ოკუპანტმა რუსეთმა ისევ უკრაინის დასახლებულ პუნქტებს შეუტია: დაიბომბა ხერსონის ბაზარი, ზაპოროჟიეს საცხოვრებელი უბნები, არის მსხვერპლი - მძიმე კადრები
რუსულმა მხარემ უკარინას მასიურად შეუტია. ბოლო ინფორმაციით, რუსებმა ხერსონში საზოგადოებრივი ტრანსპორტის გაჩერებასა და ერთ-ერთ ბაზარს საარტილერიო ცეცხლი გაუხსნეს, რის შედეგადაც 7 ადამიანი დაიღუპა. არიან დაშავებულები.
ამავდროულად ვრცელდება ინფორმაცია იმის შესახებ, რომ ავიაიერიშები განხორციელდა ზაპოროჟიეს საცხოვრებელ უბნებზე. 6-მა რაკეტამ 2 მშვიდობიანი მოქალაქის სიცოცხლე იმსხვერპლა.
ზაპოროჟიეში დაბომბვის შედეგად დაშავებულთა რიცხვი 7-მდე გაიზარდა.
რაკეტა 15 სართულიან კორპუსს დაეცა, განადგურდა ზედა სართულები. საგანგებო სიტუაციების სამსახურის ინფორმაციით, დაზიანდა 25-მდე ავტომობილი.
ამასთანვე, ბალისტიკური რაკეტების საფრთხის გამო კიევსა და გარშემო რეგიონებში საჰაერო განგაშია გამოცხადებული. მოსახლეობა ბუნკერებს აფარებს თავს.
რუსეთის თავდაცვის სამინისტროს ინფორმაციით, რუსულმა ჯარებმა ხარკოვისა და დონეცკის ოლქებში ორი დასახლება აიღეს. სოფელ ვიშნევოიესა და თვითგამოცხადებული DPR-ის სოფელი კრუტოი იარიში რუსი ჯარისკაცები არიან გამაგრებულები.
იხილეთ ასევე: