ხე­ლი­სუფ­ლე­ბის შეც­ვლის შემ­დეგ ყო­ველ­დღი­უ­რად იმ­დე­ნი რამ ხდე­ბა ქვე­ყა­ნა­ში, ხან­და­ხან რთუ­ლია, ყვე­ლა­ფე­რი და­ი­მახ­სოვ­რო და მოვ­ლე­ნე­ბის გან­ვი­თა­რე­ბას ფეხ­და­ფეხ მიჰ­ყვე. ზო­გა­დად წარ­მო­უდ­გე­ნე­ლია, სა­ქარ­თვე­ლო­ში ცხოვ­რობ­დე და რა­ი­მე გა­გიკ­ვირ­დეს, მაგ­რამ რამ­დე­ნი­მე თვის წინ ვერც ოპო­ზი­ცი­ა­ში გა­და­ბარ­გე­ბულ ეკა ხერ­ხე­უ­ლი­ძეს, აკო მი­ნაშ­ვილს, ხა­თუ­ნა ოჩი­ა­ურ­სა და "ნაც­მოძ­რა­ო­ბის" სხვა ოდი­ო­ზურ სა­ხე­ებს წარ­მო­ვიდ­გენ­დით.

პარ­ლა­მენ­ტში შე­სუ­ლი აწ უკვე ოპო­ზი­ცი­უ­რი "ნაც­მოძ­რა­ო­ბა", რამ­დე­ნი­მე გა­მო­ნაკ­ლი­სის გარ­და, ისევ ძვე­ლი სა­ხე­ე­ბის­გან შედ­გე­ბა. სა­ოც­რე­ბაა, მაგ­რამ "ბო­ბო­ხი­ძე გა­მა­ნად­გუ­რე­ბელ­საც" ვერ შე­ე­ლივ­ნენ, თუმ­ცა არა მგო­ნია, თუ გუ­ბაზ­ზე ხე­ლის აწე­ვა გა­ბე­და, ცნო­ბი­ლი "მი­ლი­ო­ნე­რი" ამას პეტ­რე მამ­რა­ძი­სე­უ­ლი სიმ­შვი­დით შეხ­ვდეს.

"ნა­ცე­ბის" ცნო­ბი­ლი სა­ხე­ე­ბი­დან რამ­დე­ნი­მე მათ­გა­ნი უც­ნა­უ­რად გაქ­რა. არა­და, მახ­სოვს, როცა სა­პარ­ლა­მენ­ტო არ­ჩევ­ნებ­ში მე­ო­რედ გა­ი­მარ­ჯვეს, მათი რი­გე­ბი­დან მხო­ლოდ მაია ნა­დი­რა­ძე გა­უ­ჩი­ნარ­და. მა­შინ ამ­ბობ­დნენ, რომ ეს ქალ­ბა­ტო­ნი იმ­დე­ნად აღი­ზი­ა­ნებ­და სა­ზო­გა­დო­ე­ბას, უბ­რა­ლოდ "გა­და­მა­ლეს". ამ­ჯე­რად წმენ­დას უფრო მეტი სახე შე­ე­წი­რა.

ვერა ქო­ბა­ლია სა­ზო­გა­დო­ე­ბის აგ­რე­სი­ას მხო­ლოდ არა­კომ­პე­ტენ­ტუ­რო­ბის გამო იწ­ვევ­და, თო­რემ რე­ა­ლუ­რად, მის მიერ გა­კე­თე­ბუ­ლი სკან­და­ლუ­რი გან­ცხა­დე­ბე­ბი თით­ქმის არ გვახ­სოვს. მას ხში­რად შე­უ­რა­ცხმყო­ფე­ლი ეპი­თე­ტე­ბი­თაც ამ­კობ­დნენ, იყო დრო, რო­დე­საც ბარ­ში გა­და­ღე­ბუ­ლი პი­კან­ტუ­რი ფო­ტო­ე­ბის გამო კრი­ტი­კის ქარ-ცე­ცხლში გა­ა­ტა­რეს, მაგ­რამ ვე­რას პერ­სო­ნას არა­სო­დეს მი­უღ­წე­ვია აგ­რე­სი­ის იმ სი­მაღ­ლემ­დე, სა­დამ­დეც თუნ­დაც თა­ვის დრო­ზე მაია ნა­დი­რა­ძე და ამ­ჯე­რად ხა­თუ­ნა ოჩი­ა­უ­რი ავიდ­ნენ. სკან­და­ლუ­რი იყო მისი პი­რა­დი ცხოვ­რე­ბაც. მდგრა­დი მი­ნის­ტრის მა­შინ­დე­ლი ოჯა­ხუ­რი ცხოვ­რე­ბა არც ისე მდგრა­დი აღ­მოჩ­ნდა და პო­ლი­ტი­კურ კა­რი­ე­რას მისი პი­რა­დუ­ლიც შე­ე­წი­რა.

არ­ჩევ­ნე­ბის შემ­დეგ ვერა პო­ლი­ტი­კური არე­ნი­დან გა­ქრა. ბოლო დროს გავ­რცე­ლე­ბუ­ლი ინ­ფორ­მა­ცი­ით, ის პრე­ზი­დენ­ტის მრჩევ­ლად გა­და­იყ­ვა­ნეს.

პრე­ზი­დენ­ტის მრჩე­ვე­ლი გახ­და ნინო კა­ლან­და­ძეც, რო­მე­ლიც სა­გა­რეო საქ­მე­თა მი­ნის­ტრის ერთ-ერთი მო­ად­გი­ლე იყო. რო­გორც ჩანს, მაია ფან­ჯი­კი­ძე ვერ მო­ი­ხიბ­ლა მისი სა­მუ­შაო გა­მოც­დი­ლე­ბით და თა­ნამ­დე­ბო­ბა­ზე აღარ და­ტო­ვა. არა მგო­ნია, ამ შემ­თხვე­ვა­ში ქა­ლურ შურ­თან გვქო­ნო­და საქ­მე, რად­გან ვა­შა­ძის ერთ-ერთ მო­ად­გი­ლე სერ­გი კა­პა­ნა­ძეს ფან­ჯი­კი­ძემ დარ­ჩე­ნა და მუ­შა­ო­ბის გაგ­რძე­ლე­ბა შეს­თა­ვა­ზა, მაგ­რამ კა­პა­ნა­ძე ამ წი­ნა­და­დე­ბას არ და­თან­ხმდა. რო­გორც ჩანს, "ნა­ცი­ო­ნა­ლურ მოძ­რა­ო­ბა­შიც" რჩე­ბი­ან პარ­ტი­ის ერ­თგუ­ლი ადა­მი­ა­ნე­ბი, თუნ­დაც პარ­ტი­ამ ისი­ნი და­ი­ვი­წყოს. ამის მა­გა­ლი­თი გახ­ლავთ რამ­დე­ნი­მე წლის წინ გამ­ქრა­ლი და სას­წავ­ლებ­ლად წა­სუ­ლი ნიკა გვა­რა­მი­აც, რო­მე­ლიც რამ­დე­ნი­მე დღის წინ "რუს­თა­ვი 2"-ის გე­ნე­რა­ლუ­რი დი­რექ­ტო­რის ამ­პლუ­ა­ში დაგ­ვიბ­რუნ­და.

ზო­გა­დად ძველ ხე­ლი­სუფ­ლე­ბა­ში ერ­თგვარ მო­დად იქცა სხვა­დას­ხვა უწყე­ბა­ში მი­ნის­ტრის სა­ვარ­ძლის მორ­გე­ბა და შემ­დგომ სას­წავ­ლებ­ლად გამ­გზავ­რე­ბა, თუმ­ცა ისიც ვნა­ხეთ, რო­გორ დაბ­რუნ­და ნას­წავ­ლი ირაკ­ლი ოქ­რუ­აშ­ვი­ლი პო­ლი­ტი­კურ ას­პა­რეზ­ზე და კი­ნა­ღამ ხე­ლი­სუფ­ლე­ბა შეც­ვა­ლა.

დღეს ბევ­რს ლა­პა­რა­კო­ბენ, რომ "ქარ­თუ­ლი ოც­ნე­ბის" გა­მარ­ჯვე­ბა­ში ცი­ხე­ში გა­და­ღე­ბუ­ლი წა­მე­ბის კად­რე­ბის გავ­რცე­ლე­ბამ უდი­დე­სი როლი შე­ას­რუ­ლა, ამას არც პო­ლი­ტი­კურ გუნდში უარ­ყო­ფენ, შე­სა­ბა­მი­სად, მა­შინ­დე­ლი სას­ჯე­ლაღ­სრუ­ლე­ბის მი­ნის­ტრ ხა­თუ­ნა კალ­მა­ხე­ლი­ძის სახე მისი გა­დად­გო­მის დღი­დან­ვე გაქ­რა ტე­ლე­ეკ­რა­ნე­ბი­დან. სად არის "ცი­ხე­ე­ბის დე­დო­ფა­ლი", რო­გორც მას მოგ­ვი­ა­ნე­ბით უწო­დეს, არა­ვინ იცის. სი­მარ­თლე რომ ით­ქვას, არც არა­ვინ კი­თხუ­ლობს. ლე­გენ­დე­ბი, რომ ხა­თუ­ნა კალ­მა­ხე­ლი­ძე პა­ტიმ­რე­ბის წა­მე­ბას ხელ­მძღვა­ნე­ლობ­და და ბრძა­ნე­ბებს გას­ცემ­და, ისევ ლე­გენ­დე­ბად დარ­ჩა. ის არც პა­სუ­ხის­გე­ბა­ში მი­უ­ცი­ათ და ამ თე­მა­ზე სა­ჯა­რო, მაგ­რამ ორაზ­რო­ვა­ნი კო­მენ­ტა­რი მხო­ლოდ კად­რე­ბის გავ­რცე­ლე­ბის დღეს "რუს­თა­ვი 2"-ის ეთერ­ში გა­ა­კე­თა. მე­ო­რე დღეს პრე­ზი­დენტს წე­რი­ლო­ბი­თი გან­ცხა­დე­ბით მი­მარ­თა და გა­დად­გა. უც­ნა­უ­რია, მაგ­რამ მას­ზე გა­ბე­დუ­ლი აღ­მოჩ­ნდა ბა­ჩა­ნა ახა­ლა­ია, რო­მე­ლიც, მარ­თა­ლია, არ­ჩევ­ნებ­ში "ქარ­თუ­ლი ოც­ნე­ბის" გა­მარ­ჯვე­ბის შემ­დეგ გაქ­რა, მაგ­რამ მო­უ­ლოდ­ნე­ლად დაბ­რუნ­და და დღეს ცი­ხე­ში გა­ნა­ჩენს ელო­დე­ბა.

ქვე­ყა­ნა და­ტო­ვა მის­მა ძმამ დათა ახა­ლა­ი­ამ, სად არის დღეს მა­ღალ­ჩი­ნო­სა­ნი და დად­გე­ბა თუ არა მისი პა­სუ­ხის­მგებ­ლო­ბის სა­კი­თხი, ჯერ უც­ნო­ბია. ორი კვი­რის წინ დათა ახა­ლა­ი­ას მე­უღ­ლეს შვი­ლი შე­ე­ძი­ნა და ბავ­შვს "სკან­და­ლუ­რი" ბი­ძის სა­ხე­ლი, ბა­ჩა­ნა და­არ­ქვეს.

პო­ლი­ტი­კო­სი არ არის და ალ­ბათ არა­სო­დეს ყო­ფი­ლა რო­მე­ლი­მე პარ­ტი­ა­ში გა­წევ­რი­ა­ნე­ბუ­ლი, თუმ­ცა მას დღემ­დე "ნა­ცი­ო­ნა­ლუ­რი მოძ­რა­ო­ბის" და პრე­ზი­დენ­ტის "ნე­ბი­ე­რას" უწო­დე­ბენ. სწო­რედ ამი­ტომ მოხ­ვდა "და­კარ­გულ­თა" სი­ა­ში სოფო ნი­ჟა­რა­ძე. მომ­ღე­რა­ლი, რო­მე­ლიც ყო­ველ წელს და ხან­და­ხან წე­ლი­წად­ში ორ­ჯე­რაც სა­ქარ­თვე­ლო­ში ჩა­მო­სულ მომ­ღერ­ლებ­თან დუ­ეტს წერ­და, დღეს აღარ ჩანს.

მი­უ­ზიკ­ლე­ბის ხარ­ჯებ­ზე, რო­მე­ლიც სპე­ცი­ა­ლუ­რად სო­ფოს­თვის იდ­გმე­ბო­და, ლე­გენ­დე­ბი ვრცელ­დე­ბო­და. სო­ფოს და სპექ­ტაკლზე მო­მუ­შა­ვე შე­მოქ­მე­დე­ბით ჯგუფს მა­შინ ეს სა­სა­ცი­ლოდ არ ჰყოფ­ნი­დათ, თუმ­ცა გა­სულ კვი­რას ფი­ნანსთა მი­ნის­ტრმა ნო­დარ ხა­დურ­მა გა­ამ­ჟღავ­ნა, რომ მი­უ­ზიკ­ლი "ქეთო და კოტე" სა­ხელ­მწი­ფო ბი­უ­ჯეტს 2 მი­ლი­ონ 125 ათა­სი ლარი და­უჯ­და, ბა­თუმ­ში ან­დრია ბო­ჩე­ლის კონ­ცერ­ტის­თვის კი, სა­დაც სო­ფომ მო­რი­გი დუ­ე­ტი შე­ას­რუ­ლა, პრე­ზი­დენ­ტის ფონ­დი­დან 2,4 მი­ლი­ო­ნი დო­ლა­რი და­ი­ხარ­ჯა.

სოფო წი­ნა­სა­არ­ჩევნ­ოდ ნა­ცი­ო­ნა­ლე­ბი­სად­მი მხარ­და­ჭე­რას მი­უ­ზიკლ "ვე­რის უბ­ნის მე­ლო­დი­ებ­ზე" მზა­დე­ბი­სას პარ­ტი­უ­ლი მა­ი­სუ­რის ჩაც­მით გა­მო­ხა­ტავ­და. მომ­ღე­რა­ლი, რო­მე­ლიც ყველ­გან იყო და "ქალი-დუ­ტაც" კი შე­არ­ქვეს, დღეს მხო­ლოდ სო­ცი­ა­ლურ ქსელ­ში ჩნდე­ბა, ისიც იშ­ვი­ა­თად.

ნა­ცი­ო­ნა­ლუ­რი სა­ხე­ებ­ი­დან უგზო-უკვლოდ გამ­ქრალ­თა სიას შე­უ­ერ­თდა იუს­ტი­ცი­ის ყო­ფი­ლი მი­ნის­ტრი ზუ­რაბ ადე­იშ­ვი­ლი. გამ­ქრა­ლი მა­ღალ­ჩი­ნოს­ნე­ბი­დან წე­რი­ლე­ბით მხო­ლოდ დი­მიტ­რი შაშ­კინ­მა მოგ­ვმარ­თა. ერთი პე­რი­ო­დი ისე მო­ე­წო­ნა სო­ცი­ა­ლურ ქსელ­ში თა­ვის გა­სა­მარ­თლე­ბე­ლი წე­რი­ლე­ბის გა­მოქ­ვეყ­ნე­ბა, ლა­მის ჩვე­ვა­ში გა­და­ე­ზარ­და, მაგ­რამ რუხ­მა კარ­დი­ნალ­მა (ასე უწო­დებ­დნენ ექსმი­ნის­ტრ ზუ­რაბ ადე­იშ­ვილს) ერთი წე­რი­ლის ღირ­სიც არ გა­ხა­და ქარ­თვე­ლი ერი.

დღეს არა­ვინ იცის, სად იმ­ყო­ფე­ბა ადე­იშ­ვი­ლი, თუმ­ცა გავ­რცე­ლე­ბულ ინ­ფორ­მა­ცი­ას თუ ვენ­დო­ბით, გაქ­ცე­ულ ექსმი­ნისტრს ავ­სტრი­ის დე­და­ქა­ლაქ ვე­ნა­ში მო­უ­ლოდ­ნე­ლად ირაკ­ლი ოქ­რუ­აშ­ვი­ლი ეს­ტუმ­რა და ფი­ზი­კუ­რად გა­უს­წორ­და. რო­გორც ამ­ბო­ბენ, ადე­იშ­ვილს ოქ­რუ­აშ­ვილ­მა კბი­ლე­ბი ჩა­უმტვრია და ცხვი­რი "შე­უ­ლა­მა­ზა", თუმ­ცა ამ ამ­ბავ­ში სა­ო­ცა­რი არა­ფე­რია, რად­გან ყვე­ლას­თვის ცნო­ბი­ლია, რომ "ოქრო" რე­ვან­შის­თვის ჯერ კი­დევ რამ­დე­ნი­მე წლის წინ ემ­ზა­დე­ბო­და.

ნა­ცი­ო­ნა­ლუ­რი სპექტრი­დან "და­კარ­გულ­თა" სიას ამ­ჯე­რად პირ­ვე­ლი ლე­დით და­ვას­რუ­ლებთ. სან­დრა რუ­ლოვ­სი ბოლო წლე­ბი პრე­ზი­დენ­ტის გვერ­დით მხო­ლოდ ოფი­ცი­ა­ლურ შეხ­ვედ­რებ­ზე ჩნდე­ბო­და. არ­ჩევ­ნებ­ში და­მარ­ცხე­ბის შემ­დეგ კი პირ­ვე­ლი ლედი ტე­ლე­ვი­ზი­ით აღარ გვი­ნა­ხავს. პრე­ზი­დენ­ტის პი­რად ცხოვ­რე­ბა­სა და ოჯახ­ზე სა­ზო­გა­დო­ე­ბა­ში ხში­რად ვრცელ­დე­ბო­და ჭო­რე­ბი. ამ­ჯე­რა­დაც ახალ­მა ჭორ­მა არ და­ა­ყოვ­ნა, თუმ­ცა უც­ნო­ბია, რამ­დე­ნად შე­ე­სა­ბა­მე­ბა რე­ა­ლო­ბას. რო­გორც ამ­ბო­ბენ, ჯერ კი­დევ არ­ჩევ­ნებ­ში და­მარ­ცხე­ბამ­დე მო­უ­წო­დებ­და უფ­რო­სი ვაჟი მამა-სა­ა­კაშ­ვილს გა­დად­გო­მის­კენ, ამ­ბო­ბენ, რომ მამა-შვილს შო­რის ამის გამო სე­რი­ო­ზუ­ლი და­პი­რის­პი­რე­ბაც მომ­ხდა­რა. იმა­საც ამ­ბო­ბენ, რომ ედუ­არ­დი ბი­ძი­ნა ივა­ნიშ­ვი­ლის მი­ტინ­გებ­ზე და­დი­ო­და, მაგ­რამ სი­მარ­თლე გი­თხრათ, ეს ამ­ბა­ვი ცოტა და­უ­ჯე­რებ­ლად მეჩ­ვე­ნე­ბა.

მა­სა­ლის მომ­ზა­დე­ბი­სას "და­კარ­გუ­ლე­ბი" მხო­ლოდ ყო­ფი­ლი ხე­ლი­სუფ­ლე­ბის რი­გებ­ში არ გვი­ძებ­ნია. სა­პარ­ლა­მენ­ტო არ­ჩევ­ნებ­ში და­მარ­ცხე­ბის შემ­დეგ ერთი-მე­ო­რის მი­ყო­ლე­ბით შე­მოგ­ვე­ფან­ტა სამი პო­ლი­ტი­კუ­რი ძალა: ლე­ი­ბო­რის­ტე­ბი, ქრის­ტი­ან-დე­მოკ­რა­ტე­ბი და ახა­ლი მე­მარ­ჯვე­ნე­ე­ბი.

ალ­ბათ რამ­დე­ნი­მე თვის წინ ვე­რა­ვინ წარ­მო­იდ­გენ­და, რომ თუნ­დაც ერთი კვი­რა ცნო­ბი­ლი მშრო­მე­ლე­ბის პრეს­კონ­ფე­რენ­ცი­ის გა­რე­შე ჩა­ივ­ლი­და. დღეს აღარ ის­მის მათი ხმა­უ­რი­ა­ნი შე­ძა­ხი­ლე­ბი და შალ­ვა ნა­თე­ლაშ­ვი­ლი კი არა, სოსო შატ­ბე­რაშ­ვი­ლიც სა­ნატ­რე­ლი გაგ­ვიხ­და. ისე­თი შთა­ბეჭ­დი­ლე­ბა იქ­მნე­ბა, რომ ლე­ი­ბო­რის­ტე­ბი გა­ი­ბუტ­ნენ, მათ ხომ "უკა­ნას­კნე­ლი შან­სი" მის­ცეს სა­ზო­გა­დო­ე­ბას, რო­მე­ლიც ვერ გა­მო­ვი­ყე­ნეთ და მშრო­მე­ლებ­მაც "ქვეყ­ნის შე­ნე­ბა" ვერ და­ი­წყეს...

მო­უ­ლოდ­ნე­ლად და­ტო­ვა პო­ლი­ტი­კა და­ვით გამ­ყრე­ლი­ძემ. ექი­მი, მე­წარ­მე, ლი­დე­რი, ბო­ლომ­დე ასე დარ­ჩა და ამ სამ­მა რე­გა­ლი­ამ პო­ლი­ტი­კო­სო­ბა ვე­ღარ და­ი­ტია. სამ­ძიმ­რის წე­რი­ლი­ვით გა­მო­ვი­და, მაგ­რამ ფაქ­ტია, რომ "ახალ­მა მე­მარ­ჯვე­ნე­ებ­მა" პარ­ლა­მენ­ტში მოხ­ვედ­რის სე­რი­ო­ზუ­ლი შან­სი და­კარ­გეს, რად­გან "ქარ­თუ­ლი ოც­ნე­ბის" კო­ა­ლი­ცი­ა­ში არ გა­ერ­თი­ან­დნენ. მათ მი­მართ ხალ­ხის აგ­რე­სია ნაკ­ლე­ბად შე­იმ­ჩნე­ო­და, მაგ­რამ ბოლო დროს არც მხარ­დამ­ჭერ­თა გან­სა­კუთ­რე­ბუ­ლი რა­ო­დე­ნო­ბით გა­მო­ირ­ჩე­ოდ­ნენ. ფაქ­ტია, რომ სა­არ­ჩევ­ნო მა­რა­თონ­ში "ქარ­თუ­ლი ოც­ნე­ბის" ჩაბ­მის შემ­დეგ პა­ტა­რა პარ­ტი­ე­ბი ყვე­ლა­ზე მე­ტად და­ი­ჩაგრნენ და მძი­მე შე­დე­გი­თაც და­ას­რუ­ლეს. და­მარ­ცხე­ბის შემ­დეგ და­ვით გამ­ყრე­ლი­ძემ და­ნა­პი­რე­ბი შე­ას­რუ­ლა და პო­ლი­ტი­კი­დან წა­ვი­და, მაგ­რამ დარ­ჩნენ ცნო­ბი­ლი პო­ლი­ტი­კუ­რი სა­ხე­ე­ბი: ფიქ­რია ჩიხ­რა­ძე, მა­ნა­ნა ნა­ჭყე­ბია, მა­მუ­კა კა­ცი­ტა­ძე, თუმ­ცა დღეს ისი­ნი არ­სად ჩა­ნან და სა­ტე­ლე­ვი­ზიო დე­ბა­ტებ­შიც არ მო­ნა­წი­ლე­ო­ბენ.

წი­ნა­სა­არ­ჩევ­ნო პე­რი­ო­დი და პარ­ტი­ე­ბის სა­რეკ­ლა­მო კლი­პე­ბი რომ გა­ვიხ­სე­ნოთ, ალ­ბათ მა­ინც ლე­ი­ბო­რის­ტებ­სა და ქრის­ტი­ან-დე­მოკ­რა­ტებს გა­მო­ვარ­ჩევ­დი. ლე­ი­ბო­რის­ტე­ბი მუდ­მი­ვად გა­მო­ირ­ჩე­ოდ­ნენ კრე­ა­ტი­უ­ლო­ბით, შალ­ვა ნა­თე­ლაშ­ვი­ლის რო­ბი­ნჰუ­დო­ბამ ღა­რი­ბე­ბი გა­ა­ხა­რა, მდიდ­რე­ბი კი შე­ა­ში­ნა. მათ არაფ­რით ჩა­მო­უ­ვარ­დე­ბოდ­ნენ "ქრის­ტი­ან-დე­მოკ­რა­ტე­ბი", რომ­ლე­ბიც ხმა­უ­რი­ა­ნი კამ­პა­ნი­ის მი­უ­ხე­და­ვად, არ­ჩევ­ნებ­ში მა­ინც და­მარ­ცხდნენ. წი­ნა­სა­არ­ჩევ­ნოდ ყვე­ლა­ზე უც­ნა­უ­რი გზა აირ­ჩი­ეს "ქრის­ტი­ან-დე­მოკ­რა­ტებ­მა". არ ვიცი, ვინ იზ­რუ­ნა მათ პი­არ­ზე, თუმ­ცა ნამ­დვი­ლად სა­სა­ცი­ლო სა­ნა­ხა­ვი იყო მრა­ვა­ლ­ა­თა­სი­ა­ნი მხარ­დამ­ჭე­რე­ბის წინ ტრი­ბუ­ნას­თან მდგა­რი გი­ორ­გი თარ­გა­მა­ძე, რო­მე­ლიც ბოლო ხმა­ზე გაჰ­ყვი­რო­და. "ქრის­ტი­ან-დე­მოკ­რა­ტე­ბი" ყვე­ლა­ზე ხში­რად ხდე­ბოდ­ნენ კრი­ტი­კის ობი­ექ­ტი და მათ ყო­ფი­ლი ხე­ლი­სუფ­ლე­ბის სა­ტე­ლი­ტურ პარ­ტი­ა­დაც მო­იხ­სე­ნი­ებ­დნენ. ოპო­ზი­ცია ამ­ბობ­და, რომ "ნა­ცი­ო­ნა­ლურ მოძ­რა­ო­ბას" "ქრის­ტი­ან-დე­მოკ­რა­ტე­ბის" სა­ხით სურ­და, პარ­ლა­მენ­ტში კონ­სტრუქ­ცი­უ­ლი ოპო­ზი­ცია შე­ეყ­ვა­ნა, რო­მელ­საც თა­ვად მარ­თავ­დნენ. ერთხელ გა­მო­უ­ვი­დათ, მაგ­რამ მე­ო­რედ აღარ დას­ჭირ­დათ... მი­უ­ხე­და­ვად იმი­სა, რომ ხმა­მაღ­ლა აკ­რი­ტი­კებ­დნენ მა­შინ­დელ ხე­ლი­სუფ­ლე­ბას, "ქრის­ტი­ან-დე­მოკ­რა­ტე­ბის" გულ­წრფე­ლო­ბის ხალ­ხს ნაკ­ლე­ბად სჯე­რო­და.

წი­ნა­სა­არ­ჩევ­ნოდ პარ­ტი­ას სე­რი­ო­ზუ­ლი დარ­ტყმა მი­ა­ყე­ნა ინგა გრი­გო­ლი­ას გან­ცხა­დე­ბამ. "ქრის­ტი­ან-დე­მოკ­რა­ტე­ბის" ერთ-ერ­თმა ყვე­ლა­ზე პო­პუ­ლა­რულ­მა სა­ხემ არ­ჩევ­ნე­ბამ­დე რამ­დე­ნი­მე დღით ადრე "ფე­ის­ბუ­ქის" სა­კუ­თარ გვერ­დზე და­წე­რა, რომ გლ­და­ნის მა­ჟო­რი­ტა­რო­ბი­დან კან­დი­და­ტუ­რას ხსნი­და და დრო­ე­ბით უგზო-უკვლოდ გა­და­ი­კარ­გა. პარ­ტი­ა­ში გა­ნა­ცხა­დეს, რომ ინგა შეც­დო­მა­ში შე­იყ­ვა­ნეს. ლე­ვან ვე­ფხვა­ძე იმა­საც აცხა­დებ­და, რომ ინგა მო­ნას­ტერ­ში იყო წა­სუ­ლი, თუმ­ცა არ­ჩევ­ნე­ბის მერე გრი­გო­ლია დაბ­რუნ­და და კო­ლე­გის გან­ცხა­დე­ბით ნა­წყე­ნი დარ­ჩა. სა­ზო­გა­დო­ე­ბას არ გა­უმ­ხი­ლა, სად იმ­ყო­ფე­ბო­და, თუმ­ცა "ქარ­თუ­ლი ოც­ნე­ბის" გა­მარ­ჯვე­ბით ეი­ფო­რი­ა­ში მყოფ­მა სა­ზო­გა­დო­ე­ბამ ეს თემა მალე მი­ი­ვი­წყა.

და­უბ­რუნ­დე­ბი­ან თუ არა ოდეს­მე ეს ადა­მი­ა­ნე­ბი პო­ლი­ტი­კას, ამას დრო გვიჩ­ვე­ნებს. დღეს შე­ვარ­დნა­ძის ხე­ლი­სუფ­ლე­ბის ჩი­ნოვ­ნი­კე­ბი­დან, რო­მელ­თა კო­რუმ­პი­რე­ბუ­ლო­ბა თა­ვის დრო­ზე დიდ პრო­ტესტს იწ­ვევ­და სა­ზო­გა­დო­ე­ბა­ში, ბევ­რი თა­ვი­სუფ­ლად და­სე­ირ­ნობს თბი­ლი­სის ქუ­ჩებ­ში, რამ­დე­ნი­მე სხვა­დას­ხვა დროს "ნა­ცი­ო­ნა­ლუ­რი მოძ­რა­ო­ბის" წი­ნა­აღ­მდეგ გა­მარ­თულ აქ­ცი­ებ­შიც გა­მოჩ­ნდა, ზო­გიც რუ­სე­თი­დან გვმო­ძღვრავს, მაგ­რამ მათი აღა­რა­ვის ეში­ნია და არც არა­ვის სჯე­რა. გა­და­იქ­ცე­ვი­ან თუ არა ახა­ლი "და­კარ­გუ­ლე­ბი" კახა თარ­გა­მა­ძე­ე­ბად, ვი­ტა­ლი ხა­ზა­რა­ძე­ე­ბად და ლე­ვან მა­მა­ლა­ძე­ე­ბად, ამ შე­კი­თხვას პა­სუ­ხი, ადრე თუ გვი­ან, აუ­ცი­ლებ­ლად გა­ე­ცე­მა.

ქეთი მე­ლა­ძე

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)