხს. სა­ზო­გა­დო­ებ­რი­ვი მა­უ­წყე­ბე­ლი უნდა გახ­დეს ისე­თი, რო­გო­რიც ჩვენ ყვე­ლას გვინ­და.

- "იმე­დის" ეთერ­ში მე­ო­რედ მო­სინ­ჯავთ ძა­ლებს...

- ტე­ლე­კომ­პა­ნი­ამ სა­ინ­ტე­რე­სო პრო­ექტი შე­მომ­თა­ვა­ზა და დავ­თან­ხმდი. მი­მაჩ­ნია, რომ ჩემს ჟურ­ნა­ლის­ტურ ცხოვ­რე­ბა­ში ეს მნიშ­ვნე­ლო­ვა­ნი ეტა­პია. მე იქ სხვა "იმე­დი", ძა­ლი­ან კარ­გი გუნ­დი და ჯან­სა­ღი ვი­თა­რე­ბა დამ­ხვდა.

თა­ვის დრო­ზე "იმედ­ზე" დავ­ტო­ვე საკ­მა­ოდ რე­ი­ტინ­გუ­ლი გა­და­ცე­მა, რად­გან, რო­გორც გა­ირ­კვა, მე და არ­ხის იმ­ჟა­მინ­დელ ხელ­მძღვა­ნე­ლო­ბას სხვა­დას­ხვაგ­ვა­რად გვეს­მო­და ჟურ­ნა­ლის­ტი­კის პრინ­ცი­პე­ბი. თუმ­ცა ეს უკვე წარ­სუ­ლია, რაც იყო, იყო. ახლა მო­მა­ვალ­ზე ვარ კონ­ცენ­ტრი­რე­ბუ­ლი. სა­ზო­გა­დო­ებ­რივ-პო­ლი­ტი­კუ­რი ტოქ­შოუ "ღია ეთე­რი" თე­ბერ­ვლის შუა რი­ცხვე­ბი­დან გავა და ვიმ­სჯე­ლებთ კვი­რის მთა­ვარ თე­მა­ზე. "ღია ეთე­რი", მო­გეხ­სე­ნე­ბათ, "იმე­დის" ბრენ­დია.

- ტოქ­შო­უ­ში, ალ­ბათ, რე­ზო­ნან­სულ მკვლე­ლო­ბებ­ზეც ისა­უბ­რებთ. მათ შო­რის, თქვე­ნი ძმის, გი­ორ­გი სა­ნა­ი­ას მკვლე­ლო­ბის საქ­მე­ზე, რო­მე­ლიც გახ­სნი­ლად არ ით­ვლე­ბა. თუ შე­ი­ტა­ნა ოჯახ­მა პრო­კუ­რა­ტუ­რა­ში გან­ცხა­დე­ბა საქ­მის ხე­ლა­ხა­ლი გა­მო­ძი­ე­ბის მო­თხოვ­ნით?

- ბა­ტონ­მა არ­ჩილ კბი­ლა­შვილ­მა გა­ნა­ცხა­და, რომ ეს პრო­ცე­სი თე­ბერ­ვლი­დან და­ი­წყე­ბო­და. თე­ბერ­ვა­ლიც დად­გა და ვამ­ზა­დებთ სარ­ჩელს. 11 წე­ლია, ამ თე­მა­ზე ლა­პა­რა­კი­სა და ფიქ­რის მეტს არა­ფერს ვა­კე­თებ. სულ ვამ­ბობ­დი და გა­ვი­მე­ო­რებ, რომ ეს მკვლე­ლო­ბა არ არის გახ­სნი­ლი. უფრო მე­ტიც - და­ნა­შა­უ­ლებ­რი­ვად არის გა­მო­ძი­ე­ბუ­ლი. თვი­თონ გა­მომ­ძი­ებ­ლებ­მა ჩა­ი­დი­ნეს და­ნა­შა­უ­ლი - ფაქ­ტე­ბი და­ა­მა­ხინ­ჯეს და მიჩ­ქმა­ლეს. ამი­ტო­მაც მიმ­ყარ­დე­ბა ეჭვი, რომ ეს იყო პო­ლი­ტი­კუ­რი და შეკ­ვე­თი­ლი მკვლე­ლო­ბა, რო­მელ­საც სჭირ­დე­ბა ხე­ლახ­ლა გა­მო­ძი­ე­ბა. ვინც რა­ი­მე ფორ­მით იყ­ვნენ ამ საქ­მე­ში გა­რე­ულ­ნი და ვინც გა­დაც­დო­მა თუ და­ნა­შა­უ­ლი ჩა­ი­დი­ნა, ყვე­ლამ კა­ნო­ნის წი­ნა­შე უნდა აგოს პა­სუ­ხი. ნუ­რა­ვის ექ­ნე­ბა იმე­დი, რომ წყლი­დან მშრა­ლი ამო­ვა! ჩვენ­თვის მთა­ვა­რია, რომ ეს პო­ლი­ტი­კუ­რი მკვლე­ლო­ბა ერთხელ და სა­მუ­და­მოდ გა­მო­ი­ძი­ონ და სა­თა­ნა­დოდ და­ი­სა­ჯონ რო­გორც დამ­კვე­თე­ბი, ისე - შემ­სრუ­ლებ­ლე­ბი. გა­მო­ძი­ე­ბის ინ­ტე­რე­სე­ბი­დან გა­მომ­დი­ნა­რე, ყო­ველ­თვის ვი­კა­ვებ­დი თავს კონ­კრე­ტუ­ლი გვა­რე­ბის და­სა­ხე­ლე­ბის­გან. და­ი­წყე­ბა გა­მო­ძი­ე­ბა, ყვე­ლა­ფერს მივ­ყვე­ბით და ვნა­ხავთ. ამ საქ­მის გა­მო­ძი­ე­ბა არას­წო­რი მი­მარ­თუ­ლე­ბით რომ წა­სუ­ლი­ყო, ამა­ში სა­კა­ნონ­მდებ­ლო, აღ­მას­რუ­ლე­ბე­ლი და სა­სა­მარ­თლო ხე­ლი­სუფ­ლე­ბა იყო და­ინ­ტე­რე­სე­ბუ­ლი. გა­მო­ძი­ე­ბის დას­კვნით ეტაპ­ზე ჩვენ ისე­თი მტკი­ცე­ბუ­ლე­ბე­ბი და მოწ­მე­ე­ბი წარ­ვად­გი­ნეთ, რომ გა­მო­ძი­ე­ბის ვერ­სია ხუ­ხუ­ლა­სა­ვით და­ინ­გრა, თუმ­ცა მო­სა­მარ­თლემ სა­ერ­თოდ არ მი­აქ­ცია ამას ყუ­რა­დღე­ბა.

- ბევ­რი ეჭ­ვის თვა­ლით უყუ­რებს ამ პრო­ცესს, ვი­ნა­ი­დან დღეს იგი­ვე მო­სა­მარ­თლე­ე­ბი წყვე­ტენ ადა­მი­ა­ნე­ბის ბედს, რომ­ლებ­მაც თა­ვის დრო­ზე უკა­ნო­ნო გა­ნა­ჩე­ნე­ბი გა­მო­ი­ტა­ნეს.

- მაქვს იმე­დი, რომ გა­მო­ძი­ე­ბა ობი­ექ­ტუ­რად წა­რი­მარ­თე­ბა, ვი­ნა­ი­დან, ჯერ ერთი, იგეგ­მე­ბა რე­ფორ­მა და მჯე­რა, სა­სა­მარ­თლო გახ­დე­ბა და­მო­უ­კი­დე­ბე­ლი - რო­გორც ახა­ლი, ისე ძვე­ლი ხე­ლი­სუფ­ლე­ბის მხრი­დან. გარ­და ამი­სა, ამ საქ­მის მი­მართ დი­დია სა­ზო­გა­დო­ე­ბის ინ­ტე­რე­სი, ამი­ტომ გა­მო­ძი­ე­ბის ყვე­ლა ეტაპ­ზე ჩა­ვა­ყე­ნებთ სა­ზო­გა­დო­ე­ბას საქ­მის კურ­სში. ვე­რა­ვინ გა­ექ­ცე­ვა პა­სუ­ხის­მგებ­ლო­ბას და სა­ზო­გა­დო­ე­ბი­სათ­ვის ყვე­ლა­ფე­რი გახ­დე­ბა ცნო­ბი­ლი, რა­ზეც პი­რა­დად ვიზ­რუ­ნებ.

- რო­გორ ფიქ­რობ, სად არის კა­სე­ტა, რო­მელ­საც არა­ერ­თი ადა­მი­ა­ნი ახ­სე­ნებ­და და თუ აპი­რე­ბენ ისი­ნი ჩვე­ნე­ბის მი­ცე­მას?

- ძნე­ლი სათ­ქმე­ლია, სად არის კა­სე­ტა, რო­მე­ლიც, რო­გორც თა­ვის დრო­ზე გა­ცხად­და, პან­კი­სის თე­მას, კერ­ძოდ, უკა­ნო­ნო ნარ­კო­ბიზ­ნეს­სა და გარ­კვე­ულ პი­რებს უკავ­შირ­დე­ბა. ვინც ამ კა­სე­ტას ახ­სე­ნებ­და, უკვე გა­მო­ძი­ე­ბას­თან ისა­უბ­რებს. ვფიქ­რობ, ეს ერთ-ერთი მნიშ­ვნე­ლო­ვა­ნი მტკი­ცე­ბუ­ლე­ბა იქ­ნე­ბა.

- 24 თე­ბერ­ვალს გი­ორ­გის 38 წელი შე­უს­რულ­დე­ბო­და. მისი ვაჟი - სან­დრო, ალ­ბათ, ბევრ კი­თხვას სვამს მა­მა­ზე... ისიც ჟურ­ნა­ლის­ტო­ბა­ზე ხომ არ ოც­ნე­ბობს?

- სან­დრო მე-11 კლა­სე­ლია, მაგ­რამ ჯერ არ აურ­ჩე­ვია პრო­ფე­სია. ჟურ­ნა­ლის­ტი­კა დი­დად არ აინ­ტე­რე­სებს. რაც წა­მო­ი­ზარ­და, რა თქმა უნდა, უფრო ხში­რად სვამს კი­თხვებს მა­მა­ზე და ვფიქ­რობ, დროა, ყვე­ლა­ფერ­ზე მი­ი­ღოს პა­სუ­ხი. სი­ნამ­დვი­ლეს ჩვენ ყვე­ლა­ნი ერ­თად შე­ვი­ტყობთ, რო­გორც სან­დრო, ისე მთე­ლი სა­ზო­გა­დო­ე­ბა.

ნანა ფი­ცხე­ლა­უ­რი

ყო­ველკ­ვი­რე­უ­ლი გა­ზე­თი "ყვე­ლა სი­ახ­ლე"

(გა­მო­დის ოთხშა­ბა­თო­ბით)