აჭარის ჯანდაცვის მინისტრის კომპანია ნარკოტიკების ექსკლუზიური დისტრიბუტორია

კომპანია "ვიტაფარმი" 1997 წლიდან არსებობს. მას 11 დამფუძნებელი ჰყავს. მათ შორის არის კომპანიის მოქმედი დირექტორი ზურაბ ჟღენტი, რომელიც "ბათუმის დედათა და ბავშვთა საავადმყოფოს" 25 წლის განმავლობაში დირექტორობდა. კომპანიის დამფუძნებელია აჭარის ჯანდაცვის მინისტრი ნუგზარ სურმანიძეც. მას კომპანიის აქციების 10% ეკუთვნის.

"ვიტაფარმი", ძირითადად, სამედიცინო მოწყობილობების საავადმყოფოებისათვის მიწოდებაზე მუშაობას. კომპანია რეგიონში ერთადერთია, რომელიც სამედიცინო სფეროში გამოსაყენებელი ნარკოტიკების ექსკლუზიური დისტრიბუტორია. "1500 ლარს ვუხდით არასაუწყებო დაცვას, რომ თავისი მანქანით და ჩვენი წარმომადგენლის თანხლებით ჩამოიტანოს ნარკოტიკები. მერე ამას ვინახავთ პოლიციაში, სპეციალურ ოთახში და იქედან, მოთხოვნის შესაბამისად, ვაწვდით საავადმყოფოებს", - ამბობს დირექტორი.

სრული ვერსია

”გურია ნიუსი”