25
აპრილიდღის ზოგადი ასტროლოგიური პროგნოზი
!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
ახლად აღმოჩენილი ძველი ეგვიპტური სამარხი ნათელს ჰფენს სამეფო ოჯახის ისტორიას, რომელიც რეგიონს 3600 წელზე მეტი ხნის წინ მართავდა.
CNN-ის ინფორმაციით, არქეოლოგებმა იანვარში, ეგვიპტის რაიონ აბიდოსში აღმოაჩინეს უზარმაზარი კირქვის სამარხი რამდენიმე ოთახით და მორთული შესასვლელით. თუმცა მდიდრული საფლავის სავარაუდო ბინადარი საიდუმლოდ რჩება.
პენსილვანიის უნივერსიტეტის პენის მუზეუმის მიერ გავრცელებულ პრესრელიზში ნათქვამია, რომ საფლავის მძარცველებმა შესასვლელში აგურებზე დახატული იეროგლიფური ტექსტი დააზიანეს, რის გამოც სახელის ამოკითხვა შეუძლებელია.
შთამბეჭდავი სამარხი არ შეიცავდა ჩონჩხის ნაშთებს. თუმცა, მკვლევარები თვლიან, რომ ეს არის ფარაონის დასასვენებელი ადგილი, რომელიც ზემო ეგვიპტეს მეორე შუალედურ პერიოდში მართავდა.
იდუმალი ფარაონი შეიძლება იყოს ერთ-ერთი იმ რამდენიმედან, რომელიც მოხსენიებულია მონარქების ტრადიციულ ჩანაწერებში - ისინი ოდესღაც მართავდნენ რეგიონს.
„ეს არის ძალიან იდუმალი დინასტია, რომელიც, როგორც ჩანს, მივიწყებული იყო. ეს იდუმალი საფლავი... ხსნის ახალ კვლევას (აბიდოსის დინასტიის შესახებ)," - განაცხადა ეგვიპტოლოგმა და ეგვიპტური არქეოლოგიის პროფესორმა პენსილვანიის უნივერსიტეტში ჯოზეფ ვეგნერმა. ის გათხრებს ხელმძღვანელობდა.
ექსპერტები ამბობენ, რომ სამარხმა შესაძლოა ნათელი მოჰფინოს ისტორიის მანამდე ბუნდოვან პერიოდს.
დაკარგული ფარაონი
არქეოლოგებმა სამარხი დაახლოებით 7 მეტრის სიღრმეზე აღმოაჩინეს. საფლავი უძველესი ნეკროპოლისის, ანუ „მიცვალებულთა ქალაქის“ ადგილას მდებარეობს.
აბიდოსი ისტორიულ ჩანაწერებში მოიხსენიება, როგორც წმინდა ქალაქი, რომელიც იყო ქვესკნელის ღმერთის ოსირისის ბოლო განსასვენებელი და ადრეული ფარაონების სასურველი განსასვენებელი. ნეკროპოლისი საუკუნეების განმავლობაში ვითარდებოდა, რადგან უფრო და უფრო მეტი დინასტია აშენებდა სამარხებს და კრძალავდა მეფეებს.
ათ წელზე მეტი ხნის წინ, ვეგნერი და მისი გუნდი ამ ნეკროპოლისში პირველ სამარხს წააწყდნენ, რომელმაც დაადასტურა აბიდოსის დინასტიის არსებობა - ეს იყო მმართველი დინასტია, რომელიც პირველად 1997 წელს გამოიკვლია ეგვიპტოლოგმა კიმ რიჰოლტმა.
რიჰოლტი თვლიდა, რომ მცირე დინასტია მართავდა აბიდოსის რეგიონს იმ დროს, როდესაც ძველი ეგვიპტე დაყოფილი იყო მეტოქე სამეფოებად.
პირველი სამარხის მფლობელი, მეფე სენებ-ქეი, სრულიად უცნობი ფარაონი იყო, რომელიც არასოდეს ყოფილა ნახსენები ისტორიულ ჩანაწერებში.
იხილეთ ასევე:
