მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საზღვარზე დააკავეს გივი თარგამაძის განზრახ მკვლელობის მცდელობაში მსჯავრდებული - რა არის ცნობილი კუდ-ის ყოფილ თანამშრომელ დარჩო ხეჩუაშვილზე?
13:18 / 20-09-2024
ოპოზიციონერი პოლიტიკოსის გივი თარგამაძის განზრახ მკვლელობის მცდელობაში მსჯავრდებული პირი, შსს-ს ყოფილი თანამშრომელი დარჩო (დავით) ხეჩუაშვილი დააკავეს.
- არსებული ინფორმაციით, ხეჩუაშვილი საქართველოს საზღვრის გადმოკვეთის შემდეგ აიყვანეს.
აღნიშნულთან დაკავშირებით შინაგან საქმეთა სამინისტროში კომენტარი ამ ეტაპზე არ კეთდება.
მსჯავრდებულზე საერთაშორისო ძებნა იყო გამოცხადებული, მას თბილისის საქალაქო სასამართლოს მიერ 2019 წელს დაუსწრებლად, 18-წლიანი პატიმრობა მიესაჯა. ის სასამართლომ დამნაშავედ ცნო დამამძიმებელ გარემოებებში განზრახ მკვლელობის მცდელობაში, ასევე, ცეცხლსასროლი იარაღის, საბრძოლო მასალის, ფეთქებადი ნივთიერების, ასაფეთქებელი მოწყობილობის მართლსაწინააღმდეგოდ შეძენა-შენახვა-ტარებაში, გასაღებისა და სხვისი ნივთის დაზიანება-განადგურებაში.
გამოძიების ინფორმაციით, მსჯავრდებულმა გამოძიებით დაუდგენელ თანამზრახველთან ერთად იმჟამინდელი პარლამენტის წევრის, გივი თარგამაძის მკვლელობა განიზრახა.
შსს-ს მტკიცებით, ადამიანი, რომელიც აფეთქებამდე, თარგამაძის "შკოდას" აკვირდება დარჩო ხეჩუაშვილია - სქრინი 2016 წელს გავრცელებული ვიდეოდან
მსჯავრდებულმა თანამზრახველთან ერთად დაგეგმა და ორგანიზება გაუკეთა გიორგი თარგამაძის განზრახ მოკვლის მიზნით ამ უკანასკნელზე თავდასხმას. კერძოდ, გიორგი თარგამაძის “შკოდა ოქტავიას“”მარკის ავტომანქანის უკანა ნაწილის ქვედა მხარეს დაამაგრა ასაფეთქებელი მოწყობილობა, რაც შემდეგ სისრულეში მოიყვანა.
აფეთქების შედეგად შემთხვევის ადგილზე მყოფმა პირებმა ჯანმრთელობის სხვადასხვა ხარისხის დაზიანებები მიიღეს, ასევე დაზიანდა მოქალაქეების და ორგანიზაციების ავტომანქანები.
ვინ არის დარჩო ხეჩუაშვილი?
დავით ხეჩუაშვილი 2008-დან 2012 წლის სექტემბრამდე კუდ-ის მე-5 სამმართველოში მუშაობდა, უფრო ადრე - თავდაცვის სტრუქტურებში. ერთ-ერთი ინფორმაციით, 2016 წლის 20 მაისიდან 30 ივნისამდე ის უკრაინაში იმყოფებოდა. ხეჩუაშვილს განათლება სანქტ-პეტერბურგში აქვს მიღებული, სამხედრო დაზვერვის ინსტიტუტში სწავლობდა და რუსულ სპეცსამსახურებთან მისი კავშირიც განიხილება.
ბრალდებულის მამა ანზორ ხეჩუაშვილი 2016 წელს გამორიცხავდა დანაშაულში თავისი შვილის მონაწილეობას. ამბობდა, რომ ამ ფაქტამდე 5 დღით ადრე მისი შვილი სამუშაოდ რუსეთში წავიდა. მისივე თქმით, დარჩო შევარდნაძეზე განხორციელებულ ტერაქტშიც ფიგურირებდა, თუმცა მაშინ სასამართლომ უდანაშაულოდ ცნო. წლების წინ დარჩო ხეჩუაშვილის სახელმა ასევე გაიჟღერა მუხროვანის ამბოხების საქმეშიც. თუმცა კონკრეტულად რა როლი შეასრულა, უცნობია.
ბრალდებულმა იმავე დღეს დატოვა საქართველო, როცა გივი თარგამაძის მანქანა ააფეთქეს და ვრცელდებოდა ინფორმაცია, რომ ის ბოლო დროს თავს რუსეთის ფედერაციას აფარებდა.
ცნობილი გახდა მაშინვე, რომ "მერსედესის“ მარკის ფურგონი, სახელმწიფო ნომრით, AA355TA, რომლითაც დარჩო ხეჩუაშვილი მოძრაობდა, მისი საკუთრება იყო, თუმცა, მანქანა ახლო ნათესავზე, ბორის ჩაგუნავაზე ჰქონდა გადაფორმებული. ბორიც ჩაგუნავაც ასევე ბრალდებული იყო ამ საქმეზე და ის ხეჩუაშვილის სიძე იყო.
ვინ იყო ბორის ჩაგუნავა?
"რა პრობლემაა, რომ ნათესავის მანქანა გადაიფორმო? ეს ჩვეულებრივი რაღაცაა. რადგან იქ იარაღი იყო, რადგან ჩვენზეა გაფორმებული, ჩვენ მოგვაწერეს. ასე ამბობენ, რომ მანქანაში იყო იარაღი, თუმცა ჩვენ ეს არ დაგვინახავს, მიუხედავად იმისა, რომ ჩვენ ამ მანქანით პატარები დაგვყავდა", - ამობდა მაშინ ნატა ჩაგუნავა, ბორის ჩაგუნავას მეუღლე.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
