25
აპრილიდღის ზოგადი ასტროლოგიური პროგნოზი
!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მაღალტექნოლოგიური პოლიგრაფიული საწარმო „ფავორიტი/კოლორპაკი“ ფართოვდება და საქართველოს რეგიონებში იწყებს ოპერირებას. კომპანიამ პირველი რეგიონული საწარმო კახეთის რეგიონში, თელავში გახსნა, სადაც ადგილობრივ ბიზნესს შესაძლებლობა ექნება, ნაკლები დანახარჯებით მიიღოს უმაღლესი ხარისხის პოლიგრაფიული და სარეკლამო მომსახურება.
როგორც თბილისში, ასევე თელავში „ფავორიტი/კოლორპაკის“ საწარმო აღჭურვილია წამყვანი პოლიგრაფიული დანადგარებით, რომელიც ბიზნესსა თუ საცალო მომხმარებლებს მრავალფეროვანი სერვისების მიღების შესაძლებლობას აძლევს. დანადგარებზე იბეჭდება როგორც პრესა და წიგნები, ისე სარეკლამო და კომერციული პროდუქცია, შეფუთვები და ეტიკეტები, დიდტირაჟიანი, განსხვავებული, თემატური დიზაინის მქონე ეტიკეტები, ყუთები და სხვა სახის პოლიგრაფიული ნაწარმი.
უფრო დეტალურად, რა შესაძლებლობებს შექმნის „ფავორიტი/კოლორპაკი“ კახეთის რეგიონში და რა მნიშვნელობა აქვს ადგილობრივი წარმოების გაფართოებას, ამის შესახებ კომპანიის დირექტორი სანდრო გახელაძე საუბრობს:
რა შესაძლებლობებს უქმნის რეგიონულ ბიზნესს პოლიგრაფიული საწარმოს თელავში ამოქმედება?
მნიშვნელოვანია, რომ ასეთი მასშტაბის პოლიგრაფიული საწარმო გასცდა დედაქალაქს და რეგიონში ახალი შესაძლებლობები შექმნა. ჩვენი ერთ-ერთი უმნიშვნელოვანესი მიმართულება ღვინის შეფუთვაა, იქნება ეს ეტიკეტი, ჩაჩი, საცობი და სხვა. შესაბამისად, რეგიონის შერჩევისას ბევრი არ გვიფიქრია. ჩვენი მიზანი იყო, აღნიშნული პროდუქცია უფრო მარტივად ხელმისაწვდომი გაგვეხადა ადგილობრივი მეწარმეებისთვის, რასაც ვფიქრობ, კახეთის რეგიონში მივაღწიეთ.
რამდენად მნიშვნელოვანია საწარმოს გაფართოება ერთი მხრივ „ფავორიტი/კოლორპაკისთვის“ და მეორე მხრივ, კახეთის რეგიონისთვის?
ბუნებრივია, კახეთში ახალი საწარმოს გახსნა მხოლოდ „ფავორიტი/კოლორპაკის“ წარმატება არ არის. ჩვენი ოპერირება მნიშვნელოვნად შეუწყობს ხელს რეგიონის ეკონომიკურ განვითარებას. საწარმოში დასაქმებული ადამიანების აბსოლუტური უმრავლესობა ადგილობრივია. დაგეგმილი გვაქვს, ერთი წლის განმავლობაში მათი რიცხვი რამდენიმე ათეულით გავზარდოთ.
რეგიონული საწარმოს ამოქმედება ერთი მხრივ, ახალ შესაძლებლობებს უხსნის როგორც „ფავორიტი/კოლორპაკს“, ისე კახეთს, სადაც ღვინის ეტიკეტებზე, აქსესუარებსა და შეფუთვებზე მაღალი მოთხოვნაა. საწარმო მსხვილ ბიზნესსა თუ მცირე მარნებს შესაძლებლობას აძლევს, ადგილზე შეუკვეთონ მაღალი ხარისხის პოლიგრაფიული პროდუქცია და დაზოგონ ლოგისტიკისა თუ იმპორტის ხარჯები.
უფრო დეტალურად, რა სახის პოლიგრაფიულ მომსახურებას სთავაზობს ბიზნესს ფავორიტი/კოლორპაკის ახალი საწარმო თელავში?
თელავის ფილიალში ჩვენი მომსახურება მრავალფეროვანია და ჩამონათვალი კიდევ უფრო გაიზრდება. ადგილზე შეგვიძლია დავამზადოთ: ღვინის ეტიკეტები, სავიზიტო ბარათები, ფლაერები და სტიკერები, მისალოცი ბარათები და მოსაწვევები, გარე რეკლამა და სხვა სარეკლამო მასალები.
ჩვენი მიზანია კახეთის ფილიალის კიდევ უფრო მეტად გაზრდა და განვითარება. შესაბამისად, ძალიან მალე ჩვენი მომხმარებელი თელავში მიიღებს ყველა იმ სერვისს, რასაც აქამდე მხოლოდ თბილისში ვთავაზობდით.
„ფავორიტი/კოლორპაკი“ ადგილობრივი ბიზნესია, რომელმაც დიდწილად ჩაანაცვლა იმპორტი. საინტერესოა, რა ნაბიჯები იდგმება კომპანიის განვითარებისთვის?
„ფავორიტი/კოლორპაკი“ უკვე 30 წელზე მეტია, რაც ქართულ ბაზარზეა და ამ დროის განმავლობაში სტაბილურად ინარჩუნებს პირველობას. ჩვენთვის მნიშვნელოვანი გამოწვევა იყო განვვითარებულიყავით ექსპორტის მიმართულებით. ჩვენი პარტნიორი ქვეყნების ჩამონათვალი დღითიდღე იზრდება. ჩვენი პროდუქცია უკვე აქტიურად გადის როგორც ევროპაში, ისე შეერთებულ შტატებში. ამასთან, შესაფუთი მასალებისა თუ ეტიკეტების იმპორტი მნიშვნელოვნად ჩავანაცვლეთ.
„ფავორიტი/კოლორპაკი“ აგრძელებს განვითარების გზაზე სვლას. მუდმივ რეჟიმში მიმდინარეობს დანადგარების განახლება და კადრების გადამზადება, რაც საბოლოოდ პროდუქციის მაღალ ხარისხზე აისახება.
ხარჯთეფექტურობის კუთხით რამდენად მნიშვნელოვანია, მაღალი ხარისხის პოლიგრაფიული წარმოება საქართველოში იყოს ხელმისაწვდომი და ბიზნესს შესაფუთი მასალებისა და სხვა პროდუქციის იმპორტი არ უწევდეს?
დღეს მსოფლიო თანხმდება, რომ პროდუქტის გაყიდვისას უმნიშვნელოვანესია მისი შეფუთვა როგორც ხარისხის, ისე ვიზუალური თვალსაზრისით. ჩვენ მუდმივად ვცდილობთ მომხმარებელს შევთავაზოთ ინოვაციური შესაძლებლობები, რომელიც გასცდება ტრადიციული ბეჭდვის საზღვრებს. ამის დასტურია HP-ს საბეჭდი დანადგარი „ინდიგო 20 000“, რომელიც მსოფლიოში სულ 60-ია და მათ შორის ერთ-ერთი საქართველოში, „კოლორპაკის“ საწარმოში გვაქვს.
რამდენიმე თვის წინ საწარმოს დაემატა კრაფტის ჩანთების დანადგარი, რაც ადგილობრივ მეწარმეებს საშუალებას მისცემს, თურქეთის ნაცვლად შეკვეთები უკვე საქართველოში განათავსონ, რაც ბიზნესისთვის ოპტიმალურია. ამასთან, ჩვენთან თანამშრომლობის კიდევ ერთი უპირატესობა ოპერატიულობაა, რაც ჩვენი უცხოელი კონკურენტებისგანაც კი გამოგვარჩევს.
საბოლოო მიზანი სწორედ იმპორტის სრულად ჩანაცვლებაა და დღეს რთულად მოიძებნება სერვისი ან პროდუქტი პოლიგრაფიული მიმართულებით, რასაც ჩვენს საწარმოში ვერ მიიღებთ.
დაბოლოს, განვითარებისა და ზრდის კუთხით, როგორია თქვენი სამომავლო გეგმები?
დღეის მდგომარეობით „ფავორიტი/კოლორპაკის“ წარმოება თითქმის 40 ათას კვადრატულ მეტრზეა გაშლილი და ბუნებრივი ეს მასშტაბები კიდევ უფრო გაიზრდება. მომხმარებელს ადგილზე შეუძლია მიიღოს სრული პოლიგრაფიული მომსახურება ერთი ფანჯრის პრინციპით. ამას ემატება ახალი საწარმო თელავში. უახლოეს მომავალში კიდევ რამდენიმე რეგიონში ვგეგმავთ ფილიალის გახსნას, ვცდილობთ მეწარმეებთან მაქსიმალურად ახლოს ვიყოთ, მაქსიმალურად ვერგებით მათ სურვილებს, შესაბამისად, აქტიურად ვაახლებთ ჩვენი სერვისების ჩამონათვალსაც.
R
