28
აპრილიდღის ზოგადი ასტროლოგიური პროგნოზი
ჩვენ ვაპირებთ, ვიყოთ ძალიან აქტიური და კონსტრუქციული ოპოზიცია, - ამის შესახებ ჟურნალისტებს "ნაციონალური მოძრაობის" წარმომადგენელმა გიორგი ბარამიძემ განუცხადა. მისივე განმარტებით, "ნაციონალური მოძრაობა" იქნება ისეთი ოპოზიცია, რომელსაც ხელისუფლებაში ყოფნის დროს თავად ისურვებდა.
"ეს ჭირდება ჩვენს ქვეყანას, ჩვენ ვიქნებით ძალიან პრინციპულები, როცა ამის აუცილებლობა იქნება და ქვეყნისთვის საჭირბოროტო საკითხების გადაწყვეტას შეექმნება საქმე და ამავე დროს მხარში დავუდგებით ხელისუფლებას კარგ საქმეებში. ეს აუცილებელია დემოკრატიული პროცესებისათვის", - განუცხადა ბარამიძემ ჟურნალისტებს. მისივე თქმით, ის თამასა, რომელიც საქართველოს უკვე ყოფილმა ხელისუფლებამ არა მარტო რეფომრების, არამედ დემოკრატიული განვითარების კუთხით დაიჭირა, არ უნდა დაეცეს. "ჩვენ უნდა ვიაროთ წინ", - დასძინა ბარამიძემ.
გიორგი ბარამიძე "ქორთიარდ მარიოტში" მიმდინარე კონფერენციას ესწრება, რომელიც მიმდინარე პოლიტიკურ პროცესებსა და დემოკრატიის კონსოლიდაციისთვის გადასადგმელ ნაბიჯებს ეხება.
