გუკა რჩეულიშვილის "ლავ სთორი" მსოფლიოში ცნობილ ქართველი მოდელთან, რომელმაც 3 წლის წინ მოდის კვირეულს სკანდალური პოსტი მიუძღვნა - რა არის ცნობილი მარიშა ურუშაძეზე?
გუკა რჩეულიშვილი შეყვარებულია. რეჟისორის რჩეული ნუცა კუხიანიძისა და ლელა კილაძის შემდეგ, ამჯერადაც ცნობილი სახეა. წყარო გვიყვება, რომ უკვე დიდი ხანია, რაც გუკას და მოდელ მარიშა ურუშაძეს რომანი აქვთ.
ლელა კილაძესთან დაშორების შემდეგ, გუკა დიდხანს არ დარჩენილა მარტო. ახალი სიყვარული იპოვა კილაძემაც, რომელთანაც ცოტა ხნის წინ შვილი შეეძინა. თუმცა ოჯახის ახლობელი ამბობს, რომ ლელა და გუკა კარგ, მეგობრულ ურთიერთობას ინარჩუნებენ. რაც ცხადია, მართალია, რადგან მარიშა ურუშაძის "ინსტაგრამის" გვერდზე გამოქვეყნებულ გუკას ფოტოებზე, ლელას გულებს აღმოაჩენთ.
რაც შეეხება მარიშა ურუშაძეს, უკვე წლებია რაც წარმატებული ქართველი მოდელია, რომელიც "გუჩისა" და "მარკ ჯეიკობსის" სამოდელო სახლების ჩვენებებზე გამოდის. ახლახანს მარიშა ურუშაძე პარიზის მოდის კვირეულზე vaquera.nyc-ის ჩვენებაზე გამოვიდა, ასევე წარადგინა vetements-ის კოლექცია, რისთვისაც სოციალურ ქსელში გურამ გვასალიას მადლობა გადაუხადა.
მარიშა გარდა მოდელობისა, რამდენიმე ფილმშიც არის გადაღებული. ცოტა ხნის წინ, გუკასთან ერთად მისი, როგორც თანაპროდიუსერის წარდგენა მოხდა.
ტატო კოტეტიშვილის სადებიუტო მხატვრულ ფილმში - "წმინდა ელექტროენერგია’’, რომელიც ლოკარნოს კინოფესტივალზე ოქროს ლეოპარდით დაჯილდოვდა თანაპროდიუსერები: ინეკ სმითი, ინეკ კანტერსი, ლისეტე კელდერი, გუკა რჩეულიშვილი და მარიშა ურუშაძე გახლდნენ.
მარიშა ურუშაძის წარმატებებს ქართული მედიები ხშირად აშუქებენ. თუმცა 2021 წელს Mercedes-Benz-ის მოდის კვირეული, რომლის ორგანიზატორიც სოფო ჭყონია გახლდათ, მარიშა ურუშაძე იყო პირველი მოდელი, რომელმაც "ინსტაგრამ" სთორიში მოდის კვირეულის მისამართით კრიტიკა არ დაიშურა:
"გახსოვდეთ, რომ გოგოების ნახევარს პერიოდი ჰქონდა და ზოგიერთ მათგანს კიბეზე მოუწია ტამპონების გამოცვლა. არ იყო ტრანსპორტირება, არ იყო საჭმელი, დაბოლოს, რაღაცნაირად აღმოჩნდა, რომ ეს არავის ბრალი იყო. არც კი დავიწყებ საუბარს ხელფასებზე, რომლებიც სასაცილოა იმასთან შედარებით, რისი გაკეთებაც გვიწევს”, - ამბობდა მოდელი.
მარიშა სამოდელო სააგენტო Lookmodels-ის მოდელია, რომლის ხელმძღვანელიც ნინო ცქიტიშვილია.
მარიშა მოხვდა იმ 5 ქართველ მოდელს შორის, რომლებზეც Vogue-ის ონლაინ-გამოცემა წერდა.
"განსაკუთრებით ყურადღებას იმსახურებს მარიშა ურუშაძე: ხვეული თმით, ნაზი გამოხედვით. თოჯინის მსგავსი გარეგნობის გოგონა ყველაზე მეტად მოთხოვნადი მოდელია ქვეყანაში", - წერდა Vogue-ის ონლაინ-გამოცემა 2016 წელს.
"14 წლის ვიყავი, როცა მამიდაჩემმა მიმიყვანა ყველაზე წამყვან სამოდელო სააგენტოში. ერთი წლის შემდეგ პარიზში გამიშვეს კასტინგებზე, სადაც მსოფლიოში ცნობილმა დიზაინერებმა მნახეს. მას შემდეგ თითქმის 6 წელია დავდივარ მსოფლიოს სხვადასხვა ქალაქში და ვმონაწილეობ მაღალი მოდის ჩვენებებში, სარეკლამო კლიპებში.
თავს არ ვზოგავ, რომ ვიყო წარმატებული და მქონდეს ხშირი მიწვევები, რაც საკმაოდ კარგად აისახება კიდეც ჩემს შემოსავალზე.
მახსოვს, როცა ყაზახეთში ვცხოვრობდით და მამათში 4-5 წლის ჩავყავდი ჩემს მშობლებს, ქართული არ ვიცოდი. დილით 5-6 საათზე ვდგებოდი, როცა ყველას ეძინა (ყაზახეთი 3 საათით წინ არის) და მეზობლების საქათმეებში დავდიოდი წიწილების სანახავად. ქათმების კრიახზე მთელი კუთხე იღვიძებდა. როცა მე მნახულობდნენ საქათმეში, იცინოდნენ და ხალისობდნენ... ყველგან ვამბობ, რომ ვარ გურული და ლანჩხუთელი, მე ეს მეამაყება. ეს გრძნობა მამაჩემმა ალმაათაში ჩამინერგა. სულ მიყვებოდა ცნობილ ლანჩხუთელებზე, ნათესავებზე, ფეხბურთზე..." - ამბობდა მარისა წლების წინ „გურიანიუსთან“ ინტერვიუში.
რაც შეეხება გუკა რჩეულიშვილს, შეგახსენებთ, რომ მისი პირველი მეუღლე მსახიობი ნუცა კუხიანიძე გახლდათ, რომელთანაც ერთი საერთო შვილი, კატო ჰყავს. შემდეგ რჩეულიშვილმა ლელა კილაძეზე იქორწინა, თუმცა მათი თანაცხოვრება სკანდალურად დასრულდა და გუკა ლელაზე ფსიქოლოგიური ძალადობის ბრალდებით ციხეში მოხვდა. საპატიმროს დატოვების შემდეგ წყვილი შერიგდა, თუმცა მალე ცნობილი გახდა, რომ ისინი დაშორდნენ. მეორე ქორწინებაში რჩეულიშვილს, ქალიშვილი თრინითი შეეძინა.