ქალი, რომელიც P.Diddy-ს 2pac-ის მკვლელობაში ადანაშაულებდა ამბობს, რომ სკანდალურმა რეპერმა რამდენიმე ადამიანთან ერთად გააუპატიურა - მორიგი ბრალდების დეტალები
შონ "დიდი" კომბსს სექსუალურ ძალადობაში კიდევ ერთი ქალი ადანაშაულებს - ეშლი პარჰემი ამტკიცებს, რომ რეპერმა იგი რამდენიმე ადამიანთან ერთად, ჯგუფურად გააუპატიურა.
აღსანიშნავია, რომ მანამდე პარჰემმა კომბსი თუფაქის მკვლელობაში დაადანაშაულა. რეპერმა მოისმინა მისი განცხადება და უთხრა, რომ ამ ბრალდებისთვის "აუცილებლად აგებდა პასუხს".
სარჩელის თანახმად, 2018 წელს, რეპერმა ქალი მეგობარი მამაკაცის სახლში დაიბარა. ადგილზე მისულს კი დანით დაემუქრა და უთხრა, რომ "გლასგოს ღიმილს" მიიღებდა. ამის შემდეგ სხეულზე ზეთი გადაასხა და გააუპატიურა.
ბრალდებულებს შორის დასახელდა კრისტინა ხორამი - იგი შონ კომბისის ახლო მეგობარი და მისი "ძალადობრივი ქმედებების ხელშემწყობია". პარჰემის მტკიცებით, ხორამმა მას "უცნობი" აბის გადაყლაპვა აიძულა. სავარაუდო თავდასხმის შემდეგ პარჰემი საავადმყოფოში მკურნალობდა. მისივე თქმით, მომხდარის შესახებ მან პოლიციას მალევე შეატყობინა, თუმცა ხელისუფლების მხრიდან სრული "იგნორი" მიიღო.
შეგახსენებთ, რომ შონ კომბსი 16 სექტემბერს დააკავეს. მას ბრალი ედება რეკეტსა და სექს ტრეფიკინგში. ამჟამად ის იზოლატორში იმყოფება. ბრალმდებელ მსხვერპლთა საერთო რაოდენობა 120-ია, მათი ნახევარი მამაკაცები არიან, ხოლო ნახევარი ქალები. მსხვერპლთაგან 25 არასრულწლოვანია.
ბრალდებები 1991 წლიდან 2024 წლამდე პერიოდს მოიცავს. დანაშაულები კი ლოს-ანჯელესში, ნიუ-იორკსა და მაიამიში მოხდა. ყველაზე მეტი შემთხვევა 2015 წლის შემდეგ დაფიქსირდა. წყარო
წაიკითხეთ ასევე: