მარველის "რკინის კაცი" რეალობად იქცა - შექმნეს რობოტი, რომელიც წელს ქვემოთ პარალიზებულებს სიარულს შეაძლებინებს (ვიდეო)
სამხრეთ კორეელმა მკვლევრებმა შექმნეს მსუბუქი რობოტი, რომელიც პარალიზებულ ადამიანებზე მორგების შემდეგ, მათ სიარულის, დაბრკოლებებზე გადასვლისა და კიბეზე ასვლის საშუალებას აძლევს.
კორეის მოწინავე მეცნიერებისა და ტექნოლოგიების ინსტიტუტის (KAIST) ეგზოჩონჩხის ლაბორატორიის გუნდმა განაცხადა, რომ მათი მიზანი იყო შეექმნათ რობოტი, რომელიც ადვილად ინტეგრირებადი იქნებოდა შეზღუდული შესაძლებლობის მქონე პირთა ყოველდღიურ ცხოვრებაში.
-
რობოტის პრეზენტაცია გუნდის წევრმა, კიმ სეუნგ ჰვანმა გამართა. ის თავად არის პარალიზებული. კიმმა საზოგადოებას წარუდგინა რობოტი, რომელიც მასთან თავად მიდის, შემდეგ მოირგო და 3,2 კმ/სთ სიჩქარით შეძლო სიარული.
“მას შეუძლია ჩემთან მოვიდეს სადაც არ უნდა ვიყო, მაშინაც კი, როცა ინვალიდის ეტლში ვზივარ და ფეხზე წამოდგომაში დამეხმარება,“ – თქვა კიმმა.
-
ეგზოჩონჩხი, სახელწოდებით WalkON Suit F1, დამზადებულია ალუმინისგან და ტიტანისგან, იწონის 50 კგ-ს და 12 ელექტრონული ძრავით იკვებება.
გუნდის კიდევ ერთი წევრის, პარკ ჯონგ-სუს თქმით, იდეის შექმნა მას “მარველის“ ფილმმა "რკინის კაცმა" შთააგონა.
”რკინის კაცის“ ყურების შემდეგ, ვფიქრობდი, რომ კარგი იქნებოდა, თუ რეალურ ცხოვრებაში დავეხმარებოდით რობოტებით ადამიანებს,“ - აცხადებს ის.
წონასწორობის უზრუნველსაყოფად, რობოტი აღჭურვილია სენსორებით ძირებზე.
იხილეთ ასევე:
- ნამარხებმა იდუმალი “უცხო სახეობის“ მცენარე გამოავლინეს, რომლის მსგავსი აქამდე არ უნახავთ - რას წერს კვლევითი ცენტრი
- სახლი მთვარეზე ან მარსზე? - ინდური კომპანია კოსმოსური სახლის დიზაინს ცდის: რით არის აღჭურვილი საცხოვრებელი?