მნიშვნელოვანი ინფორმაცია
28
აპრილიდღის ზოგადი ასტროლოგიური პროგნოზი
ორშაბათი, მთვარის მეორე დღე დაიწყება 05:38-ზე, მთვარე კუროშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად, საქმიანობის, სამსახურის შესაცვლელად. უფროსთან შეხვედრა სიკეთეს არ მოგიტანთ. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თვითმკვლელობები და იდუმალი გარდაცვალება - "პლეიბოის" ულამაზესი მოდელების წყევლა
11:18 / 06-05-2018
სამოდელო ბიზნესი რთული და დამღლელი საქმეა: გამუდმებით ფორმაში ყოფნას ითხოვს, ფიზიკურად თუ მორალურად, ცხოვრების გიჟური ტემპია, დაუსრულებელი კასტინგები, კონკურენცია, უსამართლობა... ამ ბრძოლას მხოლოდ უძლიერესები უძლებენ. ყოველწლიურად ათობით ცნობილი ლამაზმანი ეთხოვება სიცოცხლეს ანორექსიით, თვითმკვლელობისა თუ ნარკოტიკების დოზის გადაჭარბებით. ამ მხრივ ცალკე თემაა ე.წ. "პლეიბოის" წყევლა. არსებობს იმ გოგონების ვრცელი სია, რომლებმაც პოპულარული გამოცემისთვის გადაიღეს ფოტოები და მოულოდნელად გარდაიცვალნენ...
მერილინის იდუმალი გარდაცვალება
ტრაგიკულად გარდაცვლილი მოდელების სია მერილინ მონრომ გახსნა, რომელიც 1953 წლის დეკემბერში ჟურნალის პირველი გამოშვების გარეკანზე გამოჩნდა. მომღერალი, მსახიობი და XX საუკუნის სექსსიმბოლო 1962 წლის 5 აგვისტოს 36 წლის ასაკში იდუმალ ვითარებაში გარდაიცვალა. სავარაუდო მიზეზები ვერსიებს შორის, თვითმკვლელობის გარდა, მკვლელობაც მუშავდებოდა. რა იყო მისი გარდაცვალების ჭეშმარიტი მიზეზი, დღემდე არ არის ზუსტად ცნობილი.
ჯეინ მენსფილდის ტრაგედია
1950-იანების კიდევ ერთი სექსსიმბოლო, რომელმაც არაერთხელ დაამშვენა "პლეიბოის" გვერდები, მსახიობი ჯეინ მენსფილდი იყო, რომელმაც 1955 წელს სახელოვანი გამოცემისგან "მის თებერვლის" ტიტული მიიღო. 13-წლიანი კარიერის განმავლობაში ჯეინმა 30-ზე მეტ ფილმში მიიღო მონაწილეობა. იგი თავის მეგობართან ერთად ავტოკატასტროფაში დაიღუპა 1967 წლის 29 ივნისს, თანაც საზარელი სიკვდილით - ავარიის დროს თავი წაეცალა. მანქანის უკანა სავარძლებზე მსახიობის სამი შვილი იჯდა, თუმცა, საბედნიეროდ, სამივე გადარჩა.
ავტო და ავიაკატასტროფები
ასევე ავტოკატასტროფაში დაიღუპა 1966 წელს 28 წლის ამერიკელი მოდელი, "მის მარტი" ტონია კრუსი. იგივე ბედი ეწია 22 წლის მსახიობ კეროლ ლუისს 1971 წლის 6 ნოემბერს. 1977 წელს კი ავიაკატასტროფას ემსხვერპლა ფოტომოდელი, მსახიობი და პროდიუსერი, ასევე "მის ივნისი 1955" ივ მეიერი. 48 წლის ბიზნესლედი ტენერიფეს აეროპორტიდან უნდა გაფრენილიყო ერთ-ერთი ბოინგით, რომელიც პირდაპირ საფრენ ბილიკზე აფეთქდა.
"პლეიბოის" კიდევ ერთი ვარსკვლავი - ამერიკელი მოდელი და მსახიობი კლაუდია ჯენინგსი ემსხვერპლა ავტოავარიას 1979 წელს - მაშინ ის 29 წლის იყო. ავარიის დროს იგი ნარკოტიკული ზემოქმედების ქვეშ იმყოფებოდა.
კონკურენცია
არანაკლებ გავრცელებული სიკვდილის მიზეზი "პლეიბოის" მოდელებს შორის თვითმკვლელობაა. სწორედ ასე დაასრულა სიცოცხლე 48 წლის ასაკში შერილ კაბერტმა. "მის თებერვალი 1958"-მა ვეღარ აიტანა პოპულარობის კლება და თავი მოიკლა. თუმცა, ხშირად გოგონები დატვირთვასა და კონკურენციას ვერ უძლებდნენ და ამის გამო იკლავდნენ თავს. ასე გამოეთხოვა სიცოცხლეს 23 წლის სიუ უილიამსი (ჰამილტონი) 1969 წელს. იგი "პლეიბოის" "მის აპრილი 1965" გახლდათ.
ისევ თვითმკვლელობები...
23 წლის უილი რეიმ და 30 წლის მოდელმა პეიჯ იანგმაც სწორედ თვითმკვლელობით დაასრულეს სიცოცხლე. პეიჯმა 1974 წელს საძილე პრეპარატების დიდი დოზა მიიღო და გარდაიცვალა.
2008 წლის 29 ივლისს იარაღით მოიკლა თავი ამერიკელმა მოდელმა, 53 წლის დები ბუსტრომმა. სამ თვეში მოისწრაფა სიცოცხლე 35 წლის ტიფანი სლოანმა, რომელიც ფოტომოდელი, მსახიობი, მოცეკვავე და ტანმოვარჯიშე იმავდროულად "პლეიბოის" "მის ოქტომბერი 1992" იყო.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
