მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
100-მდე დაღუპული - მათ შორის: ცნობილი ბეისბოლისტი და ერთ-ერთი პროვინციის გუბერნატორი. რუბი პერესი, რომლის კონცერტზეც ღამის კლუბის სახურავის ჩამოიქცა, ნანგრევებშია მოყოლილი
15:03 / 09-04-2025
დომინიკის რესპუბლიკის ღამის კლუბში სახურავის ჩამონგრევის შედეგად დაღუპულთა რიცხვი 98-მდე გაიზარდა, 150-ზე მეტი კი დაშავდა - აცხადებს ქვეყნის ხელისუფლება.
დაღუპულთა შორის არის ცნობილი ბეისბოლისტი ოქტავიო დოტელი. მაშველებმა ის ნანგრევებიდან ამოიყვანეს, თუმცა საავადმყოფოსკენ მიმავალ გზაზე გარდაიცვალა.
ტრაგედიის ადგილზე ქვეყნის პრეზიდენტი ლუის აბინადერი მივიდა და დაღუპულთა ოჯახებს მიუსამძიმრა.
8 აპრილის ღამეს, სანტო დომინგოში მდებარე ღამის კლუბ Jet Set - ის სახურავი მოულოდნელად ჩამოინგრა ცნობილი მომღერლის რუბი პერესის კონცერტის დროს.
მუსიკოსის ქალიშვილის თქმით, მამამისიც ნანგრევების ქვეშ მოყვა, მაშველებმა მისი პოვნა ჯერ ვერ შეძლეს.
ადგილობრივი მედია იუწყება, რომ ნგრევის დროს ღამის კლუბში დაახლოებით ათასი ადამიანი იქნებოდა.
სამაშველო სამსახურის დირექტორის, ხუან მანუელ მენდესის თქმით, დაღუპულთა რიცხვი შეიძლება კიდევ გაიზარდოს. მისი თქმით, ნანგრევების ქვეშ ჯერ კიდევ ბევრი ადამიანია.
რუბი პერესის კონცერტზე იმყოფებოდნენ:პოლიტიკოსები, სპორტსმენები და სხვა ცნობილი სახეები.
დაღუპულთა შორის არის მონტე კრისტის პროვინციის გუბერნატორი ნელსი კრუზი, რომელიც მიყენებული დაზიანებების შედეგად საავადმყოფოში გარდაიცვალა.
სახურავის ჩამონგრევამდე ცოტა ხნით ადრე კლუბში გადაღებულ ვიდეო კადრებში ჩანს ხალხი, რომლებიც სცენის წინ მაგიდებთან ზის, ზოგი კი ცეკვავს.
სოციალურ ქსელში გამოქვეყნებულ ერთ-ერთ ვიდეოში ისმის, რომ ვიღაც სახურავზე მიუთითებს და ამბობს, რომ ჭერიდან რაღაც ჩამოვარდა. ვიდეოში ასევე ჩანს, რომ რუბი პერესი იმავე მიმართულებით იყურება, საითაც მაყურებელი მიუთითებდა.
30 წამზე ნაკლების შემდეგ ისმის ძლიერი ხმაური, რის შემდეგაც ვიდეოში ჩანს მხოლოდ შავი ფონი. ისმის ქალის ხმა: "მამა, რა დაგემართა?"
როგორც რუბი პერესთან ერთად გამომსვლელმა ერთ-ერთმა მუსიკოსმა განუცხადა ადგილობრივ მედიას, სახურავი ჩამოინგრა 8 აპრილს, ღამის 1-ელ საათზე. ”მეგონა, მიწისძვრა იყო", - თქვა მან.
დომინიკის რესპუბლიკა კარიბის ზღვის აუზის ერთ-ერთი ყველაზე პოპულარული ტურისტული ქვეყანაა. გასულ წელს, ქვეყნის ხელისუფლების ინფორმაციით, მას დაახლოებით 11 მილიონი ტურისტი ეწვია.
ქვეყანაში სამდღიანი გლოვა გამოცხადდა.
იხილეთ ასევე:
- ღამის კლუბის სახურავი ჩამოქცევის შედეგად დაღუპულთა რიცხვი 218-მდე გაიზარდა: ნანგრევებში მოყოლილებს კიდევ ეძებენ - რა არის ცნობილი დომინიკელ მომღერალზე, რომელიც საკუთარ კონცერტზე მომხდარ ტრაგედიას შეეწირა?
- ტრაგედია ღამის კლუბში - კონცერტის დროს სახურავი ჩამოინგრა, სულ მცირე 15 დაღუპული და ასობით დაშავებული: დომინიკის რესპუბლიკაში გლოვაა (ფოტო/ვიდეო)
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
